Search This Blog

Wednesday, October 26, 2016

ပေါရိသာဒ နှင့် နတ်ချစ် ဂါထာများ


 
ပေါရိသာဒ နှင့် နတ်ချစ် ဂါထာများ

အို --

လောကစောင့်ကြပ် နတ်များအပေါင်းတို့၊ ဤအရပ်ဋ္ဌာနသို့ တရားနာရန် လာကြပါကုန်လော့၊
မြေစောင့်နတ်၊ ရေစောင့်နတ်၊ သမုဒ္ဒရာစောင့်နတ်၊ ၀လာဟကနတ်၊ ပဇ္ဇုန်နတ် အာကာသစိုး၊ ဘုမ္မစိုး၊ ရုက္ခစိုး အစရှိကုန်သော နတ်မြတ်နတ်ကောင်း နတ်အပေါင်းတို့၊ ဤအရပ်ဋ္ဌာနသို့ တရားနာရန် လာကြပါကုန်လော၊
နဂါး ၊ ဂဠုန် ၊ ဂုမ္ဘာန်၊ ယက္ခိုက် အစရှိသော သူတော်ကောင်းအပေါင်းတို့ ဤအရပ်ဋ္ဌာနသို့ တရားနာရန် လာကြပါကုန်လော့၊
ဝိဇ္ဖာ၊ ဇော်ဂျီ တပသီ အစရှိကုန်သော ဥပါသကာအပေါင်းတို့၊ ဤအရပ်ဋ္ဌာနသို့ တရားနာရန် လာကြပါကုန်လော့၊
အလုံးစုံသော အပါယ်( ၄ ) ဘုံသားအပေါင်း၊ လူအပေါင်း နတ်အပေါင်း ဗြဟ္မာအပေါင်းတို့ ဤအရပ်ဋ္ဌာနသို့ တရားနာရန် လာကြပါကုန်လော့၊

အကျွနုပ်သည် ကဿပဘုရားရှင်သည် ဟောကြားထားတော်မူထားအပ်သော တဂါထာလျင် အဖိုးတသိန်းစီ ထိုက်တန်သော အလွန်ကြားနာရခဲလှစွာသော သတသဟဿာရဟ ဂါထာတို့ကို သတ္တ၀ါတို့၏ စီးပွားအလို့ငှါ ချမ်းသာကို ဖြစ်စေခြင်းငှါ ကောင်းမြတ်သော သမ္မာဆန္ဒဖြင့် ရွတ်ဖတ်ပူဇော်ပါအံ့၊ အသင်တို့သည် ဤအရပ်ဋ္ဌာနသို့ လာရောက်ကြကုန်၍ ရိုသေစွာ နာယူကြပါ သူတော်ကောင်းအပေါင်းတို့ - - -

သဟဿာရဟဂါထာတော် နတ်ချစ် ဂါထာတော်

သကိ ဒေ၀ မဟာရာဇ၊ သဗ္ဘိ ( သပ်ဘိ ) ဟောတိ သမာဂမော။
သာ နံ သင်္ဂတိ ( သင်ဂတိ ) ပါလေတိ၊ နာ သဗ္ဘိ ဗဟုသင်္ဂမော။( ဗဟု သင်ဂမော )

မင်းမြတ်. သူတော်ကောင်းတို့ နှင့် တစ်ကြိမ်တစ်ခါမျှ တွေ့ဆုံ ရခြင်းသည် မိမိဘ၀အတွက် ဘေးရန် ကင်းရှင်း ချမ်းသာရအောင် တစ်ဘ၀လုံး စောင့်ရှောက်နိုင်ပေ၏။ သူယုတ်မာတို့ နှင့် အကြိမ်ပေါင်းများစွာ ပေါင်းသင်း ရသော်လည်း ဘေးရန်အားလုံး လုံခြုံစိတ်ချရမှု့ မရှိနိုင်ပါ။

သဗ္ဘိ ရေ၀ သမာသေထ၊ သဗ္ဘိ ကုဗ္ဗေထ သန္ထ၀ံ။ ( ကုတ်ဗေထ သန်ထ၀ံ )
သတံ သဒ္ဓမ္မ ( သတ်ဒမ်မ ) မညာယ၊ ( မင်ညာယ ) သေယော ဟောတိ န ပါပိယော။

မင်းမြတ်. ဒီလိုအကြောင်းတွေကြောင့် သူတော်ကောင်းတို့နှင့် သာ ပေါင်းသင်းကာ မိတ်ဆွေဖွဲ့ သင့်တယ်၊ အကျွမ်းတ၀င် ရှိအောင် ပြုသင့်တယ်။ သူတော်ကောင်းတို့နှင့် ပေါင်းသင်းနေတဲ့အတွက် သူတော်
ကောင်းတရားတွေကို ကြားနာရပြီး ကိုယ်တိုင်လဲ သူတော်ကောင်းဖြစ်နိုင်တယ်၊ ဘယ်တော့မှ ယုတ်မာသောသူ လူမိုက် မဖြစ်နိုင်တော့ဘူး။

ဇီရန္တိ( ဇီ ရန်တိ ) ဝေ ရာဇရထာ သုစိတ္တာ၊( သုစိတ်တာ ) အထော သရီရမ္ပိ ( သရီရမ် ပိ ) ဇရံ ဥပေတိ။
သတဉ္စ ဓမ္မော န ဇရံ ဥပေတိ၊ သန္တော ဟဝေ သဗ္ဘိ ပဝေဒယန္တိ။

မင်းမြတ်. လှလှပပ အဆန်းတကြယ် ပြုလုပ်စီမံထားတဲ့ မင်းမြတ်ရဲ့ ၇ထားဟာ ဘယ်လောက်ပင် တောင့်တင်း ခိုင်ခံ့သော်လည်း တနေ့မှာတော့ ဆွေးမြေ့ပျက်စီးရမယ့် ဇရာ သဘောတရားကို မလွန်ဆန်နိုင်ဘူး၊ ဘုရားအစရှိသော သူတော်ကောင်းတို့ ချီးမွမ်းအပ်သော သူတော်ကောင်းတရား
ဆိုတာကတော့ ခေတ်ကာလ နှစ်ပရိစ္ဆေဒတွေ ဘယ်လောက် ကြာညောင်းနေပါစေ၊ ဆွေးမြေ့
ပျက်စီးသွားတယ်၊ အိုမင်းဟောင်းနွမ်းပြီး သုံးမရတော့ဘူးဆိုတာ မရှိနိုင်ပါဘူး။

နဘဉ္စ( နဘင် စ ) ဒူရေ ပထ၀ီ စ ဒူရေ၊ ပါရံ သမုဒ္ဒဿ ( သမုဒ် ဒတ်သ ) တဒါဟု ဒူရေ။
တတော ဟဝေ ဒူရတရံ ၀ဒန္တိ၊ သတဉ္စ ( သတဉ် စ ) ဓမ္မော အသတဉ္စ ရာဇ။

မင်းမြတ်. ကောင်းကင် နှင့် မြေပြင်ဟာ ဘယ်လိုမှ ဆက်စပ်လို့ မရအောင် သိပ်ကို ဝေးကွာပါတယ်၊ အဲဒီလိုပဲ မဟာ သမုဒ္ဒရာရဲ့ ဟိုဖက်ကမ်းနဲ့ ဒီမှာ ဘက်ကမ်း ဆိုတာကလဲ ဝေးကွာလွန်းလှတယ်၊ ဒါပေမယ့် သူတော်ကောင်း တရားနှင့် မသူတော်တို့၏ တရားတို့ကတော့ ကောင်းကင်နဲ့ မြေကြီး၊ သမုဒ္ဒရာ ဟိုဖက်ကမ်းနဲ့ ဒီဘက်ကမ်း ထက်ကို ဝေးကွာကြတယ်၊ အရှေ့နဲ့ အနောက်လို ဆန့်ကျင်နေကြတယ်။

ပါဠိ မဖတ်တတ်သူများအတွက် ပါဋ္ဌ်ဆင့်များကို ( ) ဖြင့် ဖော်ပြထားပါသည်။

အထက်ပါ ဂါထာတွေကတော့ တောင်တန်းသာသနာပြု ဆရာတော်၊ တနည်းအားဖြင့် ရေဆူ ဆရာတော်လို့ ဗုဒ္ဓဘာသာ မြန်မာလူမျိုးများ လက်ခံထားခဲ့ကြတဲ့ ဆရာတော်ကြီး ဦးဥတ္တမသာရ ရဲ့ ဘ၀အတ္ထုပ္ပတ္တိ
အကြောင်းကို ဖတ်မိကတည်းက စာရေးသူလဲ ရွတ်ပွားနေမိတဲ့ ဓမ္မလက်ဆောင်ဂါထာလေးတွေ ပါ။ ဆရာတော်တရားဟောနေစဉ်၊ ပရိတ်ရွတ်နေစဉ်အတွင်း ဆရာတော်ရှေ့တွင် ရှိသော ရေများမှာ ဆူဝေ
လာသောကြောင့် ရေဆူဆရာတော် ဟု ခေါ်ဆိုကြခြင်းဖြစ်သည်။မေတ္တာတရားကြီးမားတော်မူသော ဆရာတော်ကြီးသည် အသွားအလာ ခက်ခဲ၍ ဝေးလံ ခေါင်းပါးသော တောင်တန်း ဒေသ များတွင် နှစ်ပေါင်း ၅၀ မျှ သီတင်းသုံး နေထိုင်လျက် ဒေသခံ တိုင်းရင်းသား များအား ဗုဒ္ဓ တရား ဓမ္မများ ကျင့်ကြံ ပွားများ နိုင်ရေး အတွက် မေတ္တာတော် ကြီးမားစွာ သာသနာ ပြုတော် မူခဲ့သည်။ ထို့အပြင် အိန္ဒိယနိုင်ငံ အာသံ ပြည်နယ်၊ မဏိပူရ ပြည်နယ်နှင့် ဘင်္ဂလားဒေ့ရှ် နိုင်ငံ စစ်တကောင်း တောင်တန်း များနှင့် ဥရောပ နိုင်ငံများသို့ လှည့်လည့်ကြွရောက် သာသနာ ပြုတော် မူခဲ့သည်။

ဆရာတော်ကြီးဟာ ဘ၀တလျောက်လုံး ဒီဂါထာတွေကို အမြဲ ရွတ်ပွား သရဇ္ဈာယ်နေခဲ့တယ် ဆိုတာကို သူ့ရဲ့ ဘ၀အတွေ့အကြုံ စာအုပ်များမှာ ဖတ်မှတ်ကြည်ညိုပြီး သိရှိခဲ့ရပါတယ်၊ကျမ်းစာအုပ်ပေါင်းများစွာ ရေးသားခဲ့တဲ့ အထဲမှာ စာရေးသူ အကြိုက်ဆုံးစာအုပ်ကတော့ ချမ်းမြေ့စွာ ဘ၀နေနည်း စာအုပ်ပါပဲ၊ အင်တာနက် စာမျက်နှာများမှာ အဲဒီစာအုပ် ရှိခဲ့လျင်လည်း စာဖတ်သူများကို ဓမ္မဒါနပြုဖို့ အသိပေးဖို့ တောင်းဆိုပါတယ်၊ ဘယ်ဆိုက်မှာ ရနိုင်မလဲ ဆိုတာကို ညွန်းပေးစေချင်တယ်၊

ဆရာတော်ကြီးအသက် ထင်ရှား ရှိစဉ်က
ဂါထာများရဲ့ နောက်ခံသမိုင်း

တကယ်တော့ ဒီဂါထာတွေဟာ အများသိပြီးသားဖြစ်ကြတဲ့အတိုင်း လူသားစား ပေါရိသာဒ ဇာတ်တော်မှာ ဘုရားအလောင်းတော် မဟာသုတသောမမင်းကြီးရဲ့ လည်ချောင်းသွေးနဲ့ ပေါရိသာဒ က ယဇ်ပူဇော်ဖို့ ဖမ်းခေါ်သွားတယ်၊ ဖမ်းမိပြီးကာမှ --
အမောင် ပေါရိသာဒ အမောင်ကို တောင်းဆိုစရာ တခုရှိပါတယ်၊
ပြောပါ - ခွင့်ပြုနိုင်ရင် ပြုပါမယ် -

ဒီနေရာကို မလာခင် ငါ့မှာ ဆန္ဒတခု ရှိခဲ့တယ်၊ ဆရာနန္ဒပုဏ္ဏားဆီကနေ တရားနာယူဖို့အတွက် ခေါင်းဆေးမင်္ဂလာ လုပ်နေဆဲမှာပဲ ဖမ်းခေါ်လာလို့ မနာလိုက်ရသေးဘူး၊ အဲဒီတရားတော်တွေကလဲ တပုဒ် တပုဒ်ကို အသပြာ တစ်ရာ တန်တယ် လို့ ကြားသိခဲ့ရတယ်၊ အမောင် ခွင့်ပြုမယ် ဆိုရင် တရားတော်ကို နာယူပြီးမှ ငါ့ကို သတ်ပါတော့လား၊ အခုတော့ ငါ့တိုင်းပြည်ကို ပြန်ပြီး တရားနာယူပါရစေအုံး --

ဟုတ်ရဲ့လား - မင်းကြီး၊ သေရမှာ ကြောက်လို့ ဥပါယ်တံမျဉ် သုံးနေတာလား --
မဟုတ်ရပါအမောင်ပေါရိသာဒ၊မင်းမှာသစ္စာ၊လူမှာကတိ၊ယောင်္ကျားမြတ်တို့မည်သည်ပြောပြီးသားစကားကို
တည်တံ့အောင် ထိန်းသိမ်းလေ့ရှိကြတယ်၊ ငါမင်းမြတ် ကတိပေးပါတယ် -
ကောင်းပါပြီ မင်းမြတ်၊ ကတိတည်ပါစေ - သွားခွင့်ပြုပါတယ်၊ ပြန်လာဖို့ မမေ့ပါနဲ့၊

ဒီလိုနဲ့ ဘုရားအလောင်းတော် သုတသောမမင်းဟာ တရားတော်ကို နာယူပြီး ဆရာ နန္ဒပုဏ္ဏားကို သူများတွေက ဂါထာတပုဒ်ကို အသပြာ တရာနဲ့ ပူဇော်တယ်၊ ငါကတော့ ဒီလောက် တန်ဖိုး၇ှိတဲ့ တရားတော်ကို တိုင်းပြည်နဲ့ ပူဇော်လိုတယ်၊ ဆိုပြီး စိတ်ကူးရှိသော်လည်း ပုဏ္ဏားရဲ့ ရုပ်ရည် လက္ခဏာကို ကြည့်လိုက်တဲ့အခါ ရှင်ဘုရင် ရာထူးနဲ့ မထိုက်တန်တာကို သိမြင်တဲ့အတွက် ဂါထာတပုဒ်ကို အသပြာ တစ်ထောင်နဲ့ ပူဇော်မယ် ဆိုပြီး အသပြာ လေးထောင်နဲ့ ဆုချခဲ့ပြီး ပေါရိသာဒဆီ ပြန်သွားခဲ့တယ်၊

ကိုယ့်အသက် သေရမှာ ကို သိသိကြီးနဲ့ ပြန်လာတဲ့ သုတသောမမင်းကို ကြည့်ပြီး ပေါရိသာဒကလည်း အံ့သြနေရှာတယ်၊ နောက်ဆုံးတော့ လူသတ်သမား လူသားစား ပေါရိသာဒ ဟာ ဘုရားလောင်း သုတသောမမင်းဆီက တရားတော်ကို နာယူပြီး သူတော်ကောင်းဖြစ်ကာ အကျွတ်တရား ရသွားရှာတယ်၊

ပေါရိသာဒ နာယူခဲ့တဲ့ တရားတော်ကတော့ အထက်က ဂါထာ ( ၄ ) ပုဒ်ပါပဲ၊ ကောင်းကျိုးများစွာ ပေးစွမ်းနိုင်တဲ့ ဂါထာများကို ရွတ်ပွားခဲ့တဲ့ တောင်တန်းသာသနာပြု ဆရာတော်ကြီးကတော့ နတ်ဗြဟ္မာတွေရဲ့ ချစ်ခင်ကြင်နာမှု့ကို လိုချင်လျင် အမြဲတမ်း ရွတ်ဖတ်သင့်တယ် လို့ တိုက်တွန်းထားတယ်။ သူ့ရဲ့ အတ္ထုပ္ပတ္တိ တွေမှာလည်း ဝေးလံခေါင်သီတဲ့ ချင်းတောင်တန်း နာဂ တောင်တန်း ဒေသတွေမှာ နေသော်လည်း ဘယ်လို သားရဲတိရိစ္ဆာန် ကမှ အန္တရာယ်မပြုကြကြောင်း၊ တချို့ ကျားတွေ ဆင်တွေ ဆရာတော်ကြီး၏ ကျောင်းဝင်းအတွင်း လာရောက်အိမ်စက် အနားယူလေ့ ရှိကြကြောင်း၊ တောတောင်စောင့်နတ် ရုက္ခစိုးမှ အစ နတ်အများစုတို့သည် ညအခါ လာရောက်ဖူးမြော် မေးမြန်းကြလေ့ ရှိကြကြောင်း သိရှိရပါတယ်။

ဘ၀တလျောက်လုံး ဘေးရန်အန္တရာယ် ကင်းရှင်းစွာဖြင့် ချမ်းသာစွာနေနိုင်ပြီး နတ်ဗြဟ္မာတို့ရဲ့ မေတ္တာကို ရယူလိုသူများ ရွတ်ပွားနိုင်စေရန် အသိပေး မျှဝေလိုက်ပါတယ်။

အကိုး
မဟာသုတသောမ ဇာတက
ဇာတက ဋ္ဌကထာ ၂. ၂၁. ၄၁၁
မဟာသုတသောမ စ၇ိယာဝဏ္ဏနာ
ယုဓဉ္စယ ၀ဂ်၊
စရိယာပိဋက အဋ္ဌကထာ၊

ကိုယ့်ကိုယ်ကို အလေးထားပါ

 
ကိုယ့်ကိုယ်ကို အလေးထားပါ

ကောင်းအောင်ပြင်ဖို့အတွက် တို့တစ်တွေဟာ အလေးထားစရာသုံးမျိုး မှတ်ထားရပါမယ်။ မြတ်စွာဘုရားက နံပါတ်(၁) ကိုယ့်ကိုယ်ကို အလေးထားပြီးတော့ စဉ်းစားဆင်ခြင်ရမယ်။ နံပါတ်(၂)က ကိုယ့်ပတ်ဝန်းကျင် လောကကြီးကို အလေးထားပြီးတော့ ဆင်ခြင်တတ်ရမယ်။ နံပါတ်(၃)က တရားဓမ္မကို အလေးထားပြီးတော့ ဆင်ခြင်သုံးသပ်တတ်ရမယ်။

မြတ်စွာဘုရားက “ အတ္တာနံ ယေ၀ အဓိပတိံ ကတွာ ” ကိုယ့်ကိုကိုယ်အလေးထားပြီးတော့ “ အကုသလံ ပဇဟတိ၊ ကုသလံ ဘာဝေတိ ” အကုသိုလ်တွေ ဖယ်ရှားဖို့ ကြိုးစားတယ်။ ကုသိုလ်တွေ တိုးတက်လာအောင် ကြိုးစားတယ်။ ဒါဟာ ကိုယ့်ကိုကိုယ် အလေးထားတာပါ။

ကိုယ့်ကိုကိုယ် အလေးထားတယ်ဆိုတာ ဘာလဲ?၊ “ ငါဟာ အခု အင်မတန် တန်ဖိုးရှိတဲ့လူ့ဘ၀ကို ရောက်လာပြီ၊ မျက်စိကောင်း နားကောင်း အသိဉာဏ်ရှိတယ်၊ လူ့ဘ၀မှာလည်းပဲပြည့်ပြည့်စုံစုံရှိတယ်၊ မြတ်စွာဘုရား သာသနာတော်ကြီးကလည်းထွန်းကားနေတယ်၊ ဘုရားဟောတဲ့ တရားတွေကို တို့သိရှိခွင့်တွေ ရနေတယ်၊ အဲဒီလို လူလည်းဖြစ်တယ်၊ အသိဉာဏ်လည်းရှိတယ်၊

ဘုရားဟောတဲ့ တရားတွေလည်း သိရှိခွင့်တွေ ရနေတယ်၊ ငါ့မှာ ဒီလောက်အခြေအနေတွေ ကောင်းနေတာ စားဝတ်နေရေးတွေလုံးပမ်းပြီး အပျော်အပါးတွေ လိုက်ပြီးတော့ ဘ၀တစ်ခုကို အဆုံးသတ်မယ်ဆိုရင် ငါ့အဖို့ ဘာတန်ဖိုးမှ ရလိုက်မှာမဟုတ်ဘူး ” ဘာဖြစ်လို့တုန်းဆိုတော့စားဝတ်နေရေးဟာ တိရစ္ဆာန်လည်း လုံးပမ်းတာပဲလေ။

သူတို့လည်း သူတို့ဘာသူတို့ စားစရာတော့ရှာကြတာပဲ။ သူတို့ အတိုင်းအတာ အလိုက် သူ့စားဝတ်နေရေးရှာတာဟာ ဆန်းတဲ့ကိစ္စ မဟုတ်ပါ။ ဘ၀တစ်ခု ရပ်တည်နိုင်ဖို့အတွက် ရှာတာပါ၊ အပျော်အပါးဆိုတာ လူတွေသာရှိတာ မဟုတ်ဘူး၊
တိရစ္ဆာန်တွေမှာလည်းရှိတာပါပဲ။ ဒီတော့ “ အပျော်အပါးတွေနဲ့၊ စားဝတ်နေရေး လုံးပမ်းမှုဆိုတာတွေနဲ့ ဘ၀တစ်ခုကို အဆုံးသတ်လိုက်မယ်ဆိုရင် ငါ့မှာဘာတန်ဖိုးမှ ရလိုက်မှာမဟုတ်ပါ၊

အင်မတန်တန်ဖိုးရှိတဲ့ လူ့ဘ၀ကြီး တစ်ခုလုံးဟာ လက်လွတ်ဆုံးရှုံးသွားတော့မှာပါ ”၊“ အခုလို အသိဉာဏ်ရှိနေတဲ့ဘ၀မှာ ကိုယ်ကျင့်သီလကောင်းအောင် ငါကြိုးစားမယ်၊ အနည်းဆုံး ငါးပါးသီလ လုံအောင်ကြိုးစားမယ်၊ ဥပုသ်နေ့တိုင်း ဥပုသ်နေ့တိုင်း ရှစ်ပါးသီလ ဆောက်တည်မယ်၊ နေ့စဉ်နဲ့အမျှ ဒါနကောင်းမှု ငါပြုနိုင်အောင်သတိထားမယ် ”ဆိုရင် ကိုယ့်ကိုကိုယ် အလေးထားတာပါ။

လောကလူတွေက ဒါနကောင်းမှု မလုပ်တာက မရှိလို့မဟုတ်ပါ၊ များသောအားဖြင့် မေ့လို့မလှူကြတာပါ။ ဒါနကောင်းမှုဆိုတာက ကိုယ့်အိမ်မှာ နေ့စဉ် ထမင်းချက်တဲ့ထဲက ဆွမ်းလေးတစ်ဇွန်း သံဃာတွေ လောင်းလဲ ဒါနကောင်းမှုဖြစ်ပါတယ်။

လောကလူတွေဟာ အသိဉာဏ်အားနည်းလို့ ကိုးကွယ်မှု၊ အတုယူမှုတွေ အလွန်လွဲမှားတယ်။ ယုံကြည်မှုတွေ သိပ်များပြီးတော့ အသိပညာနည်းပါးပြီ ဆိုလို့ရှိရင် မယုံသင့်တာတွေပါ ယုံလာကြပါတယ်။

