Search This Blog

Wednesday, January 18, 2017

မောင်ဖေငယ်


နှစ်တွေဘယ်လို ကြာညောင်းပေမဲ့ မဟောင်းမြေ့နိုင် တဲ့
ဇာတ်လမ်းလေး တစ်ပုဒ်ကတော့ မန္တလေးရတနာပုံ
နေပြည်တော်ကြီးမှာ အစပြုခဲ့ပါတယ်။

(၁)
လောင်းရှည်မြို့စား သီရိမဟာသုပဘာဒေ၀ီ ဘွဲ့တော်ခံ မိဖုရားကြီးသည်မင်းတုန်းမင်းတရားကြီး ကမျက်မာန်ပွားရာမှ အငြိုအငြင်ခံရကာချိူ့တဲ့စွာနေရစဉ်၌ သားတော်သီပေါ မင်းသားလေး သည်ပဌမပြန် စာပြန်ပွဲကြီးသုံးကြိမ် ပြန်ဆိုခဲ့သဖြင့် စာပေနှင့်ဘာသာကို လေးစားသော မင်းတုန်းမင်း တရားကြီးက သားတော်သီပေါမင်းကို မြှောက်စားခဲ့ ၏။

မင်းသား၏အဆောင်အယောင်နှင့်လက်သုံးတော်ဓါးပိုင်မင်းသားကို သူရဲကောင်းပြုရာတွင် ရှေ့လွှတ်တော်ကြီး မြောက်ဘက်၌ သီးသန့် ဆောက်လုပ်သောစံအိမ်တော်နှင့်စံမူ ၏။
ထိုစဉ်တွင်သီပေါဘုရင်၌အခြွေအရံလူပျိူတော်သားများဝိုင်းရံခစားလျက်ရှိရာ၌ဘိုးတော်ဘုရား သားတော်တစ်ပါးဖြစ်သော ရွှေဖြူမင်းသား၏ မြေးမောင်ဖေငယ်နှင့်ရေနံ ချောင်းမင်းကြီး၏ သားမောင်တုတ်တ်ို့သည်မင်းသားနှင့်အရင်းနှီး ဆုံးဖြစ်၏။
မောင်ဖေငယ်သည် ပညာရင့်သန်သူတုိ့ အလျှောက်နူးညံ့သိမ်မွှေ့သည်။မောင်မောင် တုတ်မှာလက်ရုံးရည်သမားဖြစ်သည့်အလျှောက် ဟောဟောဒိုင်းဒိုင်းနှင့် မဟုတ်မခံရှိသည်။
(၂)
မောင်ဖေငယ်သည် သီပေါမင်း၏လူပျိူတော် မဖြစ်ခင်ကအမျိူးကို ချစ်သည့်စာဆိုတော် လူငယ်ကလေးတစ်ဦးဖြစ်၏။ သက္ကရာဇ်၁၂၃၃-ခုနှစ်တွင်မင်းတုံးမင်းက အင်္ဂလိပ်လက်ရှိ ရန်ကုန်ရွှေတိဂုံစေတီတော်ကို ထီးတင်ရာ ပုပ္ပါးဝန်သည် ထီးတော်နှင့်အတူရန်ကုန်သို့ စုန်ဆင်းလာ၏။
ရွှေတိဂုံကုန်းတော်ပေါ်၏ အနီးတွင်ပုပ္ပါးဝန်က ထီးတော်ရုံယာယီဆောက် ကာခေတ္တထားရာ၌ ထီးတော်ရုံကို ထီးဖြူနှစ်လက်မိုးထား၏။

ထိုစဉ်တွင် အိန္ဒိယဘုရင်ခံချူပ်လာဒ်မင်းကြီးသည် ရန်ကုန်သို့လာရာမှထီးတော်ရုံအနီး၌ပင် ယာယီတဲ နှင့်နေ၏။လာဒ်မင်းကြီးယာယီတဲတွင်ထီးတော်ရုံကဲ့သို့ထီးဖြူနှစ်လက် မိုးထားကာစံနေရာ မြင်ရသူ မြန်မာတိုင်းမချိကြ။ လာဒ်မင်းကြီးသည် အိန္ဒိယသူပုန်တို့်က နောက်ကြောမှ ဓါးနှင့်နှစ်ချက် ထိုးကာလုပ်ကြံလိုက်သဖြင့် သေဆုံးသွားသည်တွင် မောင်ဖေငယ်စာချိူးတော့၏။