အဲဒီတော့ လောကကြီးမှာ ကိုယ့်ကိုယ်ကို “ ငါလို ပုဂ္ဂိုလ်ဟာ အသိဉာဏ်ရှိပြီး ဘုရားသာသနာတော်နဲ့တွေ့ကြုံနေရတယ်၊ ငါလိုပုဂ္ဂိုလ်ဟာ တရားဓမ္မကို ဆင်ခြင်စဉ်းစားလိုက်မယ်ဆိုရင် ဒီဘ၀မှာပဲ တစ်မဂ်တစ်ဖိုလ် ရရှိနိုင်တယ်။ ဒါကြောင့်မို့ ငါဟာ ကိုယ့်ကိုယ်ကို ပြင်ရမှာပဲ။ ကိုယ့်ကိုယ်ကိုအလေးထားရပါမယ်။

အကယ်၍များ ငါ ဒီဘ၀မှာ မပြင်လိုက်ဘူးဆိုလို့ရှိရင် ငါ့ရဲ့ဘ၀ဟာ ကြီးပွားတိုးတက်ဖို့ မရှိနိုင်ပါ။ အဲဒါ ကြောင့်မို့ ကြီးပွားတိုးတက်အောင်၊ ကိုယ့်ကိုယ်ကို မကောင်းတဲ့လမ်း မသွားမိအောင်၊ ကောင်းတဲ့လမ်း လျှောက်မိအောင် ငါပြင်ရမယ် ” လို့ ကိုယ့်ကိုယ်ကို အလေးထားရပါမယ်။ ကိုယ့်ကိုယ်ကို အလေးထားပြီးတော့၊ ကိုယ့်ကိုယ်ကို တန်ဖိုးထားပြီးတော့ စဉ်းစားရပါမယ်။

ဒါကြောင့် တရားချစ်ခင် ဓမ္မမိတ်ဆွေအပေါင်းတို့ကလည်း မိမိကိုယ်ကိုမိမိ အလေးထား၍၊ မိမိရဲ့ပတ်ဝန်းကျင် လောကကြီးကို အလေးထား၍၊ မြတ်စွာဘုရား ဟောကြားတဲ့ အမှန်တရားတွေကိုအလေးထား၍ အလေးအနက် ဆင်ခြင်စဉ်းစားပြီးတော့ ကိုယ့်ကိုယ်ကို ကောင်းအောင်ပြင်ကြတယ်။

ကောင်းအောင်ပြင်တယ်ဆိုတာ မကောင်းတဲ့စရိုက်တွေ ကောင်းလာအောင်၊ အကုသိုလ်တွေ ဖယ်နိုင်အောင် ကြိုးစားတယ်၊ ကုသိုလ်တွေကို တိုးပွားလာအောင် ကြိုးစားတယ်၊ အကုသိုလ်မှန်သမျှရှောင်လို့၊ကုသိုလ်မှန်သမျှ မိမိသန္တာန်မှာ ပြည့်စုံစေအောင်၊ စိတ်ဖြူစင်အောင် ထားနိုင်အောင် ကြိုးစားအားထုတ်ကြတယ်။ အဲဒီလို အားထုတ်ခြင်းသည်သာလျှင် မှန်ကန်တဲ့လုပ်ရပ်ဖြစ်တယ်၊ ဒီလိုလုပ်မှ သာလျှင်“ လူ့ဘ၀တစ်ခု ရလာရကျိုး၊ ဘုရားသာသနာတော်နဲ့ ကြုံတွေ့ရကျိုး၊ တို့တစ်တွေ လူဖြစ်ရကျိုးနပ်မှာ ”လို့ ကိုယ်စီကိုယ်စီ သဘောကျပြီးတော့ ကျင့်ကြံကြိုးကုတ် အားထုတ်တော်မူနိုင်ကြပါစေသတည်း။

အရှင်နန္ဒမာလာဘိဝံသ( Ph,D)

(ဦးသိန်းဝေ တင်ပြသည်)

ဆရာတော်ဦးဇောတိက


 
 
ဆရာတော်ဦးဇောတိက ၏ထေရုပ္ပတ္တိအကျဉ်း
ဆရာတော်ဟာ ငယ်စဉ်ကဗုဒ္ဒဘာသာမဟုတ်ခဲ့ပါ။
လွတ်လပ်သောစိတ်ဖြင့် ဘာသာတရားမျိုးစုံကို လေ့လာခဲ့ပြီး
နောက်ဆုံး ဗုဒ္ဒဘာသာကို လေ့လာမိကာ
ဗုဒ္ဒ၏ သားတော် သံဃာတော်အဖြစ်ခံခဲ့ပြီး မိမိရှာဖွေတွေ့ရှိသည့်
တရားတော် များကိုလူတိုင်း(အထူးသဖြင့်) ခေတ်လူငယ်တွေ
နားလည်အောင် အတွေးအမြင်အသစ်ဖြင့် ရေးသား၊ဟောပြော ခဲ့ပါတယ်။
ဆရာတော်လောင်းလျာကို ခမည်းတော် ဦးဆက်တား နှင့် မယ်တော် ဒေါ်တင် တို့မှ သြဂုတ်လ ၁၅ ရက်နေ့၊ ၁၉၄၇ မှာ မွေးဖွားပါတယ်။ မိဘများဟာ အစ္စလာမ်ဘာသာဝင်များ ဖြစ်ကြပါတယ်။ ရန်ကုန် စက်မူတက္ကသိုလ်ကနေ အင်ဂျင်နီယာဘွဲ့ ရပါတယ်။
ငယ်စဉ်ကတည်းက ဘာသာအယူဝါဒတွေကို မိမိလက်လှမ်းမှီသလောက်
လေ့လာခဲ့ပါတယ်။ ခရစ်ယာန်၊ဟိန္ဒူ ၊ဂျူး အစရှိတဲ့ ကမ္ဘာသာသာကြီးတွေကို
လေ့လာခဲ့ပြီး နောက်ဆုံး ဗုဒ္ဒဘာသာကို လေ့လာရာ မိမိလိုချင်သော အဖြေ များကို အကုန်ရှာတွေ့သဖြင့် အသက် ၂၅ တွင် မိဘဆွေမျိုးတွေ ဆန့်ကျင့်သည့် ကြားမှ ဗုဒ္ဒဘာသာ ရဟန်းတော်အဖြစ် ခံယူခဲ့ပါတယ်။
ဆရာတော်ဟာ ၀ိပသနာတရားတော်များကို လေ့လာရင်း နိုင်ငံခြား အမေရိကန် သို့လည်း သာသနာပြု ကြွခဲ့ပါသေးတယ်။ ၂၀၀၁ ခုနစ်မှာ ပျဉ်းမနား အနီးမှာရှိတဲ့ မဟာမြိုင်တောရမှာ သီတင်းသုံးတော်မူခဲ့ပါတယ်။ စာအုပ်များကို ရေးသားထုတ်ဝေနေခဲ့ပါတယ်။
ဆရာတော်ရဲ့ တရားစာပေများဟာ ဖတ်တဲ့သူတွေကို အားဖြစ်စေသလို၊ စိတ်ဓါတ်ကျနေရင် ဆရာတော်ရဲ့ တရားနာကြည့်ပါ။ စိတ်သစ်၊လူသစ် ဖြစ်လာပါတယ်။ ဆရာတော်ကို ဤ ထေရုပ္ပတ္တိအကျဉ်းဖြင့် ရိုသေစွာ လက်စုံမိုးပြီး ရှစ်ခိုးလိုက်ပါတယ်ဘုရား။
(first eleven ဂျာနယ် က လွတ်လပ်သော စိတ်ပိုင်ရှင် (ဦးဇောတိက) ကနေ ကောက်နုတ်ပါတယ်)
Posted by မူကြိုဆရာ

အရှင်ဇနကာဘိဝံသ

 
အရှင်ဇနကာဘိဝံသ(စာရေးဆရာ)
၁၂၆၁ - ခုနှစ်၊ တပို့တွဲလပြည့်ကျော်(၁၄)ရက် (၁၉၀၀-ပြည့်နှစ်၊ ဖေဖော်ဝါရီလ-၂၇ရက်) အင်္ဂါနေ့တွင် စစ်ကိုင်း တိုင်း၊ ရွှေဘိုခရိုင်၊ ၀က်လက်မြို့နယ်၊ သရိုင်ရွာ၌ အဖ-ဦးဇောတိ၊ အမိ ဒေါ်အုန်းလှိုင်တို့က မွေးဖွားခဲ့။ ငယ်မည်မှာ မောင်ဌေးလွင်ဖြစ်သည်။
ပညာရေး - သရိုင်ရွာ ပင်းကျောင်းဆရာတော်ထံတွင် စတင်၍ပညာဆည်းပူးရာ တစ်နှစ်ခွဲအတွင်း အခြေခံသင် ရိုးကောင်းစွာ ပေါက်မြောက်။
၁၂၆၆ - ပထမအကြိမ် ရှင်သာမဏေပြု။
၁၂၇၄ - အသက်(၁၂)နှစ်အရွယ်တွင် မန္တလေးမြို့ အနောက်ပြင် ၀ိသုဒ္ဓါရုံ၊ ဇီးပင်ကျောင်းတိုက်၌(မြောင်းမြဆရာ တော်ဖြစ်လာမည့်) ဘုန်းတော်ကြီး-ရှင်ဥာဏာဘိဝံသထံတွင် ဆက်လက်ပညာသင်။
၁၂၇၅ - ဒုတိယအကြိမ်ရှင်သာမဏေပြု။
၁၂၇၇ - အသက်(၁၅)နှစ်-ပထမငယ်တန်းအောင်။
၁၂၇၈ - အသက်(၁၆)နှစ်သားတွင် ပထမလတ်တန်းအောင်။ ရှင်ဥာဏာဘိဝံသကို ဥပဇျာယ်ပြု၍ သာမဏေ ဘောင်သို့ ၀င်ရောက်ခဲ့။ ဘွဲ့မှာရှင်ဇနကဖြစ်သည်။
၁၂၇၉ - ပထမကြီးတန်းအောင်။
၁၂၈၀ - တပေါင်းလပြည့်တွင် ပလိပ်မြို့ ဧကျောင်း ခဏ္ဍသိမ်တော်၌ စစ်ကိုင်းတောင်ရိုး၊ မဟာဂန္ဓာရုံ ဆရာတော် ကို ဥပဇျာယ်ပြု၍ ရဟန်းဘ၀သို့ရောက်သည်။
၁၂၈၁ - ရဟန်းဘ၀တွင် နယုန်လပြည့်နေ့၌တစ်ကြိမ်၊ တပေါင်းလပြည့်နေ့၌တစ်ကြိမ် သိက္ခာထပ်။ ပထမကြီး တန်းအောင်ပြီးနောက်၊ ပခုက္ကူမြို့ မဟာဝိသုတာရာမကျောင်းတိုက်တွင် ပညာဆက်လက်ဆည်းပူး။ စာဝါတက်ခိုက် -ရဟန်း(၃)၀ါအရတွင် ပညာထက်မြက်ထူးချွန်မှုကြောင့် ဂဏ၀ါစက-စာချအဖြစ်ချီးမြှောက်ခံရပြီး စာဝါချပေးသည်။ ပခုက္ကူတွင်(၄)၀ါစာချပြီးနောက် မန္တလေးမဟာဝိသုဒ္ဓါရုံကျောင်းတိုက်သို့ ပြန်ကြွသည်။
၁၂၈၃ - ကဆုန်လဆန်း(၁)ရက်နေ့၌ ပခုက္ကူဆရာတော်ကြီးများ၏ ပခုက္ကူစာချ အဖြစ်တင်မြှောက်ခံရ။
၁၂၈၇ - ပထမကျော်တန်းအောင်မြင်။
၁၂၈၉ - ပရိယတ္တိ သာသနဟိတ ဓမ္မာစရိယဘွဲ့ရသည်။ ထို့နောက် အဘယာရာမ-ဆရာတော်ခေါ်ယူသည့် အတွက် မန္တလေးအနောက်ပြင် အဘယာရာမရွှေဂူတိုက်သစ်သို့ပြောင်းရွှေ့ပြီး စာဝါများပို့ချပေးရ။
၁၂၉၀ - ရဟန်း(၁၀)၀ါအရတွင် မိမိ၏ မွေးနေ့ဖြစ်သော တပို့တွဲလကွယ်နေ့၌သင်္ဂြိုလ်ဘာသာ ဋီကာ ကိုစတင် ပြုစု။
၁၂၉၃ - သင်္ဂြိုလ်ဘာသာ ဋီကာကိုပြုစုနေစဉ် ဖခင်ဒကာကြီးနှင့် အဘယာရာမ ဒကာကြီးတို့ တောင်းပန် သည့်အတွက် ရတနာ့ဂုဏ်ရည် ကိုပြုစုပြီး ထုတ်ဝေသည်။ (ပထမဆုံး ပုံနှိပ်ထုတ်ဝေသောကျမ်းစာဖြစ်သည်။) ထို့နောက်အခြေပြုသင်္ဂြိုလ်၊ အခြေပြုသဒ္ဒါ သင်္ဂြိုလ်ဘာသာဋီကာ၊ ကိုယ်ကျင့်အဘိဓမ္မာ စသည်ဖြင့် ကျမ်း များဆက်ကာဆက်ကာ ပြုစုသည်။ (သဂြိုလ်ဘာသာဋီကာကို စတင်ရေးသားချိန်မှပြီးစီးချိန်ထိ(၈)နှစ်အချိန်ယူပြုစုခဲ့ ရ။) အဘယာရာမကျောင်းတိုက်တွင် (၁၂)နှစ်ကျော်သတင်းသုံးစဉ် စာချခြင်း၊ စာရေးခြင်း၊ တရားဟောခြင်း၊ ကျောင်းအုပ်ချုပ်ရေးကိစ္စများ ဆောင်ရွက်ခြင်းဟူသော တာဝန်များယူရသည့် အဘယာရာမဆရာတော်ကြီးကို လည်းကူညီဆောင်ရွက်ပေးရ။
၁၃၀၃ - ၀ါဆိုလ(၁၉၄၁-ခု၊ ဇူလိုင်လ) တွင်တောင်မြို့သို့ပြောင်းရွှေ့၍ မဟာဂန္ဓာရုံကမ္မဌာန်းကျောင်းတိုက်တွင် ဗုဒ္ဓဘာသာ သင်ခန်းစာများ အမည်ဖြင့် သူငယ်တန်းမှ ဒဿမတန်းအထိရေးသားပြုစုပေးခဲ့။
၁၃၁၂ - လွတ်လပ်ရေးရပြီးနောက်-နိုင်ငံတော်အစိုးရက ပထမဆုံးဆက်ကပ်သောအဂ္ဂမဟာပဏ္ဍိတ ဘွဲ့တံဆိပ်တော်ကို ခံယူရ။
၁၃၁၅ - ဆဌသင်္ဂါယနာတင်ပွဲ၌ ဆဌသံဂီတိ သြ၀ါဒါစရိယ သံဃနာယက၊ ဆဌသံဂီတိဘာရနိတ္တာရက၊ ဆဌ သံဂီတိပါဠိပဋိဝိသောဓက၊ ဆဌသံဂီတိသြသာနသော ဇေယျပတ္ထပါဌက အဖြစ်တင်မြှောက်ခြင်းခံရ။
၁၃၂၆ - မှော်ဘီသာသနာသန့်ရှင်းပြန့်ပွားရေးအစည်းအဝေး၏ ဥဲီးဆောင်အဖွဲ့ဝင်အဖြစ်ဆောင်ရွက်ရ။
၁၃၃၇ - ပဲခူးမြို့၌ကျင်းပသော ရွှေကျင်နိကါယ(၁၁)ကြိမ်မြောက် ဂိုဏ်းလုံးကျွတ် အစည်းအဝေးမှ ဒုတိယ သာ သနာပိုင် (ရွှေကျင်နိကါယ ဥပဥက္ကဌအဖြစ်)တင်မြှောက်ခြင်းခံရ။ ဆရာတော်သည် ကျမ်းပေါင်း(၆၃)ကျမ်းရေးသား ပြုစုခဲ့ရာ သင်္ဂြိုလ်ဘာသာ ဋီကာ၊ ရူပသိဒ္ဓိဘာသာဋီကာ စသည်ဖြင့် ဘာသာဋီကာအမည်တပ်သော ကျမ်းအများ အပြားပါဝင်။ ရတနာ့ဂုဏ်ရည်၊ ကိုယ်ကျင့်အဘိဓမ္မာ၊ဘာသာသွေး၊ အနာဂါတ်သာသနာ၊ နောက်ဆုံးဆယ်လ မြတ်ဗုဒ္ဓ-စသည်ဖြင့်ထင်ရှား။ ပျံလွန်တော်မူကာနီး(၂)ရက်အလိုတွင်သုတ်မဟာဝါဘာသာဋီကာကျမ်းကို အဆုံး သတ်ခဲ့။ ပျံလွန်တော်မမူမီ (၁၃)ရက်အလိုတွင် မိမိ၏ ထေရုပ္ပတ္တိကို တစ်ဘ၀သံသရာအမည်ဖြင့် ရေးသားပြုစု ခဲ့သည်။
၁၃၃၉ - နတ်တော်လပြည့်ကျော်(၂)ရက် (၁၉၇၇-ဒီဇင်ဘာ-၂၇-ရက်) အင်္ဂါနေ့ညနေ ၄း၃၀ နာရီတွင် ဘ၀နတ်ထံ ပျံလွန်တော်မူခဲ့။ ပျံလွန်တော်မူမည့် နေ့လယ်အထိ-သုတ်ပါထေယျ အဌကထာကို စာချပေးခဲ့။
ထင်ရှားသော ကျမ်းဂန်စာအုပ်များ(အချို့)
အခြေပြုသင်္ဂြိုဟ်
အခြေပြုသဒ္ဒါ
သင်္ဂြိုဟ်ဘာသာဋီကာ
အနာဂါတ်သာသနာရေး
ကိုယ်ကျင့်အဘိဓမ္မာ
ရတနာ့ဂုဏ်ရည်
ဗုဒ္ဓဘာသာသင်ခန်းစာများ(၉)တဲ
ဘာသာသွေး
ရုပ်ပုံရှင်ကျင့်ဝတ်
သုတ်မဟာဝါ-ဘာသာဋီကာ
ဘာသာရေး ပြဿနာများ
လူချမ်းသာ
ဗုဒ္ဓါနုဿတိဘာဝနာ
နောက်ဆုံးဆယ်လမြတ်ဗုဒ္ဓ
တစ်ဘ၀သံသရာ(ကိုယ်တိုင်ရေးထေရုပ္ပတ္တိ)
ဓမ္မစကြာနှင့် အနတ္တလက္ခဏသုတ် တရားတော်
အခြေပြု ပဌာန်း
သိပ္ပံအမြင်နှင့်ဗုဒ္ဓအဘိဓမ္မာအဖြေများ
ဘုရားဥပဒေတော်ကြီး
ကိုးကား
www.myanmarbookshop.com