.....ထီးဖြူရုံပြဿဒ်နှင့်၊မအပ်တဲ့မရာ၊လဒ်ဆ်ိုတဲ့မိစ္ဆာ၊ပိတ်ရှာပြီ ၀ီဇီ၊ဘုန်းမတန်ဘုန်း တန်ကြံ ဆုံးရုပ်နံ၊လားရ ဇီဝီ၊ မင်းတုတုခွေးသေသေတယ်၊ သွေးထွေထွေယိုဘိ၊လဒ် ရန်ဇတ်ဒါဏ်တိ၊ နတ်ဖန် ဘိဘုန်းတော်၊ကျွန်းစင်္ကာပူတလွှား၊ရွှေဓါးပွါးသတရသနော်၊လှေခါးတက်ပေါ်၊ထီးဖြူတော် နှစ်ချက် ကြောင့်၊ သင့်အသက်ထွက်လွယ်စေ၊ဒါးနှစ်ချက် လေးလက်ဖြင့် လေးချက်မွှေမည် ဘေးသက်သေ၊လက်ငင်းဗျလေး။.......
မောင်ဖေငယ်၏ စာကိုတွေ့ရသော အောက်မြန်မာ ပြည်မှအင်္ဂလိပ်တို့သည်မင်းတုန်းမင်းကြီးထံသို့ လျှောက်ထား တိုင်ကြားကာကန့်ကွက်၏။
ထိုစဉ်ကမင်းတုန်းမင်းသည် အင်္ဂလိပ်တ်ို့ အားပေါင်းသင်း နေရချိန်တွင် နိုင်ငံရေးစိတ် ထက်သန်သည့်စာဆိုတော် ကလေး၏ဘေးကြောင့် အမူမပွားဆိုသဖြင့် မောင်ဖေငယ်ကို ထိတ်တုံးခတ်ခါ အကျဉ်းချထား၏။
.......သမုတိအတွက်င၀က်ကဒဏ်ခံ၊အထက်ကကြံဟန်ကိုရွှေနန်းစံမသိ၊ရှစ်ခုနှစ် တောင်မျက်နှာတွင် မက္ခရာမင်းနှင့်ပါဘိ၊ပလိပ်ကြောင်းအောင်ပန်းခွေ၊မောင်ထမ်း ချေနေဘိ၊ညောင်ရမ်းဆွေရ၀ိနှင့်ပြကတိ မသွေ၊ရန်သူတော်ရွှေဘိုသွား၊ဖေကိုဘွား ခဲ့ရသက်သေ ၃ခုနှစ်ကုလားပြေ၊ ဇယားခြေ ဇတ်ကြီးနှင့်တသီးပချင်းနိုင်ငံ၊ကူးခဲ့ပုံစံ ယခုဖြင့်ကောင်းမွေလွန်တယ်-ဆိုးမွေခံထိပ်တုံး နှင့်လေး။........
သီပေါမင်းသားသည် မယ်တော်ရှင်ဖြူမရှင် အလယ်နန်းမတော်ဖုရား၏သ္မီးလတ်
မြတောင်မြို့စား ထိပ်စုဖုရားလတ်နှင့် ကျောင်းသားဘ၀ စာပေသင်အံနေစဉ်ကပင် ချစ်ကျွမ်းဝင်ခဲ့ရာ မင်းသားနှင့်မင်းသ္မီး အပြန်အလှန်ပေးကြသည့် တေးထပ်များစာများ သည်မောင်ဖေငယ် ရေးပေးသည်ဟုဆို၏။
မောင်ဖေငယ်သည် ဒိုင်းဝန်နှင့်ဒိုင်းဝန်ကတော်တုိ့ ကမွေးစားသောသားဖြစ်ပြီး ဒိုင်းဝန်နှင့်ဒိုင်းဝန် ကတော်တွင် ခင်ခင်ကြီး(ဒိုင်းခင်ခင်)ဟု မွေးစားသ္မီးငယ်ကလေးရှိ၏။