ဗန်းမော်ဆရာတော် ဘုရားကြီး

 
ဗန်းမော်ဆရာတော်
(နိုင်ငံတော်သံဃာ့မဟာနာယကဥက္ကဌ)
ဒေါက်တာ ဘဒ္ဒန္တကုမာရာဘိဝံသ
(အဂ္ဂမဟာပဏ္ဍိတ၊ အဂ္ဂမဟာဂန္ထ၀ါစကပဏ္ဍိတ)
ဗုဒ္ဓတက္ကသိုလ် အဓိပတိဆရာတော်
ဘ၀ဖြစ်စဉ်အကျဉ်း
၁။ ဘွဲ့တော် ဘဒ္ဒန္တကုမာရာဘိဝံသ
၂။ သက်တော်၊ သိက္ခာ ၈၁-နှစ်၊၆၁-၀ါ
၃။ မွေးသက္ကရာဇ် ၁၂၉၁- ခုနှစ်၊ တော်သလင်းလဆန်း(၁၄)ရက်၊
တနင်္လာနေ့၊ ၁၉၂၉-ခုနှစ်၊ စက်တင်ဘာ(၁၆)ရက်
၎။ သီတင်းသုံးရာဌာန (၁)ဗန်းမော်ကျောင်းတိုက်၊ မန္တလေးမြို့
(၂)ဒုတ်ိယပါမောက္ခချုပ်(သင်ကြား)ဆရာတော်
အပြည်ပြည်ဆိုင်ရာထေရ၀ါဒဗုဒ္ဓသာသနပြု
တက္ကသိုလ်၊သာသနာရေးဝန်ကြီးဌာန၊
ဓမ္မပါလကုန်းမြေ၊စွယ်တော်မြတ်စေတီအနီး၊
မရမ်းကုန်းမြို့နယ်၊ ရန်ကုန်မြို့။
၅။ ဇာတိရပ်ရွာ မန္တလေးတိုင်း၊ မြင်းခြံခရိုင်၊တောင်သာမြို့နယ်၊
ရဘဲကျေးရွာ။
ခမည်းတော်၊ မယ်တော် ဦးဖိုးသစ်၊ဒေါ်အေးသိုက်
၆။ ရှင်သာမဏေပြုခြင်း
ဂျပန်ခေတ၊်ရွာသစ်ရွာအထက်တန်းကျောင်းမှ အဌမတန်း အောင်မြင်ပြီးနောက် ရှင်သာမဏေဘောင်ဝင်ရောက်ခဲ့ပါသည်။
၇။ ရဟန်းပြုခြင်း ၁၃၁၀-ခုနှစ်၊တပို့တွဲလတွင် မြင့်မြတ်သော ရဟန်းဘောင်သို့ ၀င်ရောက်ခဲ့ပါသည်။
၈။ ပညာသင်ကြားခြင်း
ငယ်စဉ်က ဆင်မင်းရွာ မူလတန်းကျောင်းမှ စတုတ္ထတန်း အောင်မြင်ခဲ့သည်။
ဂျပန်ခေတ်တွင်ရွာသစ်ရွာအထက်တန်းကျောင်းမှ အဌမတန်း အောင်မြင်ခဲ့ပါသည်။
ထို့နောက်ရှင်သာမဏေပြု၍လောကုတ္တရာစာပေများကို သင်ယူခဲ့ရာ သဒ္ဒါကြီး
သဂြိုလ်ကျမ်းများကို အာဂုံဆောင်သည်အထိ ရရှိခဲ့ပါသည်။ပဌမငယ်တန်း၊
ပဌမလတ်တန်းနှင့် ပဌမကြီးတန်းပညာများကိုပါသင်ယူခဲ့ပါသည်။ ထို့နောက်
မန္တလေးမြို့ဘုရားကြီးတိုက်နယားကျောင်းသို့ ရွှေ့ပြောင်းပြီးမြန်မာနိုင်ငံတွင်
အခက်ဆုံးစာမေးပွဲဖြစ်သောပရိယတ္တိသာသနာဟိတသကျသီဟစာမေးပွဲအတွက်
စာဝါများသင်ယူခဲ့ပါသည်။ သကျသီဟစာသင်တန်း၌ အမှတ်အများဆုံးနံပါတ်တစ်မှ
အောင်မြင်ခဲ့ပါသည်။ သကျသီဟစာချတန်း၌ အဋ္ဌကထာ ကျမ်းကြီး ၃-ကျမ်းကို
နှစ်မခြားဘဲ တစ်နှစ်တည်းဖြင့် အောင်မြင်ခဲ့သဖြင့်"၀ဋံသကာ""ဟူသော ဂုဏ်ထူးဖြင့်
ရွှေတံဆိပ်ဆုချီးမြှင့်ခြင်းခံရသည်။ အဋ္ဌကထာကျမ်း(၉) ကျမ်းကိုတစ်နှစ်တည်းဖြင့် ပါဠိလိုအောင်မြင်သဖြင့်
မြန်မာတစ်နိုင်ငံလုံး၌ ပါဠိဘာသာဖြင့် -သိရောမဏိ-ဘွဲ့ရရှိသည်မှာ ဆရာတော်တစ်ပါးသာ ရှိပါသည်။ ၁၃၁၅ -ခုနှစ်၌သကျသီဟပရိယတ္တိသာသနာဟိတ ဓမ္မာစရိယ ၀ဋံသကာဘွဲ့နှင့် အစိုးရစာချတန်း
သာသနာဓဇသီရိပ၀ရဓမ္မာစရိယပါဠိသိရောမဏိဘွဲ့များကိုရရှိခဲ့ပါသည်။လောကုတ္တရာစာမေးပွဲများ ပြီးဆုံးပြီးနောက်လောကီ အတန်းစာများကိုဆက်လက်လေ့လာရာမန္တလေးတက္ကသိုလ်မှဝိဇ္ဇာဘွဲ့(B.A)ကိုရရှိခဲ့ပါသည်။မန္တလေးဘုရားကြီးတိုက်ပုသိမ်ကျောင်းဆရာတော်ဘုရားထံ သက္ကတသဒ္ဒါကျမ်းကို၃-နှစ်ခန့်အပြီးသင်ယူခဲ့ပါသည်။ထို့နောက်ဗြာကရဏဘာသာနှင့်အဒ္ဓမာဂဓီဘာသာတို့ကိုအဘယာရာမဆရာတော် ဦးသီလာနန္ဒ၏ အကူအညီဖြင့် လေ့လာသင်ယူခဲ့ပါသည်။
၉။ အောင်မြင်ခဲ့သောစာမေးပွဲမျာ
(၁) ပဌမငယ်တန်း(၁၃၀၈-ခုနှစ်)ေ
(၂) ပဌမလတ်တန်း(၁၃၀၈-ခုနှစ်)
(၃) ပဌမကြီးတန်း(၁၃၁၃-ခုနှစ်)
(၄) သကျသီဟစာသင်တန်း(၁၃၁၄-ခုနှစ်)
(၅) သကျသီဟ-၀ဋံသကာဘွဲ့(၁၃၁၅-ခုနှစ်)
(၆) သီရိပ၀ရ-ပါဠိသိရောမဏိဘွဲ့(၁၃၁၅-ခုနှစ်)
(၇) မန္တလေးတက္ကသိုလ်မှ B.Aဘွဲ့တို့ရရှိခဲ့ပါသည်။
သာသနာရေးနှင့် ပညာရေးဆောင်ရွက်ချက်များ...
(က) မန္တလေးမြို့ ဘုရားကြီးတိုက် နယားကျောင်းမှနေ၍ ပါဠိတက္ကသိုလ်
စာဝါများ ပို့ချပေးခဲ့ပါသည်။
(ခ) အခြေပြု ဓမ္မာစရိယအဖွဲဝင်အနေဖြင့် ငယ်-လတ်-ကြီး စာဝါများကို
အားကြိုးမာန်တက်ပို့ချ ဆောင်ရွက်ပေးခြင်း။
(ဂ) မန္တလေးမြို့ ဗန်းမော်ကျောင်းတိုက်ကြီးကို ဦးစီး၍
စာလိုက်သံဃာများအား အုပ်ချုပ်လျှက် စာပေများ
နေ့ဝါည၀ါပို့ချပေးခြင်း။
(ဃ) ဘုန်းတော်ကြီးကျောင်း ပညာရေးစနစ်ခေတ်က မူလတန်း
ကလေးသူငယ် မရှိဆင်းရဲသားသမီးတို့ကို အခမဲ့ပညာသင်ပေးခြင်း။
(င) ဆဋ္ဌသင်္ဂါယနာခေတ် ၁၃၁၈-ခုနှစ်မှ ၁၃၂၅-ခုနှစ်ထိ (၅)နှစ်တိုင်တိုင်
ဆဋ္ဌသင်္ဂါယနာ စာမူများကောင်းမွန်ရေးအတွက် သြသာန ပတ္ထပါဌက
သြသာန သောဓေယျကပုဂ္ဂိုလ် အနေဖြင့် စာမူများကို သုတ်သင်ပြင်ဆင်ပေးခဲ့ခြင်း။
(စ) နိုင်ငံတော်အစိုးရ၏ လျောက်ထားချက်အရ တိပိဋကပါဠိပဒ ကျမ်းညွန်း
အဘိဓါန်ကျမ်းတို့ကို ပြုစုရေးသားပေးခြင်း။
(ဆ) သာသနာရေးဦးစီးဌာနမှ ဖွင့်လှစ်သည့် မန္တလေးတိုင်း ကျောင်းထိုင်
ဘုန်းတော်ကြီးသင်တန်းကျောင်း နာယကအဖွဲ့ဝင် ဥက္ကဋ္ဌအဖြစ်ဆောင်ရွက်ခြင်း။
(ဇ) တိပိဋကနိကာယ သာသနာပြုအဖွဲ့ ဥက္ကဋ္ဌမင်းကွန်းဆရာတော်ကြီး၏
ကိစ္စများကိုလည်း (၅)နှစ်တိုင်တိုင် ကူညီပေးခဲ့ခြင်း။
(ဈ) သာသနာတော် သန့်ရှင်းတည်တံ့ပြန့်ပွါးရေးကို ဂိုဏ်းပေါင်းစုံသံဃာ့
အဖွဲ့ကြီးစတင်ဖွဲ့စည်းရန် ဦးသျှောင် ဆရာတော်များအဖွဲ့တွင်
လည်းကောင်း၊ တစ်နိုင်ငံလုံးတွင် ၆၆-ပါးသော ဗဟိုဝန်ဆောင်အဖွဲ့
တွင်လည်းကောင်း၊အဖွဲ့ဝင်တစ်ပါးအနေဖြင့် လိုက်လံစည်းရုံး ဟောပြောပေးခြင်း။
(ည) ၀ိနည်းဓမ္မကံ မှူခင်းဆိုင်ရာ ဥပဒေရေးဆွဲရာ၌ ဆရာတော်သည်
အတွင်းရေးမှူးအနေဖြင့် ပြီးမြောက်အောင်မြင်သည်အထိ ဆောင်ရွက်ပေးခြင်း။
(ဋ) ယခုအထိနိုင်ငံတော်ဗဟိုသံဃာ့ဝန်ဆောင်တစ်ပါးအနေဖြင့်သာသန
ရေးကိစ္စများကို ဆောင်ရွက်ပေးနေခြင်း။
(ဌ) ဓမ္မနီတိမိတ္တ၀ါဒများနှင့်စမ်းကလေးဝါဒကိုလည်းသီးခြားဝိနည်းဓိုရ်
အနေဖြင့် နိုင်ငံတော်အစိုးရ၏ တောင်းပန်ချက်ဖြင့် ဆုံးဖြတ်ပေးခဲ့ခြင်း။
(ဍ) နိုင်ငံတော်အရပ်ရပ်မှ မပြီးမပြတ်ဘဲ ရှိနေသည့် မှုခင်းများက်ိုလည်း
နိုင်ငံတော်ဝိနည်းဓိုရ် အနေဖြင့် ဆုံးဖြတ်ပေးခြင်း။
၁၁။ သာသနာတော်ဆိုင်ရာဘွဲ့တံဆိပ်တော်များနှင့် အခြားဘွဲ့တံဆိပ်များ အလှူခံရရှိခြင်း။
(က) အဂ္ဂမဟာဂန္ထ၀ါစက၊ ပဏ္ဍိတဘွဲ့တံဆိပ်တော် (၁၉၉၂- ခုနှစ်)
(ခ) အဂ္ဂမဟာပဏ္ဍိတဘွဲ့တံဆိပ်တော် (၁၉၉၉-ခုနှစ်)
(ဂ)PhD-(ဒီလစ်) ဒေါတ်တာဘွဲ့တံဆိပ်တော်
၁၂။ ဒုတိယပါမောက္ခချုပ် (သင်ကြား) အဖြစ်တာဝန်ထမ်းရွက်တော်မူခြင်း၊
၁၉၉၀-ခုနှစ်၊ဒီဇင်ဘာလတွင်စတင်ဖွင့်လှစ်သော အပြည်ပြည်ဆိုင်ရာ
ထေရ၀ါဒဗုဒ္ဓသာသနာပြု တက္ကသိုလ်၏ ဒုတိယပါမောက္ခချုပ်(သင်ကြား)
ဆရာတော်၏ တာဝန်များက်ိုထမ်းဆောင်တော်မူလျက်ရှိခြင်း။
၁၃။ ပြည်ပခရီးစဉ်မှတ်တမ်းအကျဉ်းချုပ်...
၁၉၉၄-ခုနှစ် စင်္ကာပူနိုင်ငံ ဆရာတော် ဦးပညာဝံသ၏လျှောက်ထားချက်
အရ ဥပါရိပါသာဝ သိမ်သမုတ်ပွဲကို ပဓာနနေရာမှပါဝင်ဆောင်ရွက်ပေးပါသည်။
၁၉၉၆-ခုနှစ်၊မစ္စတာဂိုဆင်ကာ၏ပင့်လျှောက်ချက်အရ အိန္ဒိယနိုင်ငံဘုံဘေမြို့ဝန်
ရွှေတိဂုံစေတီနှင့် ဥာဏ်တော်တူ စေတီကြီး အုတ်မြစ်ချပွဲသို့၎င်း၊ဤူုဃဂ်ပူရီမြို့၌
ဝိပဿနာတရားစခန်း စုပေါင်းကျင်းပပွဲသို့၎င်း ပါဝင်၍ ဿသာနာရေး အားပေးခဲ့ပါသည်။
၁၄။ ပြုမူထုတ်ဝေပြီးသောကျမ်းစာအုပ်များ မြန်မာဘာသာဖြင့်ပြုစုသောကျမ်းစာအုပ်များ..
၁။ သိမ်တောင်သာသနာဝင်ကျမ်း (ရိုက်ပြီး)
၂။ နိုင်ငံတော်အစိုးရ၏ လျှောက်ထားချက်အရ ပြုစုသောတိပိဍကပါဌိပဒ
ကျမ်းညွှန်း (၄ အုပ်ရိုက်ပြီး)
၃။ ထေရီအပဒါန ဒီပနီ (ပါဌိဘာသာဖြင့် ပြုစုသည်။) (ရိုက်ပြီး)
၎။ တိပိဋက ပါဌိ-မြန်မာအဘိဓာန်အ-၀ဂ် ၄အုပ် (ရိုက်ဆဲ)
၅။ မောဂ္ဂလာန်သဒ္ဒါကျမ်းကို၊ အဖွင့်ပယောဂသိဒ္ဓိ နိဿယကျမ်းပ-ဒု၂အုပ်
(ရိုက်ပြီး)
၆။ မဟာစည်ဆရာတော်၏၀ိပဿနာနည်းကျမ်းကိုပါဌိဘာသာပြန်ဆိုသည်။
၇။ မန္တလေး ရတနာမဉ္ဇူဘုရားသမိုင်း (ရိုက်ပြီး)
၈။ တိပိဋကရေပါရာဇီကတ်ပုစ္ဆာဝိဿဇ္ဇနာကျမ်း (၂၈-နှစ်စာ) (ရိုက်ပြီး)
၉။ တိပိဋကရေ ပါစိတ် ပုစ္ဆာဝိဿဉ္ဇနာကျမ်း (၂၈-နှစ်စာ) (ရိုက်ပြီး)
၁၀။တိပိဋကရေ -မဟာဝါ၊စူဌ၀ါ၊ပရိဝါ (၂၈-နှစ်စာ၊ပုစ္ဆာဝိဿဇ္ဇနာကျမ်း)
အင်္ဂလိပ်ဘာသာဖြင့်ပြုစုသောကျမ်းစာအုပ်များ
၁။ အောက်ယမိုက်ပါဌိတော် ၅ ကျမ်း (အင်္ဂလိပ်ဘာသာ) (ရိုက်ပြီး)
(ဘဒ္ဒန္တနာရဒ နှင့် ဘဒ္ဒန္တကုမာရာဘိဝံသ)
၂။ အထက်ယမိုက်ပါဌိတော် ၅ ကျမ်း (အင်္ဂလိပ်ဘာသာ) (ရိုက်ဆဲ)
ယခုအခါ ဆရာတော်ဘုရားသည် ရန်ကုန်ဗုဒ္ဓတက္ကသိုလ်အဓိပဓိ၊အပြည်ပြည်ဆိုင်ရာ ထေရ၀ါဒ သာသနာပြုတက္ကသိုလ် ဒုတိယပါမောက္ခချုပ်၊နိုင်ငံတော်သံဃာ့မဟာနာယကအဖွဲ့ ဥက္ကဌဆရာတော်တာဝန် စသည်တို့ကို ထမ်းဆောင်ရင်း သာသနာပြုလျက်ရှိပါသည်။
Posted in: biography

ဒေါက်တာ ဘဒ္ဒန္တနန္ဒမာလာဘိဝံသ

 
ဆရာတော်ကြီး၏ ထေရုပတ္တိ အကျဉ်း
- (၁၃၀၁) ခုနှစ်၊တပေါင်းလပြည့်၊ (၁၉၄၀)ခုနှစ်၊မတ်လ(၂၂)ရက်နေ့တွင် မန္တလေးတိုင်း၊ စဉ့်ကူးမြို့နယ်၊ ညောင်ပင်ရွာ နေ ခမည်းတော် ဦးစံလှ+မယ်တော် ဒေါ်ခင်တို့မှ ဖွားမြင်သည်။
- (၁၃၀၅)ခုနှစ်၊(၁၉၄၄) အသက် ၅နှစ်သားအရွယ် စဉ့်ကူးမြို့နယ်၊ ညောင်ပင်ရွာ၊ ပေါ်တော်မှုကျောင်း၊ ဆရာတော်ဦးကေလာသ(ဦးလေး ဘုန်းကြီး)ထံတွင် မြန်မာစာပေနှင့် ဗုဒ္ဓစာပေများကို စတင်သင်ကြားခဲ့သည်။
- (၁၃၁၀)ခုနှစ်၊(၁၉၄၉)၊ဝါဆိုလန်း (၁၁)ရက်၊ အသက် (၁၀)နှစ်အရွယ်တွင် စစ်ကိုင်းတောင်ရိုး၊ဝိပဿနာဂန္ဓာရုံ ကျောင်းရှိ အဘိဓဇမဟာရဋ္ဌဂုရု၊ နဝမမြောက်ရွှေကျင်သာသနာပိုင် စံကင်းဆရာတော်ကြီးကို ဥပဇ္ဈာယ်ပြုလျက် ရှင်သာမဏေပြုခဲ့သည်။
- (၁၃၁၄)ခုနှစ်၊(၁၉၅၃) အသက်(၁၃)နှစ်တွင် အဘိဓမ္မာစာမေးပွဲသုံးဆင့် စတင်အောင်မြင်ခဲ့သည်။
- (၁၃၁၇)ခုနှစ်၊ (၁၉၅၆)အသက်(၁၆)နှစ်တွင် အစိုးရဓမ္မာစရိယတန်းကို ဂုဏ်ထူးကျမ်း(၂)ကျမ်းနှင့်အတူအောင်မြင်၍ သာသနဓဇသိရီပဝရဓမ္မာစရိယဘွဲ့ရရှိခဲ့သည်။
- (၁၃၁၉)ခုနှစ်၊ (၁၉၅၇) သာသနာလင်္ကာရ သာမဏေကျော်ဘွဲ့ကိုရရှိခဲ့သည်။
- (၁၃၂၀)ခုနှစ်၊(၁၉၅၈) စစ်ကိုင်းမြို့ မဟာသုဗေရုံတိုက်ကိုနောင်တော်များနှင့်အတူတည်ထောင်ကာ ပဓာန စာချ၊တိုက်ကြပ်အဖြစ် အဆင့်ဆင့်တာဝန်များထမ်းဆောင်ခဲ့သည်။
- (၁၃၂၁)ခုနှစ်၊(၁၉၆၀)ပြည့်နှစ်တွင် နဝမရွှေကျင်သာသနာပိုင် စံကင်းဆရာတော်ဘုရာကြီးကို ဥပဇ္ဈာယ်ပြု၍ ရဟန်းဘဝသို့ရောက်ရှိခဲ့သည်။ နောင်တော်ရင်းဖြစ်သော ဘဒ္ဒ န္တနာရဒ ထံတွင် သဒ္ဒါ။ သင်္ဂဟဓပိဋက အခြေခံများ၊ ပထမပြန်စာမေးပွဲဆိုင်ရာ ကျမ်းစားများသင်ယူခဲ့ပြီး၊ ဇယမေဓနီ ၊ ဝါဆိုကျောင်းဆရာတော် ဘဒ္ဒ န္တ အဂ္ဃိယ (ရွှေကျင်သာသနာပိုင်၊ အဘိဓဇမဟာရဋ္ဌဂုရု) ထံဓမ္မာစရိယတန်းဆိုင်ရာ ကျမ်းစားများကို သင်ယူခဲ့သည်။ စစ်ကိုင်းမြို့ မဟာသုဗောဓာရုံ တိုက်ရှိ နောင်တော်များဖြစ်ကြသည့် နာယက၊ တိုက်အုပ်၊ တိုက်ကြပ်ဆရာတော်များထံတွင် သကျသီဟ၊ စေတိယင်္ဂဏတန်းဆိုင်ရာ ကျမ်းစာများကိုသင်ယူခဲ့သည်။ ရန်ကုန်မြို့ ဇမ္ဗူဒီပကျောင်းဆောင်တွင် တိပိဋကပါဠိ+မြန်မာအဘိဓာန်ကျမ်းပြုအဖြစ် ဆောင်ရွက်နေစဉ် ချမ်းမြေ့ရိပ်သာဆရာတော် ဘဒ္ဒ န္တ ဇနကာဘိဝံသထံတွင် အင်္ဂလိပ်ဘာသာကို စတင်သင်ယူခဲ့သည်။
- (၁၃၂၄)ခုနှစ်၊ (၁၉၆၃) ရန်ကုန်စေတိယင်္ဂဏ “ အဘိဝံသ” ဘွဲ့ကိုရရှိခဲ့သည်။
- (၁၃၂၅)ခုနှစ်၊ (၁၉၆၄) သာသနာဓဇဓမ္မယစရိယ ဝိနယပါဠိပါရဂူဘွဲ့ကိုရရှိခဲ့သည်။
- (၁၃၂၅)ခုနှစ်၊ (၁၉၆၄) မန္တလေး သကျသီဟ အဘိဝံသဘွဲ့ကိုရရှိခဲ့သည်။
- (၁၃၃၂)ခုနှစ်၊ (၁၉၇၃)မှစတင်၍ ကျမ်းစာများရေးသားပြုစုခဲ့ရာ အင်္ဂလိပ်/မြန်မာ နှစ်ဘာသာဖြင့် ကျမ်းစာများကို ထုတ်ဝေခဲ့ပြီးဖြစ်သည်။
- (၁၃၃၉)ခုနှစ်၊ (၁၉၈၀) မှအစပြု၍ သာသနာရေးဆောင်ရွက်ချက်များ-ပထမအကြိမ်သံဃအဖွဲ့အစည်းအဆင့်ဆင့်အတွက် စစ်ကိုင်းမြို့နယ် သံဃနာယကအဖွဲ့ (ရွှေကျင်) အဖွဲ့ဝင် အဖြစ်လည်းကောင်း ၊ဓမ္မယစရိယစာမေးပွဲ အကျိုးဆောင် အဖြစ်လည်းကောင်း၊ နိုင်ငံတော် ဗဟိုသံဃဝန်ဆောင် (ရွှေကျင်) အဖြစ်လည်းကောင်း ၊ ပထမပြန်စာမေးပွဲပြဋ္ဌာန်းကျမ်းစာ ပြင်ဆင်ရေးအဖွဲ့ အဖွဲ့ဝင်အဖြစ်လည်းကောင်း၊ နိကာယ်စာမေးပွဲစည်းမျဉ်း စည်းကမ်းရေးဆွဲရေး အဖွဲ့ဝင်၊နိုင်ငံတော်သီးခြား ဝိနည်းဓိုရ်အဖွဲ့အမှတ်(၁/၉၈) ၏ ဝိနည်းဓိုရ် ၊ပထမပြန်စာမေးပွဲကျင်းပရေး အဖွဲ့(စစ်ကိုင်း)၏ ပုစ္ဆကအဖွဲ့ ဥက္ကဌ အဖြစ်လည်းကောင်းဆောင်ရွက်ခဲ့သည်။
- (၁၃၄၇)ခုနှစ်၊ (၁၉၈၆) အိန္ဒိယနိုင်ငံ၊ အာသံပြည်နယ်နှင့် အရုဏ ချယ်ပရာဒေ့ရ်ှမှ ရဟန်း၊ သာမဏေ၊ ကျောင်းသားငယ်များ အားမြန်မာစာနှင့် အဘိဓမ္မာ တို့ကိုပို့ချပေးခဲ့သည်။
- (၁၃၄၈)ခုနှစ်၊ (၁၉၈၇) သီရိလင်္ကာနိုင်ငံ၊ ဘော်ရဲလာမြို့ Y.M.B.A အသင်းတိုက်တွင် အဘိဓမ္မာကို အင်္ဂလိပ်ဘာသာဖြင့်ပို့ချပေးခဲ့သည်။
- (၁၃၅၀)ခုနှစ်၊ (၁၉၈၉) သီရိလင်္ကာနိုင်ငံ University of Kelaniya မှ M.A (Buddhist Studies) ဘွဲ့ကိုရရှိခဲ့သည်။
- (၁၃၅၅)ခုနှစ်၊ (၁၉၉၄) အမေရိကန်ပြည်ထောင်စု၊မေရိလင်းပြည်နယ်၊ဘိလ်ဗားစပရင်းမြို့ ၊မင်္ဂလာရာမကျောင်းတိုက်တွင် မြန်မာဗုဒ္ဓဘာသာဝင်တို့အား အဘိဓမ္မာဘာသာရပ်ကိုပို့ချပေးခဲသည်။
- (၁၃၅၇)ခုနှစ်၊ (၁၉၉၆) နိုင်ငံတော်မှ “ အဂ္ဂမဟာဂန္တဝါစကပဏ္ဍိတ” ဘွဲ့ကိုဆက်ကပ်ခဲ့သည်။ သီတဂူ ကမ္ဘာ့ဗုဒ္ဓတက္ကသိုလ် တွင် ပါမောက္ခအဖြစ် ဆောင်ရွက်ကာ Department of Language Studies တွင် English Diploma Class နှင့် B.A တန်းများရှိ ဘာသာရပ်များကို လည်းကောင်း၊ အမေရိက၊ကိုရီးယား၊မက္ကဆီကို၊ဂျာမဏီ၊ပြင်သစ် စသောနိုင်ငံများမှ ကျောင်းသား/ကျောင်းသူများအား ပါဠိဘာသာ၊အဘိဓမ္မာ ဘာသာရပ်များကို လည်းကောင်းသင်ကြားပို့ချပေးခဲ့သည်။
- (၁၃၅၈)ခုနှစ်၊ (၁၉၉၇) အမေရိကန်ပြည်ထောင်စု၊ဘော်လတီမိုးမြို့၊ကေလာသဝိဟရကျောင်းရှိ မြန်မာဗုဒ္ဓဘာသာဝင်တို့အား အဘိဓမ္မ ညသင်တန်းပို့ချပေးခဲ့သည်။
- (၁၃၆၀)ခုနှစ်၊ (၁၉၉၉) ရန်ကုန်အပြည်ပြည်ဆိုင်ရာထေရဝါဒ ဗုဒ္ဓသာသနာပြုတက္ကသိုလ်၏ သြဝါဒစရိယ ဧည့်ပါမောက္ခအဖြစ် ပြည်တွင်းပြည်ပကျောင်းသားများအား စာပေပို့ချပေးခဲ့သည်။
- (၁၃၆၁)ခုနှစ်၊ (၂၀၀၀) နိုင်ငံတော်မှ “အဂ္ဂမဟာပဏ္ဍိတ” ဘွဲ့ကိုဆက်ကပ်ခဲ့သည်။
- (၁၃၆၄)ခုနှစ်၊ (၂၀၀၃) အိန္ဒိယနိုင်ငံ၊ မဂဓတက္ကသိုလ်မှ Ph.D ဒေါက်တာဘွဲ့ကိုရရှိခဲ့သည်။ ထိုနှစ်မှစတင်၍ ဂျာမဏီ၊ နယ်သာလန်၊သြစတြီးယား၊အင်္ဂလန်၊ စင်္ကာပူ၊မလေးရှား၊ကိုးရီးယား နိုင်ငံများသို့ နှစ်စဉ်မပျက်ကြွရောက်၍ အဆိုပါနိုင်ငံသားများအား အဘိဓမ္မာသင်တန်းများ သင်ကြားပို့ချပေလျက်ရှိသည်။
- (၁၃၆၇)ခုနှစ်၊ (၂၀၀၆) ရန်ကုန်အပြည်ပြည်ဆိုင်ရာထေရဝါဒဗုဒ္ဓသာသနာပြုတက္ကသိုလ်၏ ပါမောက္ခချုပ်အဖြစ် တာဝန်ထမ်းဆောင်သည်။
- ယခုအခါ ဒေါက်တာ ဘဒ္ဒန္တနန္ဒမာလာဘိဝံသ သည်စစ်ကိုင်းမြို့ မဟာသုဗောဓာရုံစာသင်တိုက် ၏ပဓာနနာယကဆရာတော် တာဝန်၊ သီတဂူ ကမ္ဘာ့ဗုဒ္ဓတက္ကသိုလ် တွင် ပါမောက္ခချုပ်တာဝန်များကို ထမ်းဆောင်ရင်း Diploma သင်တန်းများနှင့် B.A ပ၊ဒု၊တတိယ နှစ်များတွင် စာပေပို့ချပေးတော်မူခြင်း၊ ရန်ကုန်အပြည်ပြည်ဆိုင်ရာထေရဝါဒဗုဒ္ဓသာသနာပြုတက္ကသိုလ်၏ ပါမောက္ခချုပ်၊အပြည်ပြည်ဆိုင်ရာ အဘိဓမ္မာမဟာသိပ္ပံ ပါမောက္ခချုပ် အဖြစ် တာဝန်ထမ်းဆောင်ရင်း လူသားများအကျိုးအတွက် တရားဓမ္မများဟောပြောခြင်းဖြင့် သာသနာပြုလျက်ရှိသည်။
International Theravada Buddhist
Missionary University, Yangon