သူတ်ို့နှစ်ယောက်နေရာချရန်ရာထားသည့်အတိုင်းမောင်ဖေငယ်ကဒိုင်းခင်ခင်ကြီး အပေါ်တွင်ချစ်မိ သော်လည်းဒိုင်းခင်ခင်မှာငယ်လွန်းသဖြင့်မပြောဘဲအလိုလိုက်ကာ အကြိုက်ပြုခဲ့ရ၏။

ဒုတိယပိုင်း ဇတ်သိမ်း
(၃)
၁၂၄၀-ခုသတင်းကျွတ်လဆန်း-၆-ရက် အင်္ဂါနေ့-၂-ချက်တီးကျော်တွင်မင်းတုံးမင်း နတ်ရွာစံသော်၊မိဖုရားခေါင်ကြီး မဟုတ်သော်လည်း ဆင်ဖြူရှင်တော်ကိုပေးသနားကာ မိဖုရားခေါင် ကဲ့သို့မြှောက်စားထားသည် ရှင်ဖြူရှင်မရှင် အလယ်နန်းမတော်ဖုရားသည် မင်းတုန်းမင်း မကျန်းမာစဉ်ကပင်၊အဆောင်တော်ပိတ်ပြီးကုသခဲ့၏။
အခြား မိဘုရား-၃၈-ပါးကိုဝင်ခွင့်မပြုရုံမက ကင်းဝန်မင်းကြီးဦးကောင်း ရွှေပြည်ဝန်မင်းဦးဖိုး လှိူင်၊ တိုင်တားမင်းကြီးဦးဖိုးဘို နှင့်တိုင်ပင်ကာ တိုင်းပြည်ငြိမ်ရန်အတွက်မက္ခရာမင်းသားကြီးက အစ သီဘော၊သာဂရ၊ရခိုင်၊ပျဉ်းမလွန် စသောမင်းသားတို့အထိသားတော်အားလုံးကို ဖမ်းထားလိုက်၏။
ထို့နောက်အိမ်ရှေ့မင်းအဖြစ် သီပေါမင်းသားကိုခန့်ရန်ဆုံးဖြတ်ခန့်ထား၏။သီပေါကို မောင်မောင်တုတ်က ကြေးတိုက်တွင် ထမ်း၍ထုတ်ခဲ့သည်။
မင်းတုံးမင်းနတ်ရွာစံပြီးနောက်မိဖုယား ၄၉ ပါး သား ၅၀ ပါး မြေးထီး ၃၈ ပါး မြေးမ ၄၅ ပါး
ကျန်ခဲ့၏။
(၄)
မင်းတုန်းမင်းနတ်ရွာစံလျှင် အိမ်ရှေ့မင်းသား သီပေါမင်းသည် နန်းတော်သို့ပြောင်း၍စံပြီး နန်းသိမ်း၏။ မောင်မောင်တုတ်ကို နေ့ညမပြတ် ခေါ်ထား၏။ မောင်ဖေငယ်နေမကောင်း သဖြင့် အိမ်ပြန်အိပ်စေပြီး နံနက်ညီလာခံတက် စေ၏။
မောင်ဖေငယ်ကို ရွှေတိုက်စိုးအရာနှင့် တောင်သမန် လယ်စား စီးတော်မြင်းဝန်အဖြစ်သူ ကောင်းပြု၏။ ဒိုင်းဝန်မင်းကို အတွင်းဝန်ပုဂံမြို့စားပေး၏။ ဒိုင်းအတွင်းဝန်၏ဖခင် လန်းပတ်မင်းကြီးအား ၀န်ကြီးခန့်၏။

မောင်မောင်တုတ် မင်းညီမင်းသားအခွင့်အရေးရပြီး ရနောင်မြို့ကိုစားစေကာ လက်သုံးတော်ကိုင် မြောက်ဓါးဝယ်ဗိုလ်ကြီး ဖြစ်၏။ ရွှေနန်းရှင်အား ပူးတွဲ၍သာခစား ကြ၏။