အရှင်ဆန္ဒာဓိက (ရွှေပါရမီတောရ)


 
အရှင်ဆန္ဒာဓိက (ရွှေပါရမီတောရ)၏ထေရုပ္ပတ္တိ
ရွှေပါမီတောရ အရှင်ဆန္ဒာဓိက သည် ဗုဒ္ဓဘာသာဆိုင်ရာ ဘာသာရေးစာပေများကို ရေးသားသော ရဟန်းတော် တစ်ပါး ဖြစ်သည်။ ရွှေပါရမီတောရဆရာတော် အရှင်ဆန္ဒာဓိက ယနေ့ ဓမ္မစာပေနယ်ပယ်တွင် ပရိတ်သတ်အခိုင်အမာရရှိထားပြီး တရားပွဲများတွင် ပရိတ်သတ် ကြိတ်ကြိတ်တိုး စည်ကားလျက်ရှိသည်။
၁၉၆၈ ခုနှစ်၊ ဇန်န၀ါရီလ(၉)ရက်၊ အဂ်ါနေ့တွင် ရေနံချောင်းမြို့၊ သူဌေးကုန်းရပ်ကွက်၌ ခမည်းတော်ဦးစိန်ဝင်း၊ မယ်တော်ဒေါ်သိန်းသိန်း တို့မှ ဖွားမြင်သည်။
၁၉၈၄ ခုနှစ်တွင် ဆယ်တန်းစာမေးပွဲကို ရေနံချောင်းမြို့၊ အထက(၁)မှ ခြောက်ဘာသာ (ဘာသာစုံ) ဂုဏ်ထူးဖြင့် မြန်မာတစ်နိုင်ငံလုံး ဒုတိယရလျက် အောင်မြင်သည်။
သုံးထပ်ကွမ်းလူရည်ချွန်အဖြစ် ၈တန်း၊ ၉တန်း၊ ၁၀တန်းတို့၌ သုံးနှစ်ဆက်တိုက် ရွေးချယ်ခံခဲ့ရသည်။
၁၉၈၄ ခုနှစ်၊ ဆယ်တန်းအောင်မြင်ပြီးနောက် သာသနာ့ဘောင်သို့ဝင်ရောက်ခဲ့ပြီး အမရပူရမြို့၊ မဟာဂန္ဓာရုံကျောင်းတိုက်တွင် ပရိယတ္တိစာပေများ လေ့လာဆည်းပူးခဲ့သည်။
၁၉၉၂ ခုနှစ်တွင် ပထမကျော်ဘွဲ့ နှင့် ၁၉၉၅ ခုနှစ်တွင် ဓမ္မာစရိယဘွဲ့တို့ကို ရရှိခဲ့သည်။
၁၉၉၈ ခုနှစ်တွင် အသက်(၃၀)ပြည့် ပုလဲရတု မွေးနေ့အထိမ်းအမှတ်အဖြစ် တစ်ယောက်တည်းနေ တစ်စိတ်တည်းထား စာအုပ်ကို စတင်ထုတ်ဝေခဲ့သည်။
အလှူဒါန
၂၀၀၅-ခုနှစ်၊ မေလ(၁၉)ရက်မှ (၂၂)ရက်အထိ ရေနံချောင်းမြို့တွင် မျက်စိအထူးကုဆရာဝန်ကြီးမှ မျက်စိဝေဒနာရှင်(၂၅၀၀)ကျော်ကို ကြည့်ရှုစစ်ဆေးပေးခြင်း အတွင်းတိမ်လူနာ(၂၈၈)ဦးနှင့် အသေးစားခွဲစိတ်ကုသရန် လိုအပ်သည့် လူနာ(၂၈)ဦး စုစုပေါင်း (၃၁၆)ဦး တို့အား အခမဲ့ ခွဲစိတ်ကုသပေးရာတွင် ဆရာတော်မှဦးဆောင်ပြီး တပည့်ဒါယကာ၊ဒါယိကာမများမှ ပံ့ပိုးကူညီပေးခဲ့သည်။
ရွှေပါရမီတောရဆရာတော် အရှင်ဆန္ဒာဓိကသည် သက်တော်(၃၀)ပြည့်မှစ၍ ယနေ့အထိ လှူခဲ့ပြီးသော လှူတန်းမှုအစုစုမှာ ကျပ်သိန်း(၃၀၀၀) ခန့်ရှိပြီဟု သိရပါသည်။
၂၀၀၉-ခုနှစ်၊ ဇွန်လ ၄နေ့ ညနေ ၆ နာရီခန့်တွင် စစ်ကိုင်းတိုင်း မုံရွာရှိ ဗောဓိတထောင် ဘုရားမှ ဓာတ်လှေကားတစ်ခုသည် ပေ ၂၀ ကျော်အမြင့်မှ ပြုတ်ကျမှု ဖြစ်ပွားရာ ဓမ္မကထိက အကျော်အမော်များဖြစ်သော အရှင်ရဝေနွယ်(အင်းမ)၊ ဆရာတော် အရှင်ဆန္ဒာဓိက ဗောဓိတထောင်ကျောင်းတိုက်မှ ရဟန်းတစ်ပါးနှင့် ဘုရားဖူး ၅ ဦး ထိခိုက်ဒဏ်ရာရသွားခဲ့၍ မန္တလေးဆေးရုံတွင် ကုသမှု ခံယူနေကြရသည်။ ဆရာတော်များအား လာရောက်မေးမြန်း လှူဒါန်းသွားသော မုန့်၊ သစ်သီးဝလံနှင့် အစားအစာ များအား နေ့စဉ် သံဃာတော်အပါး(၁၀၀)အတွက် ပြန်လည် လှူဒါန်းပေးနေရပေသည်။
လိပ်စာ
သထုံမြို့၊ ကေလာသတောင်၊ ရွှေပါရမီတောရကျောင်း၌ တစ်ပါးတည်း ဧကစာရီတောရဆောက်တည်လျက် ပရိယတ်၊ ပဋိပတ်အလုပ် အားထုတ်လျက်ရှိသည်။
ရေးသားသော စာအုပ်များ
တစ်ယောက်တည်းနေ တစ်စိတ်တည်းထား ရွှေပါရမီ စာစဉ်(၁)
ကိုယ့်စိတ် ကိုယ်စစ် ရွှေပါရမီ စာစဉ်(၂)
မသေခင်ဘာလုပ်ကြမလဲ ရွှေပါရမီ စာစဉ်(၃)
ငြိမ်းအေးသောဘ၀ပိုင်ရှင် ရွှေပါရမီ စာစဉ်(၅)
လောက၌အကောင်းဆုံးသောအရာ ရွှေပါရမီ စာစဉ်(၆)
ဘယ်အိမ်မှာ နေကြမလဲ ရွှေပါရမီ စာစဉ်(၇)
အိုဘယ့်အလှူရှင် ရွှေပါရမီ စာစဉ်(၈)
အနှိုင်းမဲ့ချမ်းသာ ရွှေပါရမီ စာစဉ်(၉)
ရဟန်းဘာကြောင့်ပြုရတယ် ရွှေပါရမီ စာစဉ်(၁၀)
မြင့်မြတ်သူတို့၏စံအိမ် ရွှေပါရမီ စာစဉ်(၁၂)
အလင်းစေတမန် ရွှေပါရမီ စာစဉ်(၁၄)
အချစ်ကံခေပေမယ့် အနှစ်ကျန်စေရမယ် ရွှေပါရမီ စာစဉ်(၁၅)
ငါ့ကိုမချစ်ပါနဲ့ ရွှေပါရမီ စာစဉ်(၁၆)
လိုတရနှလုံးသား ရွှေပါရမီစာစဉ်(၁၈)
နို့နှစ်လုံးဖိုးကျေပါတယ် ရွှေပါရမီစာစဉ် (၂၀)
ဝေးလေကောင်းလေ ရွှေပါရမီစာစဉ် (၂၁)
စိတ်အားဖြည့်ဓမ္မပဒ ရွှေပါရမီစာစဉ် (၂၂)
မချစ်တတ်မမုန်းတတ်တဲ့သူ ရွှေပါရမီစာစဉ် (၂၃)
အနေဝေးပေမယ့် အဝေးနေမဟုတ်ပါ ရွှေပါရမီစာစဉ် (၂၄)
အနှိုင်းမဲ့ရနံ့ ရွှေပါရမီစာစဉ် (၂၅)
အဝေးမှာမနေပါနဲ့ ရွှေပါရမီစာစဉ် (၂၆)
စိတ်အားဖြည့် ဓမ္မနှင်းပွင့် ရွှေပါရမီစာစဉ် (၂၇)
စိတ်အားဖြည့် ဓမ္မမိုးစက် ရွှေပါရမီစာစဉ် (၂၉)
စိတ်အားဖြည့် ဓမ္မရွက်နု
အကောင်းကံချစ်မှ အချစ်ကံကောင်းမယ် ရွှေပါရမီစာစဉ် (၃၀)
ဘယ်လောက်ဝေးဝေး နီးနီးလေး ရွှေပါရမီစာစဉ် (၃၁)
နံ့သာဖြင့်ထုံမွမ်းအပ်သော (၂၀၀၇-မေလ) ရွှေပါရမီစာစဉ် (၃၂)
ခိုင်မှခိုင် ရွှေပါရမီစာစဉ် (၃၃)
စိတ်အားဖြည့်ဓမ္မပန်းပွင့် ရွှေပါရမီစာစဉ် (၃၅)
ထူးမှထူး ရွှေပါရမီစာစဉ် (၃၆)
ဘ၀အဓိဋ္ဌာန် ရွှေပါရမီစာစဉ် (၃၉)
အချစ်ကံခေပေမယ့် အနှစ်ကျန်စေရမယ်
တစ်ရာနှင့် တစ်ရက်
အားထုတ်ဖြစ်ဖို့ အဓိက
လူပျိုဘုရား လုံးဝမရှိ
ရည်စူးကုသိုလ်
အနှိုင်းမဲ့ ဘာဝနာ
အနှိုင်းမဲ့ အလှူ
အနှိုင်းမဲ့ လာဘ်
သက်သတ်လွတ်နှင့် ကုသိုလ်စိတ်
စိတ်လျှော်ဖွပ်တဲ့ အလုပ်
http://www.shweparami.net/default.aspx

ဓမ္မဒူတ အရှင်ဆေကိန

 
ဓမ္မဒူတ အရှင်ဆေကိန္ဒ ၏ထေရုပ္ပတ္တိအကျဉ်း
ဓမ္မဒူတ အရှင်ဆေကိန္ဒ အလောင်းအလျာကို စစ်ကိုင်းတိုင်း၊ စစ်ကိုင်းမြို့၊ သောတာပန်ရပ်ကွက် ခမည်းတော် ဦးအောင်သန်း+ မယ်တော် ဒေါ်စိန်ကြည်တို့က ကောဇာသက္ကရာဇ် ၁၃၁၉-ခုနှစ်၊ တပို့တွဲလဆန်း (၉)ရက်၊ (28-1-1958) အင်္ဂါနေ့၌ မီးရှူးသန့်စင် ဖွားမြင်တော်မူခဲ့ပါသည်။
၁၉၇၅-ခုနှစ်၌ စစ်ကိုင်းမြို့ အမှတ်(၁) အထက်တန်းကျောင်းမှ ၁၀-တန်းကို အောင်မြင်ခဲ့ပြီး ၁၉၇၉-ခုနှစ်၌ မန္တလေးမြို့ စက်မှုလက်မှုသိပ္ပံ၏ A.G.T.I (civil) မြို့ပြအင်ဂျင်နီယာ ဒီပလိုမာဘွဲ့ကို ရရှိအောင်မြင်ခဲ့ပါသည်။
၁၉၈၃-ခုနှစ်၌ မွန်ပြည်နယ် ဘီးလင်းမြို့နယ် တောင်စွန်း ဓမ္မဒူတတောရ ဆရာတော်ကြီးကို ဥပဇ္ဈာယ်ပြု၍ ရှင်ရဟန်းအဖြစ်ကို ယူခဲ့ပါသည်။ အရှင်မြတ်သည် တောင်စွန်း ဓမ္မဒူတတောရကျောင်းတိုက်ကြီး၌ပင် ပရိယတ္တိ စာပေတို့ကို မူလတန်း၊ ပထမငယ်တန်း၊ ပထမလတ်တန်း၊ ပထမကြီးတန်းတို့ကို နှစ်ချင်းပေါက် အောင်မြင်တော်မူခဲ့ပြီး ၁၉၉၃-ခုနှစ်တွင် စာချတန်း၌ ကျမ်းရင်းသုံးကျမ်းစလုံးကို တစ်နှစ်တည်းဖြင့်ပင် အောင်မြင်တော်မူခဲ့၍ အစိုးရ သာသနဓဇဓမ္မာစရိယဘွဲ့တံဆိပ်ကို ရရှိတော်မူခဲ့ပါသည်။
သဒ္ဓမ္မနေပုည ဓမ္မာစရိယဘွဲ့နှင့် သာသနဇောတိပါလ ဓမ္မာစရိယဘွဲ့တို့ကိုလည်း ရရှိတော်မူခဲ့ပြန်ပါသည်။ထို့ပြင် နိုင်ငံတော် အစိုးရမှဆက်ကပ်သော မဟာသဒ္ဓမ္မဇောတိကဓဇ၊ မဟာဂန္ထ၀ါစကပဏ္ဍိတ၊ ဓမ္မကထိက ဗဟုဇနဟိတဓရ၊ အပြည်ပြည်ဆိုင်ရာ ထေရ၀ါဒဗုဒ္ဓသာသနာပြု တက္ကသိုလ်မှ M.A (Buddhism) နှင့် Ph.D ဘွဲ့တို့ ကိုလည်းရရှိခဲ့ပါသည်။ ပရိယတ္တိစာပေများကို တောင်စွန်း ဓမ္မဒူတတောရ၊ အမရပူရမြို့ မဟာဂန္ဓာရုံကျောင်းတိုက်၊ မန္တလေးမြို့ မစိုးရိမ်တိုက်၊ စစ်ကိုင်းမြို့ ဇေယျသိန်ပါဠိတက္ကသိုလ်၊ စစ်ကိုင်းမြို့ သုဗောဓာရုံ စာသင်တိုက်စသော ကျောင်းတိုက်တို့ရှိ ဆရာမြတ်တို့၏ အထံတော်မှ နည်းနာခံယူ သင်ယူခဲ့ပါသည်။
၁၉၉၈ ခုနှစ်၌ အပြည်ပြည်ဆိုင်ရာ ထေရ၀ါဒ ဗုဒ္ဓသာသနာပြု တက္ကသိုလ်တွင် နည်းပြအဖြစ် တာဝန်ထမ်းဆောင်တော်မူခဲ့ပါသည်။ ၂၀၀၀ ခုနှစ်တွင် လက်ထောက်ကထိက၊ ၂၀၀၅ ခုနှစ်တွင် ရန်ကုန်တက္ကသိုလ် အရှေ့တိုင်းဌာနတွင် တွဲဖက်ပါမောက္ခအဖြစ် ပူးတွဲတာဝန်ထမ်းဆောင်တော်မူခဲ့ပါသည်။
အရှင်မြတ်သည် ဓမ္မဒူတနာယက အဖွဲ့ဝင်၊ မှော်ဘီမြို့နယ် သံဃနာယက အဖွဲ့ဝင်၊ ဓမ္မဒူတ ဇေတ၀န်တောရ ဆေကိန္ဒာရာမ ကျောင်းတိုက်ကြီး၏ ပဓာန နာယက ဆရာတော်၊ အပြည်ပြည်ဆိုင်ရာ ထေရ၀ါဒ ထေရ၀ါဒဗုဒ္ဓသာသနာပြု တက္ကသိုလ် ပဋိပတ္တိမဟာဌာန (၀ိပဿနာ) ပါမောက္ခ၊ မဟာဌာနမှူး ဆရာတော်စသော တာဝန်တို့နှင့် ကျမ်းစာရေးသားခြင်း၊ စာပေပို့ချခြင်း၊ တရားဟောပြောခြင်း၊ တရားပြသခြင်း၊ ယဉ်ကျေးလိမ္မာ လူငယ်သင်တန်းများ ဖွင့်လှစ်ခြင်း စသည်တို့ကို ဆောင်ရွက်တော် မူလျက်ရှိသည်။
http://dhammadutaonline.org/

သီတဂူဆရာတော်ဘုရားကြီး

 
သီတဂူဆရာတော်ဘုရားကြီး၏ ထေရုပ္ပတ္တိ
သီတဂူဆရာတော် ဦးဥာဏိဿ ရ (၁၉၃၆ခုနှစ်) မြန်မာသက္ကရာဇ် ၁၂၉၈ - ခု၊ တပါင်းလပြည့်နေ့၌ အဖ ဦးမောင်ညို၊ အမိ ဒေါ်သန်းတင်တို့က ပဲခူးတိုင်း၊ ပြည် မြို့နယ် စီရင်စု၊ သဲကုန်းမြို့နယ် ပုတီးကုန်းမြို့တွင် ဖွားမြင်သည်။
အသက်(၇)နှစ်အရွယ်တွင် သဲကုန်းမြို့တပ် အလယ်တန်းကျောင်းတွင် စတင် ပညာ သင်ကြား ခဲ့ပါသည်။
အသက်(၁၅)နှစ် အရွယ်တွင် ရှင်သာမဏေ ပြုခဲ့ပါသည်။ သက္ကရာဇ် ၁၃၁၈ - (သာသနာနှစ်-၂၅၀၀ ပြည့်နှစ်) နယုန်လဆန်း(၄)ရက်နေ့ အသက်(၁၉)နှစ် အရွယ်တွင် သဲကုန်းမြို့၌ ရဟန်းပြုခဲ့ပြီး ရှင်သာမဏေပြုချိန်မှ စ၍ ပိဋကတ် အခြေခံ ကျမ်းစာများကို သဲကုန်းမြို့တပ် အလယ်တန်းကျောင်း ဆရာတော်ထံ၌ ပြည့်စုံအောင် သင်ကြားခဲ့သည်။ ၁၃၂၂ - ဓမ္မာစရိယတန်းအောင်။ ရန်ကုန်မြို့၊ တာမွေ သိမ်ကုန်းတိုက်၊ မန္တလေးမြို့ အနောက် ခင်မကန်တိုက်၊ စကု တိုက်၊ တောင်သမန်တိုက်၊ မိုးကောင်းတိုက်၊ ဝေယံဘုံသာတိုက်၊ ဘုရားကြီးတိုက်၊ ရွှေရေးဆောင်တိုက်များတွင် အဆင့်မြင့် ပိဋကတ် ကျမ်းစာများကို သင်ကြား ခဲ့ပါသည်။
၁၃၂၃-၂၆ - ရန်ကုန်မြို့၊ ကမ္ဘာအေး သံဃာ့တက္ကသိုလ်တွင် သာသနာပြု ပညာရပ်များ သင်ကြား ခဲ့ပါသည်။ ၁၃၂၆-၂၇ - ဧရာဝတီတိုင်း၊ လေးမျက်နှာမြို့ -ဘီ၊ ဘီအမ်အေ ကောလိပ် (မြန်မာ ဗုဒ္ဓဘာသာ၊ သာသနာပြု ကျောင်း)တွင် ပရဟိတ လုပ်ငန်းများ၌ ပါဝင် ဆောင်ရွက် ခဲ့ပါသည်။ ၁၃၂၉ - ၁၃၃၃ - စစ်ကိုင်းတောင် အနီးစခန်း ဆရာတော်ထံ၌ ပိဋကတ် ကျမ်းစာများကို (၅)နှစ်တိုင်တိုင် အင်္ဂလိပ်ဘာသာဖြင့် သင်ကြား ခဲ့ပါသည်။ ၁၃၃၄ - ၃၇ - (၄)နှစ်တိုင်တိုင် မွန်ပြည်နယ်၊ ပေါင်မြို့နယ် သပိတ်အိုင်တောရ စခန်း၌ ဧကစာကျင့်သုံးကာ ဓုရ နှစ်ပါးမပြတ် အားထုတ်ခဲ့ပါသည်။ ၁၃၃၈ - စစ်ကိုင်းတောင်၊ သဒ္ဓမ္မသီတဂူချောင်ကို စတင် တည်ဆောက်ခဲ့ပါသည်။ ၁၃၄၂ - ၄၇ - စစ်ကိုင်းတောင် ချောင်ပေါင်း (၉၀၀)ခန့်အတွက်-သီတဂူ ရေအလှူတော် စီမံကိန်းကို ဆောင်ရွက်ခဲ့ပါသည်။
(တစ်နေ့လျှင် ရေဂါလံ ၅-သိန်းခန့်ပေးဝေလျှက်ရှိပြီး ဧရာဝတီမြစ် အတွင်းမှ ရေများကို စစ်ကိုင်းတောင်ရိုးပေါ် အရောက် ဆောင်ရွက်ရခြင်း ဖြစ်ပါသည်။ ) ၁၃၄၇ - ၀ါခေါင်လပြည့်နေ့မှစ၍ သီတဂူ အာယုဒါနဆေးရုံကို တည်ဆောက်ခဲ့ပါသည်။ (တစ်လလျှင် ပျမ်းမျှကုန်ကျ စရိတ် ကျပ်သိန်း (၂၀)ခန့်ဖြင့် ဆေးဝါး ကုသ ဒါနပြုလျှက် ရှိပါသည်။) ၁၃၅၁ - ဆေးရုံပြီးမြောက် (ကုတင်-၁၀၀ဆန့် ကျပ် သိန်း ၅၀၀ကျော် ကုန်ကျပါသည်။ ) ဆရာတော်ဘုရားကြီးသည် ရေအလှူတော်၊ အာယုဒါန အလှူတော် သာမက ပညာရေး၊ လူမှုရေး၊ မိဘမဲ့ ကလေးငယ်များ စောင့်ရှောက်နိုင်ရေး အတွက်ပါ သိန်းပေါင်းများစွာ လှူဒါန်းလျက်ရှိပါသည်။
ဆရာတော်ကြီးသည် မြန်မာပြည်တွင်း ကျန်းမာရေး၊ ပညာရေးနှင့် ဧရာဝတီ အလှူတော်လုပ်ငန်များကို လုပ်ဆောင်ခဲ့သည်။ လွန်ခဲ့သည့် နှစ်ပေါင်း ဆယ်စုနှစ်များစွာကတည်းက ဆရာတော်ကြီး၏ ရေအလှူတော်၊ ဆေးရုံနှင့် ဆေးအလှူတော် လုပ်ငန်းများမှာ ကြည်နူးဖွယ်ရာ ဖြစ်သည်။ ဆားတောင်၊ သီပေါ၊ ကလေး၊ နတ်မောက်၊ ပန်းတနော်၊ ထားဝယ်၊ မင်းတပ် (ချင်းပြည်နယ်) နဲ့ မြိုင်ကြီးငူ (ကရင်ပြည်နယ်) တို့၌ ဆေးရုံများ တည်ဆောက်နေသည်။ ဆေးရုံ ၈ ရုံ ရှိပြီး ဆေးရုံ တရုံကို ကျပ်ငွေ သိန်း ၁၀၀၊ ဆေးပစ္စည်း သိန်း ၁၅၀ ကုန်ကျမှာ ဖြစ်သည်။ မျက်စိ အလင်းရရန် ခွဲစိတ် ကုသပေးနေပြီး ပြည်သူ ၁ သောင်းခွဲ ရှိသည်။ နှစ်စဉ် ၁ သောင်းခွဲ အလင်းရဖို့ လုပ်ပေးနေခြင်း ဖြစ်သည်။
ပြည်ပသာသနာပြုခရီး
၁၉၈၁ခုနှစ်မှစ၍ နိုင်ငံပေါင်းများစွာသို့ အကြိမ်ကြိမ် သွားရောက် သာသနာပြုခဲ့ပြီး အင်္ဂလန်၊ အမေရိကန်၊ အိန္ဒိယနိုင်ငံတို့တွင် ၀ါကပ် ဆိုခဲ့ပါသည်။ အမေရိကန်ပြည်ထောင်စု နက်ရ်ှဗီးမြို့၌ ၀ါဆိုစဉ် တက္ကသိုလ် ကောလိပ်များတွင် ဗုဒ္ဓဒေသနာ ကမ္မဌာန်း၊ သစ္စာလေးပါး၊ မဂ္ဂင်ရှစ်ပါးတို့ကို အမေရိကန်လူမျိုးများအား သင်ကြား ပို့ချ ဟောကြား ခဲ့ပါသည်။ ပြည်ပတွင်လည်း ဒါနပြုခဲ့၊ ပြည်ပမှ မျက်စိကု ဆရာဝန်ကြီးများအား ဖိတ်ကြား၍ ဝေဒနာရှင်များ အား အာယုဒါနဆေးရုံတွင် ခွဲစိတ်ကုသပေးခဲ့ပါသည်။ သက္ကရာဇ်-၁၄၅၄ - ၀ါဆိုလပြည့်နေ့တွင် အမေရိကန်ပြည်ထောင်စု၊ တက္ကဆပ်ပြည်နယ်၊ အော်စတင်မြို့တွင် ရဟန်းတော်(၅)ပါး၊ လူပုဂ္ဂိုလ် (၁၅)ယောက်တို့ဖြင့် ထေရ၀ါဒ ဓမ္မအသင်းကို တည်ထောင်ခဲ့ပါသည်။ ဓမ္မပြန့်ပွားရေး ဆောင်ရွက်ခဲ့ပါသည်။
ထိုသင်တန်းတွင် နက်ရ်ှဗီးမြို့၊ ဗန်ဒါဗစ် တက္ကသိုလ်၌ ကျောင်းသား၊ ကျောင်းသူများအား ပို့ချခဲ့ပါသည်။ ထိုဟောပြောချက်မှ ဓမ္မအနှစ် စာတမ်းပေါင်း (၁၅)ခု ပေါ်ထွက်ခဲ့ပါသည်။ ကမ္ဘာ့ဗုဒ္ဓတက္ကသိုလ် ၁၉၉၁ ခုနှစ်မှ စတင်၍ သဒ္ဓမ္မသီတဂူချောင်တွင် ကမ္ဘာ့ ဗုဒ္ဓတက္ကသိုလ် ဖွင့်လှစ်၍ ပိဋကတ် ကျမ်းစာ၊ ဗုဒ္ဓသာသနာ့သမိုင်း၊ သာသနာပြုနည်း၊ ကမ္မဌာန်းတရားများအား ရဟန်းတော်၊ သာမဏ၊ သီလရှင်နှင့် လူပုဂ္ဂိုလ်များအား ပို့ချပေးခဲ့ပါသည်။ ထိုတက္ကသိုလ်မှ B.A, M.A, Ph.D-ဘွဲ့များအပ်နှင်းနိုင်ခဲ့။ ၁၉၉၄ခုနှစ်တွင် အမေရိကန် ပြည်ထောင်စု၊ အော်စတင်မြို့၌ သီတဂူ ဗုဒ္ဓ၀ိဟာရကျောင်းတိုက် တည်ထောင်ခဲ့ပါသည်။ ထိုကျောင်းမှ ၂-လ တစ်ကြိမ်၊ အင်္ဂလိပ် မြန်မာနှစ်ဘာသာဖြင့် ဗုဒ္ဓ၊ ဓမ္မ စာစောင်များ ထုတ်ဝေခဲ့ပါသည်။ ဓမ္မသင်တန်း များပို့ချခဲ့ပါသည်။် ၂၀၀၂ ခုနှစ် ကမ္ဘောဒီးယားနိုင်ငံတွင် ကျင်းပသည့် ဗုဒ္ဓသာသနာညီလာခံ၌ နိုင်ငံခြားသားများအား ဓမ္မစာပေ ပို့ချခဲ့ပါသည်။ ဂျပန်၌တည်ဆောက်မည့် အပြည်ပြည်ဆိုင်ရာ ဗုဒ္ဓတက္ကသိုလ်၏ အကြီးအကဲအဖြစ် ခန့်အပ်ခြင်း ခံခဲ့ရပါသည်။
အစိုးရက ဆက်ကပ်သည့် ဘွဲ့များ
၁၉၉၃ - မဟာဓမ္မကထိက ဗဟုဇနဟိတဓရဘွဲ့
၁၉၉၅ - အဂ္ဂမဟာသဒ္ဓမ္မဇောတိကဓဇဘွဲ့
၁၉၉၆ - အဂ္ဂမဟာပဏ္ဍိတဘွဲ့
၂၀၀၂ - ရန်ကုန်တက္ကသိုလ်မှ ဂုဏ်ထူးဆောင် စာပေပါရဂူဘွဲ့ Doctor of Literature (Hononur-Causa)
၂၀၀၉တွင် "အဂ္ဂမဟာဂန္တ၀ါစကပဏ္ဍိတဘွဲ့" တို့ကို ဆက်ကပ်ပူဇော်ခဲ့ပါသည်။
၂၀၁၀ ခုနှစ်အတွက် ပြည်သူ့ဂုဏ်ရည်ဆု ဂုဏ်ပြုချီးမြှင့်ခြင်း အစီအစဉ်၏ နောက်ဆုံး ဆန်ကာတင် ပုဂ္ဂိုလ် ၅ဦးတွင် ပါဝင်ပြီး ပြည်သူ့ဂုဏ်ရည် ဂုဏ်ပြုမှတ်တမ်းလွှာနှင့် အလှူငွေ အမေရိကန်ဒေါ်လာ ၁ ထောင်ကို ရရှိသည်။
ရေးသားပြုစုခဲ့သည့် စာပေများ
၁။ပုဏ္ဏောဝါဒ သုတ္တန်(၁၉၉၇) ၂။ဒါရုက္ခန္ဓောပမာ သုတ္တန်(၂၀၀၁) ၃။ဝေဒနာနုပဿနာ သတိပဌန်တရားတော်(၂၀၀၂) ၄။လမ်းရိုးဟောင်းတွင် ဆင့်ကာထွင်(ရွှေကျင်ဆရာတော်ကြီးဘ၀ဖြစ်စဉ်အကျဉ်း)(၂၀၀၂) ၅။စကားလေးခွန်းတရားတော်(ရဌပါလသုတ်အနှစ်ချုပ်)(၂၀၀၃) ၆။လောကမျက်လုံး ကွယ်ပျောက်ခြင်းတရားတော် ၇။တက္ကသိုလ်တရားတော်(၂၀၀၄) ၈။ဗုဒ္ဓနှင့်ဗုဒ္ဓ၀ါဒ(၂၀၀၄) ၉။မမေ့အပ်သောလေးနေရာ(သံဝေဇနိယသုတ္တန်တရားတော်) ၁၀။ဝေဒနာကိုသည်းခံခြင်း တရားတော်(မဟာပရိနိဗ္ဗာနတရားတော်)
၁၁။ကဿပဂုဏ်ရည် တရားတော် ၁၂။သံဃာ့ဂုဏ်ရည်တရားတော် ၁၃။ပညာရှိတစ်ဆူကို ပူဇော်ခြင်းတရားတော် ၁၄။သာသနာပြု သူရဲကောင်းတရားတော် ၁၅။သိကြားမင်းရေးသော ခန္တီစာတမ်းတရားတော် ၁၆။ကုမုဒြာတွေပွင့်တဲ့ည တရားတော် ၁၇။ဘ၀တန်ဖိုး တရားတော်(၂၀၀၄) ၁၈။သစ္စာနှင့်မေတ္တာတရားတော်(၂၀၀၄) ၁၉။ယုံအသင်း၏ယုံမင်းတရားတော်(သသပဏ္ဍိတဇာတ်)(၂၀၀၃) ၂၀။နိယာမနှင့် အနတ္တလက္ခဏသုတ်တရားတော်
၂၁။မေတ္တာသုတ်တရားတော် ၂၂။ညီတော်အာနန္ဒာ ဆရာတော်ကြီးသည် မြန်မာသက္ကရာဇ်၁၃၃၄ - ခု၊ ၀ါဆိုလပြည့်နေ့မှစ၍ (၃၄)နှစ်ကျော်တိုင် နှစ်စဉ် တရားပွဲ ပေါင်းများစွာ ဟောကြားခဲ့ပြီး လက်ရွေးစဉ် တရားပုဒ်ရေ(၇၀)ကျော်ကို သီတဂူစာစဉ်များအဖြစ် ထုတ်ဝေပြီး ဖြစ်ပါသည်။
အောင်အောင်(မကစ)
Posted by ကျော်ဇင်

ရွှေဥမင် ဆရာတော်ကြီး ဘဒ္ဒန္တကောသလ္လ မဟာထေရ်

 
ရွှေဥမင် ဆရာတော်ကြီး ဘဒ္ဒန္တကောသလ္လ မဟာထေရ်

သည် ၁၃၆၄-ခုနှစ် တန်ဆောင်မုန်းလပြည့်ကျော် ၁-ရက် (၂၀-၁၁-၂၀၀၂) နေ့တွင် ဘ၀နတ်ထံ ပျံလွန်တော်မူသည်။ ပျံလွန်တော်မူချိန်တွင် သက်တော် ၉၀-နှစ် သိက္ခာတော် ၇၀-ရှိပြီ။

ဆရာတော်ဘုရားကြီး သက်တော်ထင်ရှားရှိစဉ်က တရားနာပရိသတ်တို့အား တရားရေအေး အမြိုက်ဆေးကို တိုက်ကျွေးလေ့ရှိသည်။ ထိုထိုတိုက်ကျွေးခဲ့သော တရားများထဲက ကျွန်တော် အနှစ်သက်ဆုံးနှင့် ပီတိအဖြစ်ဆုံး တရားတပုဒ်ကို ဓမ္မဒါန ထပ်ဆင့်ပြုပါမည်။ နာကြည့်တော်မူပါ။

အများအားဖြင့် သူတော်မှ ကိုယ်ကကောင်းကြတာ၊
သူတော်မှ ကိုယ်ကကောင်းတာ သူတော်ကောင်း မဟုတ်ဘူး။
သူတော်ကောင်းဆိုတာ သူတော်တော် မတော်တော် ကိုယ်ကကောင်းမှ သူတော်ကောင်း ဖြစ်တာ။

သစ်ပင်ဟာ မလဲမချင်း သစ်ပင်ခုတ်တဲ့လူကို အရိပ်ပေးသွားတယ်။
အမွှေးနံ့သာတုံးဟာ မီးရှို့တဲ့သူကို မကျွမ်းမချင်း အမွှေးနံ့သာ ပေးသွားတယ်။
သူတော်ကောင်းဟာ မသေမချင်း ကိုယ့်ကို နှိပ်စက်တဲ့ရန်သူကိုတောင် အကျိုးဆောင်သွားတယ်။

ဘုရားလောင်း မျောက်မင်းဟာ မုဆိုးတဦး ချောက်ထဲကျနေတာ ကယ်ထုတ်ခဲ့တယ်။ သယ်ဆောင်ဖို့ နိုင်-မနိုင် စမ်းသပ်တဲ့အနေနဲ့ မုဆိုးရဲ့ ကိုယ်အလေးချိန်နဲ့အမျှ ကျောက်တုံးတတုံးကို ထမ်းပြီး ခုန်တက်ပြီးမှ မုဆိုးကို ချီပြီး ကယ်တင်တာ။ နှစ်ကြိမ်တောင် ခုန်လိုက်ရတော့ ပင်ပန်းလွန်းလို့ မုဆိုးရဲ့ ပေါင်ပေါ်မှာ ခေါင်းမှီပြီး နားနေရတယ်။

အဲဒီမှာ မုဆိုးက စဉ်းစားတယ်။ အိမ်ပြန်ရင် ဟင်းစား မပါဘူး။ မျောက်သားဟင်း စားရအောင်ဆိုပြီး မျောက်မင်းရဲ့ ဦးခေါင်းကို ခဲနဲ့ထုတယ်။ အသက်သခင်ကိုတောင် ယုတ်ယုတ်မာမာ ကြံစည်ရက်တယ်။ မျောက်မင်း ဦးခေါင်း ကွဲသွားတယ်။

မျောက်မင်းက စဉ်းစားတယ်-ဒီမုဆိုး သေတွင်းက လွတ်ပေမဲ့ တောထဲမှာ မျက်စိလည်ပြီး ကျားစာဖြစ်တော့မှာပဲ။ မသေအောင် လမ်းပြပေးဦးမှ-လို့တွေးပြီး မုဆိုး ငါ သစ်ပင်ပေါ်က လမ်းပြပေးသွားမယ်။ ငါ့သွေးစက်ကျတဲ့ လမ်းအတိုင်း လိုက်ခဲ့-ဆိုပြီး ရွာစပ်နားအထိ လိုက်ပို့ပေးလိုက်တယ်။

သူတော်ကောင်းဆိုတာ ကိုယ့်ကိုသတ်တဲ့ ရန်သူကိုတောင် သွေးနဲ့ ချွေးနဲ့ရင်းပြီး ကောင်းကျိုးဆောင်ရွက်ပေးတယ်။ အဲဒီလို ဆောင်ရွက်နိုင်အောင် မသေမချင်း သူတော်ကောင်းစိတ် မွေးရတယ်

လူကောင်း စိတ်ကောင်း ဉာဏ်ကောင်းဖြစ်အောင် တရားအားထုတ်ကြရတာ။ ဉာဏ်ကောင်းဖြစ်သွားရင် ယုတ်ညံ့တဲ့ တကိုယ်ကောင်းဆန်တဲ့ စိတ်၊ လစ်ရင် လစ်သလို၊ အခွင့်သာရင် သာသလို ထင်တိုင်းကြဲချင်တဲ့ စိတ် မရှိတော့ဘူး။

လောဘ ဒေါသ အယုတ်တမာတွေကို လက်မခံရဘူး။ မွေးမြူရေးမလုပ်ဘဲ ပယ်နိုင်အောင် ကြိုးစားကြရမယ်။ ဘုရားသာသနာနဲ့ အခွင့်ကြုံတဲ့အခါ သာသနာနဲ့စပ်တဲ့ ကုသိုလ်အထွတ်အမြတ်တွေကို လေးလေးစားစား တန်ဖိုးထားပြီး လက်လှုပ်တိုင်း ခေါင်းလှုပ်တိုင်း ပါးစပ်လှုပ်တိုင်း ကုသိုလ်ရအောင် တန်ဖိုးထားရမယ်။

လူကောင်း စိတ်ကောင်း ဉာဏ်ကောင်းဖြစ်အောင် အားထုတ်နိုင်ကြပြီး ဉာဏ်ကောင်းက ပို့ဆောင်သည့် နိဗ္ဗာန်သို့ အမြန်ဆုံး မျက်မှောက်ပြုနိုင်ကြပါစေ။

Posted by: mingala

တောင်တန်း သာသနာပြု ဆရာတော်ဘုရားကြီး

 
(တောင်တန်း သာသနာပြု ဆရာတော်ဘုရားကြီး
၏ပုံတော်အား ကိုယ်တိုင်ရေးဆွဲ ပူဇော်လှူဒါန်းပါသည်)