၁၂၄၀ ခုနှစ်တန်ဆောင်မုန်းလပြည့်ကျော် ၁၀ ရက်နေ့တွင်မဟေသီ ဘိသေကသဘင်ဆင်ယင်ရာ ဆင်ဖြူမရှင်က သီပေါမင်းအားသူ၏ သ္မီးတော်ကြီး မိုးနောင်စုဖယားကြီးနှင့် လက်ထပ်ရန် စီစဉ်နေစဉ် တွင် မင်္ဂလာအခါတော်ကျချိန်၌ မိုင်းနောင် စုဖုရားကြီးနှင့် သီပေါမင်းတို့ထိုင်ရာ အမရာသန ပလ္လင် ပေါ်သို့မြတောင်မြို့စား စုဖုရား လတ်က တက်ကာကြားထဲမှ ဇွတ်ဝင်ထိုင်သဖြင့် တစ်ချိန် တည်းပင် သီပေါကိုယ်တော် သည်မိဖုရားနှစ်ပါးနှင့် လက်ထပ်ပြီးသား ဖြစ်သွား၏။
သီပေါသည် စုဖုရားလတ်နှင့် သာလျှင်ပေါင်းသင်း နေရပြီး စုဖုရားကြီးထံသို့သွားခွင့် မရ။

(စုဖုရားလတ်သည် ဘုရင် မိဖုရားများများယူ သည့်စနစ်ကိုတော်လှန်သည်။)
၁၂၄၀ ခု တပို့တွဲလဆန်း ၁၀ ရက်နေ့ညတွင် ယခင်ကဖမ်းထားသည့်မင်းသားများအရာရှိများ သားသမီးများပါမကျန် လူ ၅၀ ခန့်ကို မောင်မောင်တုတ်က သီပေါမသိဘဲ သတ်လိုက်၏။

ထောင်ပြောင်းစေဟု အမိန့်ရှိသည်ကို အမှတ်မှားသဖြင့်သတ်ခဲ့ရသည်ဟု ဆို၏။
ထိုအခါ သီပေါဘုရင်ကနောက်ကို လက်သုံး တော်များ ၀န်ကြီးများနှင့် အတွင်းဝန်များ မသိကြဘဲကွပ်မျက်ခြင်းမပြုရဟုအမိန့်ထုတ် ခဲ့၏။

(၅)
ထို့နောက် ရာဇပဝေသ ဘိသိတ်သွန်းပြီး သီပေါမင်းက စုဖုရားလတ်ကိုမိဖုရားခေါင် ထီးဆောင်းမင်္ဂလာ မဟာဥကင်ဖွင့်၍လုပ်ရာ ကညာခင်ခင်ကြီးသည် ဘိသိတ်တော်ဆက်အဖြစ်န၀ရတ် ထီးရွှေဖလားကိုကိုင်ရန်အရွေးခံရ၏။

ထို့ကြောင့် မိဖုရားခေါင်ကြီးစုဖုရားလတ်က မျက်စေ့ကျကာလှပသော ခင်ခင်ကြီး(ဒိုင်းခင်ခင်)ကို အပါးတော်ခစားစေ ဟုမြှောက်စား၏။ အသက်ဆယ့် လေးငါးနှစ်ရှိ ခင်ခင်ကြီးကို မင်းနှင့်မိဖုရား နှစ်ပါးစလုံးကချစ်၏။
တစ်နေ့တွင်သီပေါက မောင်တုတ်နှင့် မောင်ဖေငယ်ကို ခေါ်ကာဒိုင်းခင်ခင်ကို နန်းရမိဖုရား မြှောက်လိုသည် ဟုပြော၏။ ဒိုင်းခင်ခင်ကို သူစံရာပန်းခုံတော်သို့ ခေါ်ပေးရန်ဆိုရာမောင်ဖေငယ်သည် နှမကောင်းစားသည် ကိုမြင်လိုသည်ကတစ်ကြောင်း သခင့်ကိုသစ္စာမဖောက်လို၍တကြောင်း ဒိုင်းခင်ခင်ကို ခေါ်ထုတ်ကာ သီပေါထံသို့ပို့ပေး၏။ မကြာခဏ ယောက်ျားလိုဝတ်ပြီး သီပေါထံသို့ခေါ်ပေး၏။