တောင်တန်းသာသနာပြုဆရာတော်ဦးဥတ္တမသာရ (သို့ )
မတ္တာဝိဟာရီ ဆရာတော်လောင်းလျာကို ၁၂၇၂ ခု၊ ပြာသို လပြည့်ကျော် ၁ ရက်၊ (၁၅ ဇန်န၀ါရီ ၁၉၁၁)တနင်္ဂနွေနေ့တွင် စစ်ကိုင်းတိုင်း ဒီပဲယင်းမြို့နယ် နွေတွင်းကုန်းကျေးရွာ တွင် ခမည်းတော် ဦးဘိုးညို မယ်တော်ဒေါ်သေးတာ မှ ဖွားမြင်ခဲ့သည်။၁၂၈၄ ခုနှစ်တွင် ရွာကျောင်း ဆရာတော် ဘဒ္ဒန္တဝိလာသကို ဥပဇ္ဈာယ် ပြု၍ မိဘ နှစ်ပါး တို့၏ ပစ္စယာ နုဂ္ဂဟဖြင့် ရှင်သာမဏေ အဖြစ် ရောက်တော် မူသည်။ ၁၂၉၂ ခုနှစ်၊ နွေတွင်းကုန်းရွာ ကျောင်းဆရာတော် ဘဒ္ဒန္တဝိလာသကို ဥပဇ္ဈာယ် ပြု၍ ရဟန်း အဖြစ်သို့ ရောက်တော်မူသည်။
စာပေလေ့လာ ဘ၀မှာ
ဆရာတော်သည် မုံရွာမြို့ ရွှေသိမ်တော်တိုက်၊ မဟာ လယ်တီတိုက်၊ စစ်ကိုင်းတောင် မဟာ သမယချောင်၊ မန္တလေးမြို့ ချမ်းသာကြီး မြောက်တိုက်၊ အမရပူရမြို့ တူးမောင်းတိုက်၊ ပခုက္ကူမြို့ မဟာ ဝိသုတာ ရာမတိုက် ဆရာတော်များ ထံတွင် ပိဋကတ် ကျမ်းစာများ ကို တတ်စွမ်းသမျှ သင်ယူ ခဲ့သည်။ ရှေးခေတ်စာသင်နည်းအရ ကျမ်းကြီးပေါက် သင်ယူ တတ်မြောက် တော်မူခဲ့ပြီး အင်္ဂလိပ်စာ၊ ချင်းစာပေ၊ ချင်းဘာသာ စကား တို့ကိုလည်း လေ့လာ တတ်မြောက် ခဲ့သည်။ ရန်ကုန်တိုင်း ကမာရွတ် မြို့နယ် ဝါဆိုကျောင်းနှင့် လှိုင်မြို့နယ် အောင်ချမ်းသာ ကျောင်းတို့၌ စာဝါများ ပို့ချခဲ့သည်။
သာသနာပြုတို့ အတုယူစရာ
စာပေများ သင်ယူတတ်မြောက်ပြီး၍ သပိတ်တလုံး ပိုက်ကာ တောထွက်တော်မူခဲ့သည်၊ နှစ်ပေါင်း ၅၀ ကျော်ကာလပတ်လုံး ချင်းတောင်တန်းတလျောက် သာသနာပြုတော်မူပြီး ရံဖန် ရံခါမှသာ ပြည်မကြီးမှာ ဒကာဒကာမတို့ ပင့်လျောက်ချက်အရ ကြွေ၇ာက် ချီးမြှောက်တော်မူသည်၊
တဘ၀ ချုပ်ငြိမ်းချိန်
၁၃၅၇ ခုနှစ်၊ ပြာသိုလဆန်း ၇ရက် (၂၇၊ ၁၂၊ ၁၉၉၅) နေ့ ညနေ ( ၆း ၃၀) နာရီ အချိန်၌ သက်တော် ၈၆ နှစ်၊ သိက္ခာတော် ၆၆ ဝါ အရတွင် ချင်းပြည်နယ်၊ ဖလမ်း မြို့နယ်၊ လုံပီး ကျေးရွာမှ ရန်ကုန်မြို့သို့ ဆေးကုသမှု ခံယူရန် ကြွရောက်တော်မူစဉ် မန္တလေး လေဆိပ်မှာပင် တဘ၀ ချုပ်ငြိမ်းတော်မူခဲ့သည်။
ရေးသားခဲ့သော စာအုပ်များ
1. ကိုယ်တွေ့ မှတ်တမ်းများ - ၁၉၈၉ ခုနှစ်
2. ချမ်းမြေ့စွာ ဘဝ နေနည်း တရားတော် - ၁၉၈၉ ခုနှစ်
3. ဂုဏ်တော်ကွန်ချာ ပုတီး စိပ်နည်းများ - ၁၉၈၉ ခုနှစ်
4. ဆရာတော် အရှင် ဦးဥတ္တမသာရ၏ ကိုယ်တွေ့ မှတ်တမ်းများ - ၁၉၅၄ ခုနှစ်
5. တောင်တန်းတရား (ပထမတွဲ) - ၁၉၉၁ ခုနှစ်
6. တောင်တန်း သာသနာပြု ဆရာတော် ဦးဥတ္တမသာရ - ၁၉၉၄ ခုနှစ်
7. ပရိတ် မေတ္တာ တန်ခိုး ထက်စေသောနည်း - ၁၉၉၂ ခုနှစ်
8. ဘဝ တံခွန်အောင် လမ်းညွှန် တရားတော် - ၁၉၉၂ ခုနှစ်
9. ဘဝ အောင်မြင်ရေး လမ်းညွှန် ဒေသနာ - ၁၉၉၃ ခုနှစ်
10. ဘုန်ကြီးမှတ်စု - ၁၉၉၇ ခုနှစ်
11. မေတ္တာ စွမ်းအား လက်တွေ့ အကျိုးများ - ၁၉၉၄ ခုနှစ်
12. မေတ္တာရှင်ကြီး၏ မေတ္တာစာ - ၁၉၉၂ ခုနှစ်
13. ရဟန်း ဘဝ ချမ်းသာ (ပထမတွဲ) - ၁၉၉၂ ခုနှစ်
14. ရဟန်း ဘဝ ချမ်းသာ (ဒုတိယတွဲ) - ၁၉၉၃ ခုနှစ်
15. သံသရာဝဋ်ကို လွတ်အောင် ရုန်းကြစို့ရဲ့ - ၁၉၉၄ ခုနှစ်
စာစောင်အသီးသီးတွင် ရေးသားခဲ့သော ဓမ္မဆောင်းပါးများ
1. ကိုယ်က ဖန်တီး၍ သံသရာ ကျင်လည် နေကြသည်၊ ဗုဒ္ဓဓမ္မ လောက စာစောင် အတွဲ (၃၈) အမှတ် (၁၈) မှ (၂၁) အထိ
2. ချင်းစော်ဘွားကြီး ဦးဝမ်မှုံ၊ ဂျာနယ်ကျော် မဂ္ဂဇင်း (၂၉၊ ၁၁၊ ၁၉၃၇)
3. ချင်းတောင်တန်း သာသနာပြု၊ ဒဂုန် မဂ္ဂဇင်း (၅/ ၁၉၄၁)
4. တောင်တန်း သာသနာပြုရေး၊ ဒဂုန် မဂ္ဂဇင်း အတွဲ (၂၁) အမှတ် (၁) (၁၊ ၁၊ ၁၉၄၇)
5. တောင်အစဉ်စဉ် တောအထပ်ထပ် သာသနာ ရောင်ခြည် ထင်ဟပ်ခဲ့ပြီ၊ ဂျာနယ်ကျော် မဂ္ဂဇင်း အတွဲ
(၁၀) အမှတ် (၉) (၈၊ ၁၁၊ ၁၉၄၇)
6. ဒေသန္တရ ဗဟုသုတ ရှာမှီးကြရာ၌ ကြုံကြိုက်တတ်သော အခက်အခဲများ၊ တိုးတက်ရေး မဂ္ဂဇင်း အမှတ် (၉၃) (၆/၁၉၄၁)
7. နာဂ တောင်တန်းသားတို့၏ နောက်ကွယ်မှ ဤရက် ဤရွာများ၊ ဂျာနယ်ကျော်မဂ္ဂဇင်း (၂၂၊ ၂၊ ၁၉၄၇)
8. နှစ်ပြည်ထောင် အခြေကျ အလယ်က ကျောက်ဆောင် မျှော်လို့သာ မှန်းမိတော့ လွမ်းခမ်းငဲ့ ရစ်သီ၊ ဒဂုန် မဂ္ဂဇင်း အတွဲ (၂၁) အမှတ် (၇) (၇/၁၉၄၇)
9. နိဗ္ဗာန် ရလိုလျှင် သွားရောက်နည်း အဖုံဖုံရှိသည်၊ ဗုဒ္ဓဓမ္မ လောက စာစောင် အတွဲ (၃၀) အမှတ် (၁၄)
10. ဘုန်းကြီး ကျောင်းတိုက်များသည် လောက အယူဝါဒကို လိုက်နာ သင့်သလော၊ တိုးတက်ရေး မဂ္ဂဇင်း အမှတ် (၉၅) (၁၊ ၈၊ ၁၉၄၁)
11. မဏိပူရ နယ်ခြား တမူးမြို့၊ ဂျာနယ်ကျော် မဂ္ဂဇင်း (၁၀/၁၉၄၇)
12. မြေပေါက်လွတ် ဆွမ်းကျွေးတဲ့ ပွဲတဲ့၊ ဗုဒ္ဓဓမ္မ လောက စာစောင် အတွဲ (၁၃) အမှတ် (၃၆) မှ အမှတ် (၄၀) အထိ
13. မြို့တော် ဖလမ်း၊ ဒဂုန် မဂ္ဂဇင်း အတွဲ (၂၁) အမှတ် (၁၀) (၁၀၊ ၁၁၊ ၁၉၄၇)
14. မြို့တို့ ဌာနေ၊ တိုးတက်ရေး မဂ္ဂဇင်း အမှတ် (၈၈) (၁၊ ၁၊ ၁၉၄၁)
15. မြို့တော် ဘုတလင်၊ တိုးတက်ရေး မဂ္ဂဇင်း အမှတ် (၈၈) (၃၊ ၇၊ ၁၉၄၁)
16. ယဉ်ကျေးလာသော ချင်းတောင်၊ တိုးတက်ရေး မဂ္ဂဇင်း အမှတ် (၉) (ဧပြီလ)
17. ရွှေပြည်ဝင် စာတမ်း၊ တိုးတက်ရေး မဂ္ဂဇင်း အမှတ် (၈၄) (၃၊ ၉၊ ၁၉၄၀)
18. သာသနာပြု ပန္နက်စွဲရန် အကောင်းဆုံး ဌာနကြီး တခု၊ ဂျာနယ်ကျော် မဂ္ဂဇင်း (၁၃၊ ၉၊ ၁၉၄၇)
19. သာသနာ့ သူရဲကောင်းများ၊ ဂျာနယ်ကျော် မဂ္ဂဇင်း (၂၂၊ ၂၊ ၁၉၄၇)
20. အာသံပြည် သာသနာရေး၊ ဗုဒ္ဓဓမ္မ လောက စာစောင် အတွဲ (၉) အမှတ် (၁၀)
21. အယ်ဒီတာသို့ လွမ်းဖွယ် ချင်းဝိသေသတိုင်းမှ ပေးစာ၊ ဂျာနယ်ကျော် မဂ္ဂဇင်း (၁၃၀၉) ခုနှစ်၊
ချင်းတောင်တန်း ရဲ့ သခင်ကြီး
ချင်းတောင်တန်း တစ်ကြောလုံး မိုးမရွာတာကြာပြီ၊ ဘယ်လိုတွေဖြစ်နေပါလိမ့် --- --
ဒါဆို သခင်ကြီး လုပ်ထားတာပဲ ဖြစ်မယ် - လာ သွားကြစို့ သခင်ကြီးကို သွားပြောကြမယ် ---
ဒီနေ့ နေမပွင့်နိုင်လောက်အောင် မြူခိုးတွေ ပိတ်သဲနေတာပဲ၊ တောင်ယာ လုပ်ချင်တာတောင် လုပ်လို့ မရကြဘူး၊ မြူတွေ ဆိုင်းနေတာ သခင်ကြီး လုပ်ထားလို့ ဖြစ်မယ် --
လာ သွားကြစို့ရဲ့ သခင်ကြီးကို သွားပြောပြီး နေပူအောင် လုပ်ပေးခိုင်းကြမယ် -- -
ဒကာတို့-- ဒီနေ့ တောလိုက် မသွားကြပါနဲ့၊ အန္တရာယ်နဲ့ တိုးလိမ့်မယ်၊ သားကောင်လဲ ရမှာ မဟုတ်ဘူး၊
သခင်ကြီး -- -- ကယ်ပါအုံး - ဒီမှာ လူတယောက် တောဝက် အပက်ခံလိုက်ရလို့ပါ - --
အဲလို အဲလိုမျိုး ဒုက္ခအားလုံး တို့ရဲ့ ကယ်တင်ရှင်၊ ချင်းတမျိုးသားလုံးရဲ့ ကျေးဇူးရှင် ဗိုက်ကြီးသည် ကလေးမမွေးနိုင်တာက အစ လိုက်လံ ကူညီပေးခဲ့ရတဲ့ သခင်ကြီး ခေါ် တောင်တန်းဆရာတော်ကြီးရဲ့ ဘ၀ဟာ ခက်ခဲကြမ်းတမ်း ပင်ပန်းခဲ့ပါတယ်။
ဆောင်းတွင်းကာလရဲ့ တခုသော ညမှာတော့ ဆရာတော်ကြီး သီတင်းသုံးတဲ့ တောင်ပေါ်ကျောင်းဝင်း
ပြင်လေးထဲမှာ ကပ္ပိယချင်းဒကာတယောက်ရယ်၊ ဆရာတော်ကြီးရယ် မီးလှုံနေပါသတဲ့၊ ကျားတကောင်
ကလည်း ချမ်းလွန်းလို့ ထင်ပါရဲ့ မီးပုံဘေးနားအထိ ရောက်လာပြီး ငြိမ်ဝပ်စွာ မီးလှုံနေတယ်၊ ဒီမှာတင် ချင်းဒကာက ကျားကြီးကို ကြည့်ကာ သတ်ပြီး ရောင်းစားလိုက်ရရင် ဘယ်လောက်ကောင်းလိုက်မလဲ လို့ စိတ်တွင်းက ကြံစည်ကာ အကုသိုလ်စိတ်များ ဖြစ်လာတာနဲ့ တပြိုင်နက်ထဲ ကျားကြီးဟာ အမှတ်မထင် ဟောက်လိုက်ပါသတဲ့၊ ဒီမှာတင် ဆရာတော်ဘုရားကြီးက --
ဒကာကြီးက သူ့ကို ရန်ပြုဖို့ ဘာကြောင့် စိတ်ကူးရတာလဲ ပါဏာတိပါတ ကို မလုပ်ရဘူးလေ -
တင်ပါ တပည့်တော် စောစောကတော့ ကြောက်နေတာပါ၊ နောက်တော့ သူက ရန်မပြုမှန်း သိတာကြောင့် အကုသိုလ်စိတ်တွေ ၀င်လာမိတာပါဘုရား -- ဟု လျောက်ထားသတဲ့၊
ချင်းတောင်တန်းက အတွေ့အကြုံများ
အသွားအလာ ခက်ခဲ၍ ဝေးလံ ခေါင်းပါးသော တောင်တန်း ဒေသ များတွင် နှစ်ပေါင်း ၅၀ မျှ သီတင်းသုံး နေထိုင်လျက် ဒေသခံ တိုင်းရင်းသား များအား ဗုဒ္ဓ တရားတော်များကို မျိုးစေ့ချ ပေးတော်မူခဲ့ပြီး အိန္ဒိယနိုင်ငံ အာသံ ပြည်နယ်၊ မဏိပူရ ပြည်နယ်နှင့် ဘင်္ဂလားဒေ့ရှ် နိုင်ငံ စစ်တကောင်း တောင်တန်း များနှင့် ဥရောပ နိုင်ငံများအထိ လှည့်လည့် သာသနာ ပြုတော် မူခဲ့သည်။
အထူးအားဖြင့် မေတ္တာအရာတွင် ကြီးမားတော်မူကာ သတ္တဝါတို့ အပေါ် နူးညံ့သော စိတ်ထားဖြင့် လက်နှိပ်ဓာတ်မီးမပါ နေ့ရော ညပါ ကြမ်းတမ်းသော တောတောင် ခရီးဝယ် တောင်ဝှေးတစ်ချောင်းဖြင့် ခဲခဲယဉ်းယဉ်း ပင်ပင်ပန်းပန်း သွားလာ၍ သာသနာ ပြုတော်မူခဲ့ပြီး အစားအသောက် ကအစ ချိုးခြံချွေတာကာ သာသနာပြုတော်မူခဲ့သည်၊
တနေ့တနေ့ ဘုန်းပေးစရာ မရှိ၍ ပိန်းဥပြုတ် ကန်စွန်းဥပြုတ်ဖြင့်လည်း ဆွမ်းတနပ် ပြီးတော်မူခဲ့ရသည်လည်း ရှိခဲ့၏။ ဒေသခံ ချင်းတိုင်းရင်းသားတို့သည်ကား ကိုးကွယ်ခံ တန်ခိုးရှင်ကြီးဟူ၍လည်းကောင်း၊ သခင်ကြီး ဟူ၍လည်းကောင်း ခေါ်ဝေါ်ကြကာ ချစ်ကြောက် ရိုသေလေးစားကြပေသည်၊ တခါတရံ ချမ်းအေးသော ဆောင်းတွင်းကာလ၀ယ် ထူထဲသော စောင်အထပ်ထပ် ခြုံထားသော်လည်း တောင်ပေါ်ကျောင်း၌ သီတင်းသုံးတော်မူသော သခင်ကြီး ကျောင်းသင်္ကန်းထက်မှ စောင်များကို ဖောက်ထွက်ကာ ထူးဆန်းသော အလင်းရောင်တန်းများ
ဖြာထွက်နေခြင်း၊ ကျောင်းသင်္ကန်းတခုလုံး လင်းထိန်နေခြင်း စသော ထူးဆန်းဖွယ်ရာများကို တောင်ခြေမှ ချင်း တိုင်းရင်းသား ဒကာ ဒကာမများ မကြာခဏ တွေ့မြင်ကြရသည် ဟု ဆရာတော်ကြီး၏ အထ္ထုပ္ပတ္တိ စာအုပ်တွင် ဖတ်ရှု့ရပေသည်၊ ထိုအတွက်ကြောင့်လည်း ဆရာတော်ကြီးအား မေတ္တာဝိဟာရီ ( မေတ္တာဖြင့် အမြဲမပြတ်နေလေ့ရှိသော ) မထေရ်ကြီး ဟူ၍ ရဟန်းရှင်လူ အများက လက်ခံ ကြည်ညိုခဲ့ကြ၇သည်။
အနည်းဆုံး တနှစ်တခေါက်အနေဖြင့် မြန်မာပြည် အလယ်ပိုင်း အောက်ပိုင်းဒေသများသို့ ကြွတော်မူကာ သက်တော်ကြီးရင့်တော်မူသည်အထိ ဒကာ ဒကာမတို့အား မေတ္တာဖြင့် ချီးမြောက်တော်မူခဲ့သည်။ ဆရာတော်ကြီး ပရိတ်ရွတ်တိုင်း တရားဟောတိုင်းမှာလဲ ရေအိုးရေခွက် ပုလင်း စသည်တို့၌ရှိသောေ၇များ ဆူဝေ လျံတက် လေ့ရှိသောကြောင့် ရေဆူဆရာတော် ဟုလည်း ကျော်ကြားတော်မူခဲ့ပေသည်။
လူဖြစ်လေရ၊ ဒုလ္လဘ၌
ဖြည့်ကြရောင်ဝါ၊ လထက်သာသည်၊
ပညာအလင်း ကိုယ်မှာဝင်းစေ၊
ဇင်မင်းဆယ်ဆ၊ မျှမကသည့်
စာဂအကျင့်၊ မွှေးသဖြင့်လျှင်၊
အခွင့်ထိုက်တန် နေရာမှန်၌
သက်ပန်ရာပြည့် တည်စေသတည်း။ ။
ဘ၀မှာ ထိုက်တန်စွာ ဘာဝနာ ပွားများအားထုတ် ထားသူအတွက် ကောင်းရာ သုဂတိ ရောက်စေဖို့ ဆုတောင်း ပေးနေစရာ မလိုတော့ပါဘူးလေ၊
တက္ကသိုလ်ဘုန်းနိုင်က သဇင်ပန်းကို တင်စားသလို စာရေးသူကလဲ ၁၃၅၇ ခုနှစ်၊ ပြာသိုလဆန်း ၇ရက် (၂၇၊ ၁၂၊ ၁၉၉၅) နေ့ ညနေ ( ၆း ၃၀) နာရီ အချိန်၌ သက်တော် ၈၆ နှစ်၊ သိက္ခာတော် ၆၆ ဝါ အရတွင် ချင်းပြည်နယ်၊ ဖလမ်း မြို့နယ်၊ လုံပီး ကျေးရွာမှ ရန်ကုန်မြို့သို့ ဆေးကုသမှု ခံယူရန် ကြွရောက်တော်မူစဉ် မန္တလေး လေဆိပ်မှာပင် တဘ၀ ချုပ်ငြိမ်းတော်မူခဲ့သော ဆရာတော်ကြီး၏ သီလ သမာဓိ ပညာဂုဏ်တို့ကို ပူဇော်သောအားဖြင့်ရေးသား ပူဇော်အပ်ပါသည်၊
Posted by ဓမ္မဂီရိ

မဟာစည်ဆရာတော်ဘုရားကြီး


 
မဟာစည်ဆရာတော်ဘုရားကြီး၏ထေရုပတ္တိ
မဟာစည်ဆရာတော် အလောင်းအလျာ ဖြစ်သူကို ၁၂၆၆-ခုနှစ်၊ ဒုတိယ ၀ါဆိုလပြည့်ကျော် (၃) ရက် ၂၉-၇-၁၉၀၄ ခု သောကြာနေ့ နံနက် (၃) နာရီခန့်အချိန်၌ ရွှေဘိုမြို့ အနောက်ဘက် ခုနစ်မိုင်ကွာ ဆိပ်ခွန်ရွာ၊ ခမည်းတော် ဦးကန်တော်၊ မယ်တော် ဒေါ်အုတ်တို့မှ ဖွားမြင်တော်မူပါသည်။
ခြောက်နှစ်သား အရွယ်တွင် ဆိပ်ခွန်ရွာတောင်ဘက် ပျဉ်းမနားကျောင်း ဘုန်းတော်ကြီး အရှင်အာဒိစ္စ မထေရ်မြတ် အထံ၌ တပည့်ခံလျက် မြန်မာစာရေးစာဖတ် ပညာကို ဆည်းပူးခဲ့ပါသည်။ ၁၂-နှစ်သား အရွယ်တွင် မိဘနှစ်ပါးတို့က ရပ်ရွာထုံးစံအရ ရှင်ပြုမင်္ဂလာ အခမ်းအနားပြု၍ အရှင်အာဒိစ္စ မထေရ်ထံ၌ပင် ရှင်သာမဏေပြုလျက် ချီးမြှောက်ခဲ့ပါသည်။ ဥပဇ္ဈာယ် ဆရာတော် အရှင်အာဒိစ္စ မထေရ်မြတ်က သာမဏေငယ်၏ ဉာဏ်ပညာ အရည်အချင်းကို ချင့်ချိန်၍ ရှင်သောဘနဟု ဘွဲ့အမည် ပေးတော်မူခဲ့ပါသည်။
ဥပဇ္ဈာယ်ဆရာတော် အရှင် အာဒိစ္စမထေရ်သည် ပါဠိစာပေ အခြေခံဖြစ်စေရန် ဇာတ်ကြီးဆယ်ဘွဲ့ကို သင်စေရာတွင် ဉာဏ်ပညာ ထက်မြက်ခြင်းကို အကြောင်းပြု၍ မဟော်သဓာ ပါဠိအနက်ကို အထူးမကျက်ရတော့ဘဲ ဆရာ့အထံ၌ သင်ယူရင်းပင် နှုတ်တက် အာဂုံရလျက် ရှိခဲ့ပါသည်။ ထို့အပြင် ၀ိနည်းပါဠိတော်ကို အနက်ဖော် သင်ယူရာ၌လည်း သင်ယူရင်းပင် ထိုပါဠိတော်ကို အာဂုံနှုတ်တက် ရခဲ့ပါသည်။
၁၆-နှစ် အရွယ်တွင် ရှင်သောဘနသည် ဆရာမရှိဘဲ ဂဏန်းသချာင်္ စာအုပ်များကိုသာ ကြည့်၍ ဂဏန်းသချာင်္ကို တတ်မြောက်အောင် လေ့လာခဲ့ပါသည်။ ယင်း ဂဏန်းသချာင်္ကို တတ်မြောက်ခဲ့သောကြောင့် နောင်ကာလ ဆန်းကျမ်းကို သင်ယူစဉ် ပတ္ထရာဖြန့်နည်း (အတန့်ပျောက် ရှာနည်း) စသည်တို့ကို လွယ်ကူစွာဖြင့် သဘောပေါက်ခဲ့ ပါသည်။
၁၉-နှစ်အရွယ်တွင် ဆိပ်ခွန်ရွာ သူကြီးကျောင်း ဆရာတော် အရှင်ပရမ မထေရ်မြတ်ထံ၌ နျာသကျမ်း၊ မူလဋီကာကျမ်း စသော ကျမ်းကြီးများကို ဆိုဝါဖြင့် သင်ယူခဲ့ပါသည်။ ထိုကျမ်းတို့ကို သင်ယူသောအခါ စာအတူတက်ဖက် ရဟန်းတော်များက “နိဿယကို ကြည့်ထားသလား” ဟု မေးယူရလောက်အောင်ပင် မြင်ပင် မမြင်ဖူးခဲ့ပါ။ ထို့အပြင် ရှင်သောဘနသည် သာမဏေ ဘ၀ကပင် အခြား သာမဏေများအား သဒ္ဒါ သင်္ဂြိုဟ်စသော ကျမ်းများကို ပို့ချပေးနိုင်ခဲ့ပါသည်။
ရဟန်းဘ၀
၁၂၈၅-ခုနှစ် တန်ဆောင်မုန်း လပြည့်ကျော် (၄)ရက် (၂၆-၁၁-၂၀၀၉) ခုနှစ်၊ ဗုဒ္ဓဟူးနေ့ နံနက် (၈)နာရီခွဲ အချိန်တွင် ဦးလေးဖြစ်သူ ဦးအောင်ဘော်၊ ဒေါ်သစ်တို့၏ ပစ္စယာ နုဂ္ဂဟနှင့် ဥပဇ္ဈာယ် ဆရာတော် ထန်းစဉ်ရွာ သုမေဓာကျောင်း အရှင်နိမလမထေရ် အနုသာသကနှင့် ပထမ ကမ္မ၀ါဆရာတော် သူကြီးကျောင်းအရှင် ပရမမထေရ် စသော ဥပသမ္ပဒကံဆောင် သံဃာတော်တို့၏ ဓမ္မာနုဂ္ဂဟတို့ကို ခံယူလျက် မြင့်မြတ်သော ရဟန်းအဖြစ်သို့ ရောက်တော်မူခဲ့ပါသည်။
ရဟန်း ဖြစ်ပြီးနောက် အရှင်သောဘနသည် ပရိယတ် စာပေများကို သင်ယူ ပို့ချနေရင်းပင် ပဋိပတ်ကို လိုလားသဖြင့် ရုက္ခမူဓုတင်၊ နိသဇ်ဓုတင်၊ ပဏ္ဍိပါတ်ဓုတင်များကို လေးလပတ်လုံး ဆောက်တည်ကျင့်သုံး နေခဲ့ပါသည်။
၁၂၈၆-ခုနှစ်တွင် အစိုးရ ပထမပြန်စာမေးပွဲ ပထမငယ်တန်း၌ ၀င်ရောက် ဖြေဆိုရာ အလွယ်တကူပင် အောင်မြင်ခဲ့ပါသည်။ ၁၂၈၂-ခုနှစ်တွင် ခရီးထွက်နေရသဖြင့် စာမေးပွဲ မ၀င်ခဲ့ရပါ။ ၁၂၈၈-ခုနှစ်၌ ပထမလတ်တန်းကို လည်းကောင်း၊ ၁၂၈၉-ခုနှစ်တွင် ပထမကြီးတန်းကို လည်းကောင်း ၀င်ရောက် ဖြေဆို၍ ချောမောစွာ အောင်မြင်တော် မူခဲ့ပါသည်။ ထိုနှစ်က ဆိပ်ခွန်ရွာ၌ ကျင်းပသော ၀ိနည်း အာဂုံပြန်ပွဲ၌လည်း ၀ိနည်းငယ် လေးစောင်ကို ပြန်ဆို၍ အမြင့်ဆုံး အောင်မြင်တော် မူခဲ့ပါသည်။
၁၂၉၀-ပြည့်နှစ်၌ မန္တလေးမြို့ အနောက်ပြင် ခင်မကန်တိုက် ဖွားတော်ကျောင်းတွင် သီတင်းသုံးတော် မူလျက် ထိုခေတ်က ပရိယတ်စာပေအရာ၌ အကျော်အမော်ချည်း ဖြစ်တော်မူကြသော ချမ်းသာကြီးဆရာတော် ဦးလက္ခဏ၊ ခင်မကန်တိုက် တိုက်သစ်ဆရာတော် ဦးဣန္ဒ၀ံသာဘိဝံသ စသော ဆရာတော်များထံ၌ စာပေကျမ်းဂန် ဗဟုသုတများကို ဆက်လက်ဆည်းပူး လေ့လာခဲ့ပါသည်။ ထိုသို့ ဆည်းပူးလေ့လာနေစဉ် မော်လမြိုင်မြို့ တောင်ဝိုင်းကလေး ကျောင်းတိုက်မှ ဆရာတော်ဘုရားကြီး အရှင်အာဒိစ္စ မထေရ်မြတ်က ဖိတ်ခေါ်တော် မူသောကြောင့် ၁၂၉၁-ခုနှစ်၊ ၀ါဆိုလ၌ ထိုကျောင်းသို့ သွားရောက်ပြီးလျှင် ထို ဆရာတော် ဘုရားကြီး၏ အမိန့်အရ ထိုကျောင်းတိုက်ရှိ ရဟန်းသာမဏေတို့အား စာပေကျမ်းဂန်များကို ပို့ချ သင်ပြပေးနေခဲ့ပါသည်။
ထိုသို့ ပို့ချပေး၍ ပရိယတ္တိ သာသနာကို ပြုနေစဉ်မှာပင် သမထ ၀ိပဿနာ ပဋိပတ္တိအလုပ်များကို အားထုတ် ကျင့်သုံးလိုသောကြောင့် ၁၂၉၃-ခုနှစ် ပြာသိုလထဲတွင် အဖော်ဖြစ်သူ အရှင်တေဇိန္ဒနှင့်အတူ မော်လမြိုင် တောင်ဝိုင်းတိုက်ကျောင်းမှ ထွက်ခဲ့၍ ဇင်းကျိုက်၊ သထုံ၊ ကေလာသ မြသပိတ်တောင်၊ ကျိုက်ထီးရိုးတောင်၊ ရွှေရောင်ပြတောင်၊ ဦးအုန်းခိုင်တောကျောင်း စသည်တို့၌ နေရင်း ကမ္မဋ္ဌာန်း နည်းများကို စုံစမ်း လေ့လာပြီးနောက် သထုံမြို့၊ မင်းကွန်းဇေတ၀န် ဆရာတော်ဘုရားကြီး ထံတော်၌ သတိပဋ္ဌာန် ၀ိပဿနာ ရှုပုံကို နည်းခံကျင့်သုံးလျက် နေခဲ့ပါသည်။ နေ့ရောညဥ့်ပါ မအိပ်ဘဲ တင်းတင်းကြပ်ကြပ်လည်း အားထုတ်ခဲ့ပါသည်။ ထိုစဉ်က တစ်ရက်လုံး စကားမပြောဘဲ ကျင့်ခဲ့သော ရက်တွေသာ များခဲ့ပါသည်။
ထိုသို့ အားထုတ်နေစဉ် လေးလရှိသောအခါ မော်လမြိုင် တောင်ဝိုင်းတိုက်ကျောင်းမှ ကျေးဇူးရှင် ဆရာတော်ဘုရားကြီး အသည်းအသန် ရောဂါဖြစ်နေကြောင်း ကြားသိရသဖြင့် ၁၂၉၄-ခုနှစ် ၀ါဆိုလဆန်း ၇-ရက်နေ့တွင် သထုံမှ မော်လမြိုင်သို့ ပြန်ခဲ့ရပါသည်။ ၀ါဆိုလဆန်း ၁၄-ရက် ညဉ့်၌ တိုက်ကျောင်း ဆရာတော်ဘုရားကြီး ပျံလွန်တော်မူသဖြင့် အရှင် သောဘနသည် တောင်ဝိုင်းတိုက်ကျောင်းကို ထိန်းသိမ်း စောင့်ရှောက်နေခဲ့ရ ပါသည်။
ဇေတ၀န် ဆရာတော်ဘုရားကြီး ထံမှ သတိပဋ္ဌာန် ၀ိပဿနာ ရှုနည်းကို ပေါက်ရောက် ပိုင်နိုင်ခဲ့သော အရှင်သောဘနသည် ထိုစဉ်က ၉-၀ါမျှသာ ရှိသေးသည်ဖြစ်၍ အရွယ် ငယ်သေးသောကြောင့် ကမ္မဋ္ဌာန်းတရားကို သူတစ်ပါးတို့အား မဟောကြားသေးဘဲ မိမိကိုယ်တိုင်သာ စွမ်းနိုင်သမျှ အားထုတ် နေထိုင်ခဲ့ပါသည်။
ထိုအတောအတွင်း ဆိပ်ခွန်ရွာ၌ ညီဖြစ်သူတစ်ယောက် သေဆုံးသွားသဖြင့် သံဝေဂပွားကာ ၁၃၀၀-ပြည့်နှစ်၌ ဇာတိရပ်သို့ ခေတ္တကြွသွားရာ ခုနစ်လအထိ သီတင်းသုံးလျက် သတိပဋ္ဌာန် ၀ိပဿနာ အလုပ်တရားကို စတင်ဟောပြောခဲ့ပါသည်။ ထိုစဉ်က ဆွေမျိုးဖြစ်သူ သုံးဦး စတင် တရားအားထုတ်၍ အောင်မြင်ကြသဖြင့် အခြား လူများစွာလည်း အားထုတ်ကြ၍ ဉာဏ်ထူး၊ တရားထူးများကို ကိုယ်တွေ့ဖြစ်ကြသဖြင့် မဟာစည် သတိပဋ္ဌာန် ၀ိပဿနာ တရားတော် လုပ်ငန်းသည် စတင်၍ ထင်ရှားပေါ်လာခဲ့ပါသည်။
၁၃၀၃-ခုနှစ်တွင် ဒုတိယအကြိမ် ကျင်းပသော အစိုးရ ဓမ္မာစရိယ စာမေးပွဲ၌ ၀င်ရောက် ဖြေဆိုရာ ကျမ်းရင်း ၃-ကျမ်းနှင့် ဂုဏ်ထူး ငါးကျမ်းတို့ကို ချောမောစွာ ဖြေဆို အောင်မြင်တော် မူသဖြင့် သာသနဓဇ သိရီပ၀ရ ဓမ္မာစရိယ ဟူသော ဘွဲ့တံဆိပ်ကို ရရှိတော် မူခဲ့ပါသည်။
ဒုတိယ ကမ္ဘာစစ်ကြီးဘေးကြောင့် ၁၃၀၃-ခုနှစ် နတ်တော်လမှစ၍ ဇာတိရပ် ဆိပ်ခွန်၌ ပြန်၍နေလျက် အခွင့်သင့်သော အခါတိုင်း ၀ိပဿနာ လုပ်ငန်းတရားကို ဆက်လက်၍ ဟောကြားညွှန်ကြားရာ တစ်နှစ်ထက်တစ်နှစ် တိုးတက် ထွန်းကားလာခဲ့ပါသည်။ ထိုအခါ သီတင်းသုံးရာ ဌာနဖြစ်သော မဟာစည်ကျောင်းကို စွဲမှီ၍ အရှင်သောဘနကို မဟာစည်ဆရာတော် ဟု ခေါ်ဝေါ်ခဲ့ကြပါသည်။
ဝိပဿနာ ယောဂီ တပည့်တို့၏ တောင်းပန်ချက်အရ အရှင်သောဘနသည် ၁၃၀၅-ခုနှစ်က ယခုအခါ နာမည်ကျော်ဖြစ်သော ၀ိပဿနာ ရှုနည်းကျမ်း (ပ-ဒု နှစ်တွဲ) ကို ရေးသား ပြုစုတော် မူခဲ့ပေသည်။ စာမျက်နှာ ၉၅၀-ခန့်ရှိ ထိုကျမ်းကို ခုနစ်လ အတွင်းမှာ ရေးသားပြုစု၍ ပြီးခဲ့ပါသည်။ ယနေ့ထိ ထိုကျမ်းကို ရှစ်ကြိမ်တိုင်တိုင် ရိုက်နှိပ် ထုတ်ဝေပြီး ဖြစ်ပါသည်။
၁၃၁၁-ခုနှစ် တန်ဆောင်မုန်းလတွင် မဟာစည် ဆရာတော်ကို ရန်ကုန်မြို့ ဗုဒ္ဓသာသနာ့နုဂ္ဂဟ အဖွဲ့ချုပ်က ပင့်ဆောင်လာသဖြင့် ရန်ကုန်မြို့ သာသနာ့ရိပ်သာ၌ နတ်တော် လပြည့်မှစ၍ ၀ိပဿနာ လုပ်ငန်းတရားကို ဟောကြား ပြသတော်မူပါသည်။
မဟာစည် ဆရာတော် ဘုရား၏ စနစ်ကျသော ၀ိပဿနာ ရှုနည်းကို နှစ်ခြိုက် သဘောကျသူများ တစ်နေ့တခြား များပြားလာခဲ့ပါသည်။ စစ်ဘက်နယ်ဘက် အရာရှိများ၊ ပညာပိုင်းဆိုင်ရာ ပုဂ္ဂိုလ်များ၊ ကုန်သည် ပွဲစားများမှစ၍ လူတန်းစားမရွေး သာသနာ့ ရိပ်သာသို့ လာရောက်၍ သတိပဋ္ဌာန် ၀ိပဿနာ တရားကို အားထုတ်ခဲ့ရာ၌ ထိုသူတို့တွင် တရား၏အရသာကို ကိုင်တွယ် တွေ့ရှိသွားသူများ အမြောက်အမြား ပါဝင်ပါသည်။ ယခုအခါ အထက်အောက် မြန်မာနိုင်ငံ တစ်နိုင်ငံလုံးမှာပင် မဟာစည် သြ၀ါဒခံ ရိပ်သာပေါင်း ၂၀၀-ကျော် ရှိနေသဖြင့် တစ်နိုင်ငံလုံးမှ ပုဂ္ဂိုလ်များသည် နီးစပ်ရာ မြို့ရွာတို့၌ ရှိသော သာသနာ့ ရိပ်သာများ၌ တရားအားထုတ်ခွင့် ရခဲ့ပါသည်။ မဟာစည် ဆရာတော်၏ နည်းအတိုင်း တရားအားထုတ်ဖူးသူ မရှိသော မြို့ဟူ၍ မြန်မာပြည်၌ မရှိသေးပါ။ ဤမျှအတိုင်း မဟာစည် ဆရာတော်၏ ကမ္မဋ္ဌာန်းနည်း ပျံ့နှံ့ခဲ့ပါသည်။ ယခုအချိန်ထိ ရန်ကုန်မြို့ သာသနာ့ရိပ်သာ၌ တရား အားထုတ်ပြီးသူပေါင်း သုံးသောင်း လေးထောင်ကျော်ရှိ၍ တစ်နိုင်ငံလုံး၌ အားထုတ်ပြီးသူပေါင်း လေးသိန်းကျော် ရှိပါသည်။ သီဟိုဠ်၊ ထိုင်း၊ ကမ္ဘောဒီးယား၊ လော၊ အိန္ဒိယ၊ အင်္ဂလန်နှင့် အမေရိကန် နိုင်ငံတို့၌လည်း မဟာစည် သြ၀ါဒခံ ရိပ်သာပေါင်း များစွာနှင့် ယောဂီပေါင်းများစွာ ရှိနေပါသည်။ ထို့ကြောင့် မဟာစည် ဆရာတော်သည် သိန်းပေါင်းများစွာသော ပုဂ္ဂိုလ်တို့အား ဗုဒ္ဓတရားတော်၏ တရားအရသာကို တိုက်ကျွေး ဝေငှနေသော ကျေးဇူးရှင် ပုဂ္ဂိုလ်ကြီးအဖြစ် မှတ်တမ်းတင်ရမည့် ဆရာတော် ဖြစ်ပါသည်။
မဟာစည်ဆရာတော် ဘုရားကြီး၏ သာသနာပြု လုပ်ဆောင်ချက်များ
၁၃၁၃-ခုနှစ်တွင် ပြည်ထောင်စု သမ္မတ မြန်မာနိုင်ငံတော် အစိုးရက မဟာစည် ဆရာတော် ဘုရားကြီး၏ ပရိယတ္တိဂုဏ်၊ ပဋိပတ္တိ ဂုဏ်ကျေးဇူးတို့ကို အသိအမှတ် ပြုသည့်အနေဖြင့် ဆရာတော်အား အဂ္ဂမဟာပဏ္ဍိတ ဘွဲ့တံဆိပ်တော်ကို ဆက်ကပ် ပူဇော်ခဲ့ပါသည်။
၁၃၁၄-ခုနှစ်မှ စ၍ မြန်မာနိုင်ငံ၌ ဆဋ္ဌသင်္ဂါယနာ ကိစ္စများ စတင်ဆောင်ရွက် ခဲ့ကြပါသည်။ ဆဋ္ဌသင်္ဂါယနာကို ၁၃၁၆-ခုနှစ်မှ ၁၃၁၈-ခုနှစ်အထိ ပါဠိတော် သင်္ဂါယနာအဖြစ် လည်းကောင်း၊ ၁၃၁၈-ခုနှစ်မှစ၍ အဋ္ဌကထာ၊ ဋီကာသင်္ဂါယနာ အဖြစ်လည်းကောင်း ကျင်းပခဲ့ကြပါသည်။ မဟာစည် ဆရာတော်သည် ထိုသင်္ဂါယနာ လုပ်ငန်းကြီးတွင် ၁၃၁၄-ခုနှစ်မှ စ၍ ပဓာနကျသော နေရာများ၌ ပါဝင်ဆောင်ရွက်တော် မူခဲ့ပါသည်။ သင်္ဂါယနာတင်မည့် ပါဠိတော်၊ အဋ္ဌကထာ၊ ဋီကာတို့ကို ရိုက်နှိပ်ရာတွင် နောက်ဆုံး ကြည့်ရှုသုတ်သင် ပြင်ဆင်ရသော တာဝန်ကို အခြား ဆရာတော်များနှင့်အတူ ဆောင်ရွက်တော် မူခဲ့ပါသည်။ သင်္ဂါယနာတင်ရာ၌ ထိုထိုသုတ် စသည်တို့ ဘုရားဟော အစစ်အမှန် ဟုတ်မဟုတ် မေးစိစစ်ရ၊ ဖြေရသည့်လုပ်ငန်းလည်း အရေးတကြီး ပါဝင်ခဲ့ရာ ပထမသင်္ဂါယနာ တင်စဉ်က အရှင်မဟာ ကဿပ မထေရ်မြတ်ကြီးသည် မေးစိစစ်သော တာဝန်ကို ယူခဲ့ရပါသည်။ ထို မထေရ်မြတ်ကြီးနည်းတူ မဟာစည် ဆရာတော်သည် ဆဋ္ဌသင်္ဂါယနာ သဘင်ပွဲကြီး၌ မေးစိစစ်ရသော တာဝန်ကို ထမ်းဆောင်တော် မူခဲ့ရပါသည်။ ထို့နောက် အဋ္ဌကထာ ဋီကာတို့ကို သင်္ဂါယနာ တင်ရာ၌ စိစစ် လျှောက်ထားရသော တာဝန်ကိုလည်း ထမ်းဆောင်ခဲ့ပါသည်။ အဋ္ဌကထာ သင်္ဂါယနာ၌ မဟာစည် ဆရာတော်၏ စိစစ်လျှောက်ထားချက် တို့ကို နိုင်ငံတော် ဗုဒ္ဓသာသနာအဖွဲ့က “သင်္ဂါယနာ စိစစ်ခန်း” အမည်ဖြင့် စာအုပ် ရိုက်နှိပ်ထုတ်ဝေပြီး ဖြစ်ပါသည်။
မဟာစည် ဆရာတော်ဘုရားသည် ၁၃၁၁-ခုနှစ်၌ အဓိပ္ပါယ် ဖွင့်ဆိုချက်တို့ဖြင့် ဝေေ၀ဆာဆာ ရှိလှသော မဟာသတိပဋ္ဌာနသုတ် နိဿယကို ရေးသားတော် မူခဲ့ပါသည်။ ဆဋ္ဌသင်္ဂါယနာ တင်နေစဉ်အတွင်း ၀န်ဆောင်သံဃာအဖွဲ့၏ တာဝန်ပေးချက်အရ (ဆရာတော်သည် ၀န်ဆောင်သံဃာ အဖွဲ့ဝင်လည်း ဖြစ်ပါသည်) ၀ိသုဒ္ဓိမဂ်ကျမ်း၏ နိဒါန်းကျယ်ကြီးကို ပါဠိဘာသာဖြင့် ရေး၍ ဆဋ္ဌသင်္ဂါယနာ ၀န်ဆောင်သံဃာအဖွဲ့အား တင်ပြရာ ယင်းအဖွဲ့ကြီးက နုတ်ပယ် ဖြည့်စွက်ခြင်း မရှိဘဲ လက်ခံအတည်ပြု၍ ထုတ်ဝေဖြန့်ချိ စေခဲ့ပါသည်။ ၀ိသုဒ္ဓိမဂ္ဂ နိဒါနကထာဟု ခေါ်သော ထိုပါဠိနိဒါန်းကြီးကား မဟာစည် ဆရာတော်၏ ပါဠိအရေးအသား စွမ်းရည်နှင့် အထွေထွေဗဟုသုတ ကြွယ်ဝပုံကို ထင်ရှားစေသော ကျမ်းဖြစ်ပြီး တိုင်းတစ်ပါးသား ပါဠိစာပေ ပညာရှင်တို့ကပင် ချီးကျူးအပ်သော ကျမ်းကြီးဖြစ်သည်ဟု သိရပါသည်။
၁၃၂၂-ခုနှစ်မှ စ၍ မဟာစည် ဆရာတော်သည် ၀ိသုဒ္ဓိမဂ်ကျမ်းကို ပို့ချရင်း ၀ိသုဒ္ဓိမဂ် မဟာဋီကာ နိဿယကျမ်းကြီးကို ရေးသားပြုစုတော် မူခဲ့ပါသည်။ ၀ိသုဒ္ဓိ မဟာဋီကာ ကျမ်းကြီးကား သမယန္တရဟုခေါ်သော ဟိန္ဒူဒဿန ရေးရာများကို ထည့်သွင်းရည်ညွှန်း ဝေဖန်ထားသော ကျမ်းဖြစ်၍ အချို့နေရာတို့၌ အနက်သိရန်ပင် ခက်ခဲလှသော ဋီကာဖြစ်ပါသည်။ မဟာစည် ဆရာတော်သည် သက္ကတဘာသာ၊ အင်္ဂလိပ် ဘာသာတို့ဖြင့် ရေးသားထားသော သက်ဆိုင်ရာ ဖီလိုဆိုဖီခေါ် ဒဿနကျမ်းများကို ပိုင်နိုင်အောင် ကြည့်ရှုလေ့လာပြီးမှ ၀ိသုဒ္ဓိမဂ် မဟာဋီကာ နိဿယကျမ်းကြီးကို ရေးသားတော် မူခဲ့ခြင်း ဖြစ်ပါသည်။ ထိုနိဿယ ကျမ်းကြီးသည် စာမျက်နှာ ငါးရာခန့်ရှိ စာအုပ်ကြီး (၄)အုပ် ရှိသည်အထိ ကျယ်ဝန်းပါသည်။ ၀ိသုဒ္ဓိမဂ် မြန်မာပြန်ကျမ်းကိုလည်း ဆရာတော်သည် ၁၃၂၃-ခုနှစ်မှစ၍ ရေးသားခဲ့ပါသည်။ ထိုကျမ်းလည်း စာမျက်နှာ ငါးရာကျော်ရှိ စာအုပ်ကြီး (၄)အုပ်အထိ ကျယ်ဝန်းပါသည်။
ထို့အပြင် မဟာစည် ဆရာတော် ဟောကြား ပြုစုတော်မူသော ၀ိပဿနာ အခြေခံတရားတော်၊ အရိယာဝါတရားတော်၊ ပဋိစ္စသမုပ္ပါဒ် တရားတော်၊ ဓမ္မစကြာသုတ် တရားတော်၊ အနတ္တလက္ခဏသုတ် တရားတော် စသော ၀ိပဿနာဆိုင်ရာ တရားတော် စာအုပ်များလည်း ယခုအခါ များစွာပင် ထွက်ပေါ်လျက် ရှိနေပါသည်။
မဟာစည် ဆရာတော်ဘရားသည် ထိုင်း၊ ကမ္ဘောဒီးယား၊ သီဟိုဠ်၊ အိန္ဒိယ၊ ဂျပန်၊ အင်ဒိုနီးရှား နိုင်ငံများသို့ သာသနာရေး မစ်ရှင် အဖွဲ့ဝင်အဖြစ် လည်းကောင်း၊ သာသနာပြု ဆရာတော် အဖြစ်ဖြင့် လည်းကောင်း ကြွရောက်၍ သာသနာပြုတော် မူခဲ့ပါသည်။ အင်ဒိုနီးရှား သာသနာပြုအကြောင်း ဆရာတော် ရေးသားသည့် “အင်ဒိုနီးရှား သာသနာပြုဆိုင်ရာ ခရီးသွားမှတ်တမ်း” လည်း ၁၃၂၁-ခုနှစ်က ပေါ်ထွက်ခဲ့ပါသည်။
ဆရာတော်ဘုရားကြီး ဟောကြား ပြသတော်မူခဲ့သော သတိပဋ္ဌာန် ၀ိပဿနာ ရှုမှတ်နည်းသည် အလွန်ပင် လွယ်ကူ ရှင်းလင်းခြင်း၊ လျှင်မြန်စွာ တရားထူး ရရှိခြင်းတို့ကြောင့် ကမ္ဘာ့နိုင်ငံများသို့ ပျံ့နှံ့ ကျော်ကြားလျက် ရှိပါသည်။ ထေရ၀ါဒ နိုင်ငံများ ဖြစ်သော သီဟိုဠ် (သီရိလင်္ကာ)၊ ထိုင်း၊ ကမ္ဘောဒီးယား၊ လောနိုင်ငံနှင့် ဂျပန်၊ ကိုရီးယား၊ တရုတ်နိုင်ငံများ၊ အင်္ဂလန်နိုင်ငံ၊ အမေရိကန်နှင့် ဥရောပ နိုင်ငံများသို့လည်း ပြန့်ပွားလျက် ဆရာတော် ဘုရားကြီး၏ ၀ိပဿနာ ရှုမှတ်နည်းဖြင့် တရားရိပ်သာ အမြောက်အမြား ရှိနေပြီ ဖြစ်ပါသည်။ မဟာစည် ဆရာတော် ဘုရားကြီးသည် သိန်းပေါင်းများစွာသော ပုဂ္ဂိုလ်တို့အား ဗုဒ္ဓ၏ တရားအရသာများကို တိုက်ကျွေးတော် မူခဲ့သော ကျေးဇူးရှင် မထေရ်မြတ်ကြီးအဖြစ် မှတ်တမ်းတင်ထားသော ဆရာတော်ကြီး ဖြစ်ပါသည်။
ဤသို့လျှင် ကျမ်းဂန် အမျိုးမျိုးတို့ကို ရေးသားတော်မူခြင်း၊ ဆဋ္ဌသင်္ဂါယနာ၌ တစ်ရာကျော်သော ပါဠိတော်၊ အဋ္ဌကထာ၊ ဋီကာကျမ်းစာတို့ကို အဆုံးသတ် သုတ်သင် ပြင်ဆင်တော် မူခြင်း၊ ဆဋ္ဌသင်္ဂါယနာ၌ ပုစ္ဆက (အမေး) ဆရာတော်၊ အဋ္ဌကထာ စိစစ်ခဏ်း ဆရာတော်အဖြစ် ဆောင်ရွက်တော် မူခြင်း၊ သာသနာတော် သန့်ရှင်း ပြန့်ပွားရေးအတွက် နိုင်ငံတော် သြ၀ါဒစရိယအဖြစ် ဆောင်ရွက်တော် မူခြင်းတို့ဖြင့် သာသနာ့တာဝန်ကို ကျေပြွန်စွာ ထမ်းဆောင်တော် မူခဲ့သော၊ ကမ္ဘာအနှံ့ သတိပဋ္ဌာန် ၀ိပဿနာ ပဋိပတ္တိသာသနာပြု မထေရ်မြတ် ဖြစ်တော်မူသည့် ကျေးဇူးရှင် အဂ္ဂမဟာပဏ္ဍိတ မဟာစည်ဆရာတော် အရှင်သောဘန မထေရ်မြတ်သည် သက်တော် (၇၈)နှစ်၊ သိက္ခာတော် (၅၈) ၀ါအရ (၁၃-၈-၁၉၈၂) ခုနှစ်တွင် ရန်ကုန်မြို့၊ မဟာစည် သာသနာ့ရိပ်သာ၌ စံလွန်တော် မူခဲ့ပါသည်။
မူရင်းhttp://www.mahasidhamma.com
Posted by Mg Chan Nyein Win