နောက်ဆုံးတွင် မိဖုရားခေါင်ကြီး စုဖုရားလတ် သိသွား၏။ ဒိုင်းခင်ခင်ကို မြောက်ရွှေရေးဆောင်တွင် မိဖုရားအဖြစ် ထားရန် စီစဉ်လျက်ရှိစဉ်တွင် သီပေါမင်း မကျန်းမာဖြစ်၏။ မိဖုရားကြီးက ရွှေနန်းဆောင် ဆောင်ဗွေလယ်မှာ မောင်ဖေငယ် နှင့်ဒိုင်းခင်ခင်ကြောင့် မောင်တော်ဘုရား နှင့်သာ ဝေးကွာရတော့မည်။ မောင်ဘုရားနှင့် ဝေးကွာရ သည်မှာ ဒင်းတို့သာ တရားခံ။ နန်းမတော်စုဖုရား အတွင်းရန် စနက်မီးကို ကမ္ဘာမကြေ သတ်ဖို့ကြံစည် လေတော့သည်။

အတွင်းဝန်များနှင့် တိုင်ပင်ရာရွှေသေတ္တာ (ပစ်စာ)တွင်းမှမောင်တုတ် မိန်းမများများယူပုံ ရမ်းကားပုံများကို တိုင်သောစာနှင့် ခင်ခင်ကြီးနှင့် မောင်ဘုရား ရည်ငံမျှကာ မောင်ဖေငယ်က အောင်သွယ်ပြီး နန်းဝင်ရန်ကြံဆောင်သည်ဟု စာများတွေ့ရပြီး မောင်မောင်တုတ် မောင်ဖေငယ် ဒိုင်းဝန်ကတော်နှင့် ဒိုင်းခင်ခင်တို့ကို အချွေအရံများ နှင့်တကွဖမ်းလိုက်၏။ တခြားစီခွဲထား၏။

ရနောင်မောင်မောင်တုတ်ကိုသတ်စေ အမိန့်ပေးသော်လည်း ကိုယ့်ကိုယ်ကိုယ်သတ် သေသွား၏။ ဒိုင်းဝန်နှင့်ဒိုင်းဝန်ကတော်တို့ကို ကွပ်မျက်လိုက်ကြ၏။
ခင်ခင်ကြီးတွင်သန္ဓေရှိရာမင်း၏သန္ဓေကိုသတ်လျှင်မင်းဆက်ပြတ်တတ်သည်ဟု မသတ်ပဲချူပ်ထား၏။

မောင်ဖေငယ်ကို မိုးကောင်းသို့ ပို့ပေးလိုက်ပြီး သတ်ရန်အမိန့်ထုတ်၏။မိုးကောင်း ရောက်လျှင် မိုးကောင်းဝန်ကမသတ်သေးပဲဆိုင်းထား၏။
ငွေလရောင် မလင်းသော တစ်ခုသော သန်းခေါင်ယံတွင် အနောက်ဆောင် အတွင်းမှ နှောင်ကြိုးကိုချည်ကာ သုသာန်တစပြင်သို့ ဒိုင်းခင်ခင်ကို ခေါ်ထုတ်ကာသွားပါတော့သည်။ ဆီးနှင်းတွေက ဝေဖြာကျ၍ ချမ်းလှပါသော်လည်း ခြုံစရာဆို၍ ဘာမှမရှိလေပြီ။ သုတ်သင်ရာနေရာ ရောက်ပြန်တော့ ဒိုင်းခင်ခင်၏ ဆံကေသာအား အာဏာပါးကွက်သားတို့က တစ်ပတ်နှစ်ပတ် ရစ်ပတ်ကာကိုင်ပြီး လည်တိုင်ကို တုတ်တင်ကာ ရိုက်သတ်လေပြီ။ ဒိုင်းခင်ခင်ကြီးကို ကလေး မွေးဖွားသည့် တိုင်အောင်မစောင့်ဘဲ သတ်လိုက်၏။

သြော့်ခုများတော့ စုဖုရား ရယ်က ရက်စက်တော် မူခဲ့လေပြီ။
မောင်ဖေငယ်ကို ဗန်းမော်ဝန်ကထုတ်ကာ ဗန်းမော်သို့ခေါ်ပြီးသတ်၏။အသတ်ခံရ ချိန်တွင် ဒိုင်းခင်ခင်တယောက် မိဖုရားဖြစ်နေပြီဟု ယူဆနေသည့်မောင်ဖေငယ်သည်-

ချစ်ရသူခင်ခင်ငယ့်-ချီတေးထပ်ကိုရေးကာရဲဝံ့စွာသေပွဲဝင်သွား၏။
မောင်ဖေငယ် စပ်ဆိုထားသည့် တေးထပ် မောင်ဖေငယ် နဲ့ ဒိုင်းခင်ခင်ဆိုရင် မျက်ရည်လေးတော့ အနည်းဆုံးကျ ခဲ့ဖူးမှာပါ။ မောင်ဖေငယ်ရဲ့ လက်ရာလေး ဘယ်လိုရှိသလဲ ဆိုတာကို။

ကလေးလို ဘူတုန်းဟေ့လို့၊ မြူပြုံးနေစဉ်၊ ယူကြုံး၍ ပွေ့ချင်တယ်၊ ငွေ့ရွှေရင်လှုံလို့။ ။ နုပါးတော်မွှေးအဆီကို၊ သွေးနီအောင် နမ်းချင်ငဲ့ကိုယ့်။ ။ ရွှေရင်လွှမ်းပြီ့ တပြီကို တမှီအိုတို့။ သီ့ကရီကိုယ်မရို့ပါနှင့်၊ ညိုတို့တို့မျက်နှာ။ ။ သေတတ်ထာ အိုမဟုတ်ပါဘူး၊ ကိုယ်ဆုတ်ဆုတ် ဘာပြုဆိုရှာ။ ။ လိမ်ကော့လို့ ရွံ့မဲ့ဟာရယ်၊ တွန့်တဲ့ကာတယ်မရုန်းပါနှင့်၊ စမ္ပါယ်ကုံးလှသော်မော်၊ ဘုန်းနှင့်ပျော်ပျော်၊ ယနေ့ဖြင့်အချက်ပေါ်ပြီ၊ မရှက်တော်မူနှင့်ကွဲ့လေး။ ။
မောင်ဖေငယ် ထိုတေးထပ်ကို စာဆိုတော် မောင်ဖေငယ် (မောင်မောင်) သည် ဒိုင်းခင်ခင်အား ရည်စူး၍ စပ်သည်။

စိတ်ကူးယဉ် ဒဏ္ဍာရီပုံပြင်များ ဆိုရင်တော့ ယုံချင်မှ ယုံနိုင်ကြပေမယ့် အဲ့ဒီဇာတ်လမ်း ကတော့ ရာဇဝင်မှတ်တမ်းမှာ အထင်အရှားရှိခဲ့ပါတယ်။
မန္တလေး ကိုတခါတခေါက် ရောက်ခဲ့ကြလို့ တောင်သမန်လယ်အင်းကို ရှုမျှော်၍ကြည့်ရင်း သူတို့နှစ်ဦးရဲ့ ဘဝဇာတ်ကြောင်း ပြန်ပြောင်းကာ များတွေးမိရင် လွမ်းသလို ဆွေးသလို စိတ်မျက်ရည် စိုလာရမှာတော့ အမှန်ပါပဲ။
သြော့် အချစ်ကိုပင် အာဏာနဲ့မှ အနိုင်ယူတတ် ကြပါပေတယ်။
Credit-original writter

မြန်မာ့သမိုင်းကိုဖြည့်စွက်ရေးသားထားပါသည်။
-Min Naung

Posted by Kumar Khadka