ပဏ္ဍိတာရာမ ရွှေတောင်ကုန်းသာသနာ့ ရိပ်သာ ဆရာတော်ကြီး

 
ကျေးဇူးတော်ရှင် ပဏ္ဍိတာရာမ
ရွှေတောင်ကုန်းသာသနာ့ ရိပ်သာ ဆရာတော်ကြီး

သည် ကောဇာသက္ကရာဇ် ၁၂ဝ၃ ခုနှစ် ဝါဆိုလပြည့်ကျော် ၉ ရက်(ခရစ်နှစ် ၁၉၂၁ ခုနှစ် ဇူလိုင်လ ၂၈ ရက်) ကြာသပတေးနေ့တွင် ရန်ကုန်မြို့ တံတားကလေးကျေးရွာ ရွှေဘိုစု၌ ခမည်းတော် ဦးဖေ၊ မယ်တော် ဒေါ်ချစ်စုတို့မှ ဖွားမြင်ခဲ့သော နဝမ သားရတနာ ဖြစ်ပါသည်။

ခုနစ်နှစ်သားအရွယ်တွင် ပဲခူးကော့ချဲကျေးရွာ ကျောင်းဆရာတော် အရှင်ဇာဂရ ထံတွင် ပညာစတင် သင်ယူကာ ကျောင်းသားအရွယ်ကပင် ကဝမြို့နယ် အုန္နဲရွာ ဒက္ခိဏာရုံရွှေကျင်တိုက် ပရိယတ္တိအာဂုံစာပြန် ပွဲတွင် ပထမငယ်နှင့် ပထမလတ်
တို့ကို ပြန်ဆိုအောင်မြင် တော်မူခဲ့သည်။

(၁၂)နှစ်သားအရွယ်တွင် ဆရာတော်အရှင် ဇာဂရထံ၌ပင် ရှင်သာမဏေ အဖြစ်သို့ ရောက်တော်မူ သည်။ အသက်(၁၈)နှစ်အရွယ်တွင် ပဲခူးကျောက် တန်းရွာ မဟာဗောဓိတောရ ဆရာတော်ကြီး အရှင်ကေလာသ မဟာထေရ် ထံရောက်ရှိကာ နေ့ဝါ ညဝါဆိုင်ရာ ကျမ်းစာများ ဆက်လက် သင်ကြားရင်း
ကျောက်တန်း မဟာဗောဓိတောရတိုက် ပရိယတ္တိ အာဂုံစာပြန်ပွဲ တွင် ပထမကြီးတန်းကို ပြန်ဆိုအောင်မြင် တော်မူခဲ့သည်။

သက်တော်(၂ဝ)ပြည့်သောအခါ ၁၃ဝ၂ ခုနှစ် တပို့တွဲလဆန်း ၈ ရက်နေ့ တွင် ကျောက်တန်းရွာ ဦးဘိုဟန်-ဒေါ်သောင်းတို့၏ ပစ္စယာနုဂ္ဂဟကို ခံယူလျက် မဟာဗောဓိတောရတိုက် ခဏ္ဍသိမ်တော်ကြီး၌ မဟာ ဗောဓိတောရ ဆရာတော် ကို ဥပဇ္ဈာယ်ပြု၍ ရဟန်း အဖြစ်သို့ ရောက်တော်မူသည်။

ဒုတိယကမ္ဘာစစ်ပြီးကာလတွင် သင်္ဃန်းကျွန်း ကျိုက္ကစံ ရွှေကျင်တိုက်သစ်တွင် အကူစာချဆရာတော် အဖြစ် စာပေပို့ချရင်း ၁၃ဝ၈ ခုနှစ် သက်တော် (၂၆)နှစ်တွင် ရှေးဦးအစ ကျင်းပသော ပါဠိပထမပြန်စာမေး ပွဲတွင် ပထမလတ်တန်း ကို အောင်မြင်တော်မူခဲ့သည်။ ၁၃ဝ၉ ခုနှစ် သက်တော် (၂၇)နှစ်တွင် ပထမကြီးတန်း ကိုလည်းကောင်း၊ စေတိယင်္ဂဏ ပရိယတ္တိသီးခြား စာသင်တန်းကိုလည်းကောင်း အောင်မြင် တော်မူခဲ့ပါသည်။

၁၃၁ဝ ခုနှစ် သက်တော်(၂၈)နှစ်တွင် မန္တလေး မဟာ ဝိသုဒ္ဓါရုံတိုက်သစ်၌ ဇီးပင်ဆရာတော် အရှင်သုဇာတထေရ် ကို မှီခိုလျက် ဆရာမြတ်များထံမှ စာချတန်းဆိုင်ရာ အထက်တန်းပါဠိ အဋ္ဌကထာ ဋီကာတို့ကို လေ့လာဆည်းပူး ခဲ့သည်။ ရန်ကုန်မြို့ ဘုရားကြီးတိုက်မှ လည်းကောင်း၊ ဆရာ ဦးအောင်မြတ်ထွဋ် ထံမှ လည်းကောင်း၊ သံလျင်သပြေကန် ဓမ္မိကာရာမတိုက် အရှင်ဝါသေဋ္ဌာ ဘိဝံသထံမှ လည်းကောင်း စာချတန်းဆိုင်ရာ နည်းနာနိဿယ တို့ကို လေ့လာ ဆည်းပူး တော်မူခဲ့ပါသည်။

သက်တော် (၃ဝ)အရွယ် ၁၃၁၃ ခုနှစ်တွင် သိရီပဝရ ဓမ္မာစရိယတန်းနှင့် သာသနဓဇ သိရီပဝရ စာချတန်းကို ဖြေဆိုအောင်မြင်ခဲ့ပါသည်။
၁၃၁၄ ခုနှစ် သက်တော်(၃၁)နှစ်တွင် စေတိယင်္ဂဏ စာချတန်းကို ပထမဖြင့် ဖြေ ဆိုအောင်မြင်တော်မူခဲ့ပါသည်

၁၃၁၆ ခုနှစ် သက်တော်(၃၃)နှစ်တွင် စာချရင်း ဆဋ္ဌသင်္ဂါယနာတင်ကိစ္စ၊ ပါဠိဝိသောဓက ကိစ္စတို့ကိုလည်း ဆောင်ရွက်တော်မူခဲ့ပါသည်။ ၁၃၁၇ ခုနှစ်တွင် သတိ ပဋ္ဌာန်ဝိပဿနာလုပ်ငန်းကို ဆက်လက် လေ့လာ ဆည်းပူး ရန် ကျေးဇူးတော်ရှင် မဟာစည်ဆရာတော်ကြီးထံသို့ရောက် လာပြီး ဆရာတော်ကြီးပေးအပ်သော တာဝန်တို့ကို ဆောင်ရွက်တော်မူခဲ့သည်။

၁၃၂ဝပြည့်နှစ် သက်တော် (၃၇) နှစ်တွင် သီဟိုဠ်နိုင်ငံ ကိုလံဘိုမြို့၌ ကမ္မဋ္ဌာန်းဌာနသစ်ဖွင့်ရန် ကျေးဇူးတော်ရှင် မဟာစည်ဆရာတော်ကြီးသည် ဆရာတော်အား ခေါ်ဆောင် သွား၍ ဆရာတော်သည် မဟာစည် ဆရာတော် ဘုရားကြီး၏ သြဝါဒတော်အတိုင်း (၃)နှစ်နီးပါး ပဋိပတ္တိ သာသနာပြု လုပ်ငန်းကို ဆောင်ရွက်ခဲ့ပါသည်။ ထို့နောက် ကျန်းမာရေး မပြည့်စုံသဖြင့် မဟာစည်တော်ဘုရားကြီးထံ ပြန်လာခဲ့ပြီး ပရိယတ္တိ ပဋိပတ္တိ နည်းနာနိဿယများ ကို ဆက်လက် ဆည်းပူးရင်း တရားအားထုတ်ရန် လာရောက်သော ယောဂီ များကို ဟောကြားညွှန်ပြဆုံးမပေးခဲ့ပါသည်။

၁၃၄ဝ ခုနှစ် (ခရစ်နှစ် ၁၉၇၉ခုနှစ်)တွင် မဟာစည် သာသနာ့ရိပ်သာ၌ နာယကဆရာတော် တစ်ပါးအဖြစ် တာဝန်ယူဆောင်ရွက်ခဲ့ပြီး ၁၉၈၂ ခုနှစ် မဟာစည် ဆရာတော်ကြီး စံလွန်တော်မူသွားသောအခါ သြဝါဒါ စရိယ ဆရာတော်အဖြစ် (၈)နှစ်တာမျှ သာသနာ့ဝန်ကို ကြိုးပမ်းဆောင် ရွက်တော် မူခဲ့ပါသည်။

၁၃၅၂ခုနှစ် (၁၉၉ဝ ပြည့်နှစ်) သက်တော်(၆၈)နှစ် တွင် အမှတ်(၈ဝ-က) သံလွင်လမ်း ဗဟန်းမြို့နယ်တွင် တည်ရှိသော ပဏ္ဍိ တာရာမ ရွှေတောင်ကုန်း သာသနာ့ ရိပ်သာကို စတင်တည်ထောင်တော်မူခဲ့ပြီး အနာဂတ် သာသနာရေး အတွက်ပါ အမြော်အမြင်ကြီးစွာဖြင့် ပရိယတ် မကင်းသော ပဋိပတ်၊ ပဋိပတ် မကောင်းသော ပရိယတ် သာသနာပြုလုပ်ငန်းကို ဗုဒ္ဓနည်းကျ မဟာစည် ဆရာတော် ကြီး၏ သြဝါဒတော်အတိုင်း စဉ်ဆက်မပြတ် ဆောင်ရွက် ခဲ့ပါသည်။

၁၃၆၉ ခုနှစ်(၂ဝဝ၇ခုနှစ်) သက်တော်(၈၆)နှစ်တွင် နှလုံးခွဲစိတ် ကုသမှု ခံယူပြီးနောက် ပြည်တွင်းသာမက ပြည်ပ နိုင်ငံများဖြစ်ကြသည့် အမေရိကန်၊ ထိုင်ဝမ်၊ နီပေါ၊ စင်ကာပူနိုင်ငံများသို့ပါ ကြွရောက်ကာ ဓမ္မဂုဏ် ရည်များ ပြသပေးခဲ့ပါသည် ။ ပြည်တွင်းတွင် ရန်ကုန်၊ ပဲခူး၊ ဆယ်မိုင်ကုန်း၊ သန်လျင်၊ ထောက်ကြန့်၊ လှည်းကူး၊ မော်လမြိုင်၊ ပြင်ဦးလွင် ရိပ်သာခွဲ များရှိလာပြီး ပြည်ပတွင် နီပေါ၊ သြစတြေးလျ၊ ကိုရီးယား၊ အင်္ဂလန်၊ အမေရိက၊ ကနေဒါ၊ မလေးရှား၊ စင်ကာပူနှင့် ထိုင်ဝမ် ရိပ်သာခွဲများ ရှိလာကာ ဓမ္မအလင်းများ ဖြန့်ဝေပေးလျက်ရှိပါသည်။

ဆရာတော်ကြီးသည် အနာဂတ်မျိုးဆက်သစ်များ အတွက် တော်ဖို့ထက် လူကောင်း၊ လူမွန်လေးများ ဖြစ်လာကြစေရန် ဗုဒ္ဓအဆုံးအမ၊ ဗုဒ္ဓယဉ်ကျေးမှုတို့ ကိန်းအောင်းကျင့်သုံးလာစေရန်အတွက် နွေရာသီ တစ်လတာ ဗုဒ္ဓယဉ်ကျေးမှု အခြေပြုသင်တန်းကိုလည်း ယခုနှစ်တွင် (၂၆)ကြိမ်တိုင်တိုင် စဉ်ဆက်မပြတ် ဖွင့်လှစ် သင်ကြားပြသဆုံးမပေးခဲ့ပါသည်။ ၁၃၆၄ခုနှစ် (၂ဝဝ၂ ခုနှစ်)မှစ၍ ဝါတွင်းကာလများတွင်လည်း အပတ်စဉ် ဥပုသ်နေ့တိုင်း ကျောင်းသား လူငယ်များအတွက် ဗုဒ္ဓယဉ်ကျေးမှုများ သင်ကြားပြသပေးတော်မူခဲ့ပါ သည်။

ကျေးဇူးတော်ရှင် ပဏ္ဍိတာရာမ ရွှေတောင်ကုန်း ဆရာတော်ကြီးသည် ပရိယတ်မကင်းသော ပဋိပတ်၊ ပဋိပတ်မကင်းသော ပရိယတ်သာသနာကို အားသွန် ခွန်စိုက်ပြုရင်း သက်တော်(၉၅)နှစ် ဝါတော်(၇၅)ဝါ အရွယ် ကောဇာ သက္ကရာဇ် ၁၃၇၇ခုနှစ်၊ တန်ခူးလဆန်း ၉ ရက်၊ သင်္ကြန်အတက်နေ့၊ စနေနေ့ (ခရစ်နှစ် ၂ဝ၁၆ ခုနှစ် ဧပြီလ ၁၆ ရက်)တွင် ထိုင်းနိုင်ငံ ဗန်ကောက်မြို့ ဘာမွန် ဂတ် အပြည်ပြည်ဆိုင်ရာဆေးရုံကြီး (Burmungard International Hospital) တွင် ဗန်ကောက်မြို့ စံတော်ချိန် နံနက် ၈ နာရီ ဝ၅ မိနစ် (မြန်မာစံတော်ချိန် နံနက် ၇ နာရီ ၃၅ မိနစ်)၌ ဘုရားရှင်ပင် မလွန်ဆန် နိုင်သော အနိစ္စ သဘောနှင့်တွေ့ ရ၍ ခန္ဓာဝန် ချုပ်ငြိမ်းကာ စံလွန်တော်မူခဲ့ပါသည်။

thithtoolwin.com

ဝေဘူဆရာတော်ဘုရားကြီး

 
ကျေးဇူးရှင် ဝေဘူဆရာတော်ဘုရားကြီး၏ ထေရုပတ္တိ အကျဉ်း
ဆရာတော်လောင်းလျာမှာအင်းကြင်ပင်ရွာ-ဦးလူဖေ၊ဒေါ်ကြင်နုတို့ မှ ၁၂၅၇ ခုနှစ်တပေါင်းလဆန်း၆ရက် တနင်လာနေ. နံနက် လေးချက်တီးကျော်မွေးဖွားခဲ.သည်။ ကျေးလက်တောရွာတွင်ကံက ပစ်ချခဲ.သော်လည်း ဆရာတော်ကားမင်းဆွေစိုးမျိုးဖြစ်ဧ။်။ ဆရာတော်ဧ။် အဘွား(ဦးလူဖေဧ။်မိခင်)ကား အိမ်ရှေ့စံမိဖုရား တစ်ပါးဖြစ်ဧ။်။ ခင်ခင်ဟုခေါ်သည်။
ဆရာတော်ဧ။် အဘိုးဦးကူးကားဘဏ္ဍ၀န်ဖြစ်သည်။ယခုအင်းကြင်ပင်မြောက်ဘက် ကျောင်းကြီးဒကာဖြစ်သည်။ ၁၂၇၇ ခုနှစ်တွင်ရဟန်းဖြစ်၍ ၁၂၈၀-၈၁ ခုနှစ်များ မန်းတလေးမစိုးရိမ်ဆရာတော် အဘိစဇ မဟာရဠဂုရု ထံပညာသင်ကြားခဲ.ဧ။်။ ၁၂၈၅ ခုနှစ်အထိ အင်ကြင်ပင်ကျောင်းတွင်ပင် နေပြီး ထိုနှစ်နယုန်လ တောထွက်တော်မူသည်။
မယ်တော်ကြီးဒေါ်ကြင်နုမှာ ကျောင်းပွဲဘုရားပွဲရှိတိုင်း တောင်ဝှေးတစ်ချောင်းဖြစ် ကျောင်းသို.လာရာ လာတိုင်းပင် ငို၍ပြန်ရဧ။်။ သတင်းအစအနမျှ စုံစမ်းမရသဖြင်. တစ်နှစ်အကြာ သားသောကဖြင်.ပင် ကွယ်လွန်ရရှာဧ။်။
၁၂၈၅ ခုနှစ်တစ်ဝါ ရွှေဘိုမြို. ပုသိမ်တောရ ဆရာတော်ထံနေ၍ ၀ါကျွတ်လျှင် မင်းဘူး ရွှေစက်တော်မှစ၍ တောတောင်အနှံ. ကြွရောက်တော်မူသည်။ ထိုနှစ်ကုန်ခါနီးမှာပင် ကျောက်ဆည်ဝေဘူလတောင်ဝှမ်း အင်္ဂလ်ိပ်သင်္ချိုင်းအနီးရှိ လျှိုမြောင်အကြားတွင် သီတင်းသုံးဧ။်။ ကျောက်ဂူတစ်ခုလည်းရှိသည်။ တစ်နေ.သောအခါ ဟင်းရွက်ခူး ထင်းခွေသူများက ဂူထဲတွင် မကျန်းမာ၍ လဲနေသည်ကို တွေ.ရမှာအစ ဆေးဝါးကုသကာ ဆန်စက်သူဌေးဦးပျော.က နေ.ချင်းပြီး
ကျောင်းငယ်တစ်ဆောင် ဆောက်လှူကိုးကွယ်သည်။
ကျောင်းဆောက်လှူရန် လျှောက်သော်လည်း ခုနှစ်ရက်တိုင်တိုင်ခွင်.မပြု ကပ်မိုးကပ်ကာနှစ်ခန်းကျောင်းကလေးဆောက်လှူပြီးသော်လည်း အရက်နှစ်ဆယ်ခန်. ကျောင်းဒကာအား စကားမပြော။ တို.များကိစ္စမပြီးခင် လူတွေက ၀ိုင်းအုံလိုက်နေလို. ပုန်းစရာတောင် မရှိတော.ဘူးဟု မိန်.တော်မူဧ။်။
ထိုတောထွက်သော နှစ်၊လ၊ပိုင်း အတွင်းတွင်ပင် တတိယအဆင်.အထိပြီးစီးတော်မူဟန်ရှိသည်။အဲဒါတော. မကြာဘူးဟဲ. ဟူ၍သာ မိန်.တော်မူဧ။်။အနာဂမ်အဖြစ်နှင်.ကား နှစ်ပေါင်းမျာစွာ ကြာလွန်နေရဟန် တူလေသည်။ အဘိညာဉ် ကိစ္စများလည်းတစ်ပါးတည်း ပြီးပြည်.စုံမူကြောင်း အထောက်အထားများစွာရှိဧ။်။ ထိုအချိန်မှစ၍ကျိန်းစက်သည်ကိုလည်းမတွေ.ရ။ရာသီဥတုကြောင်.နှာစေးခြင်းမရှိဟုဆိုကြသည်
ဦပျော.ကားဘုန်းကြီး ထွက်သွားမည်စိုးသဖြင်. အထူးဂရုစိုက်နေဧ။်။ ၁၂၈၉ ခုနှစ် သတင်းစကားအရ ခမည်းတော်ရောက်လာဧ။်။ ရဟန်းပြုပေးပြီးနောက်ခမည်းတော် ဦးပဥွင်းကြီးနှင်.အတူအင်ကြင်းပင်သို.ပြန်ကြွရသည်၊ ထိုအချိန်မှစ၍ ကျောက်ဆည်နှင်.အင်ကြင်းပင်ခြောက်လစီ သီတင်းသုံးသည်။ ၁၃၁၂ ခုနှစ်မှစ၍ ရွှေဘိုတွင် အောင်မြေရိပ်သာ ဖွင်၍ နှစ်လခန်. သီတင်းသုံးသည်။
ဆရာတော်ကား ဓုတင် တစ်ဆယ်.သုံးပါးကို အခါအားလျော်စွာ ဆောင်တော်မူဧ။်။ အာနာပါနကမ္မဋ္ဌာန်းကို ပင်တိုင်ကမ္မဋ္ဌာန်းအဖြစ် ရှုပွားတော်မူပါသည်။ ကျောက်ဆည်ပတ်ဝန်းကျုင်၌် ရဟန်းဆယ်.နှစ်ဝါလောက်မှစ၍ ဆရာတော်ဧ။် သတင်းမှာ သင်းပျံ.စပြုလျက်ရှိပါသည်။ ကျောက်ဆည်မြို. ဖောင်ရွာဆန်စက်ပိုင်ရှင် သူဌေးဦးပျော. ဇနီးဒေါ်မြင်. ခဲအိုဦးချက်နှင်. သားမက်တော်သူ ဦးကြောင်နှင်. ဦးလှကျော်တို့ မှစ၍ ကျောက်ဆည်မြို.သူမြိုသားများ ပူဇော်ခွင်.ရခဲ.ကြပါသည်။ ဦးပျော.က ကျောင်းဆောက်လှူခွင်.ပြုရန် အတန်တန်လျှောက်၍ လက်ခံတော်မူရကာ ကျောင်းပြီးသောအခါ -ဒကာကျောင်းကတယ်ကျယ်ဝန်းသကိုး၊ကျုပ်က ခပ်ကျဉ်းကျဉ်း လိုတာပါ ဟုမိန်.တော်မူဧ။်။
စင်စစ်ကျောင်းမှာ လေးတိုင်စင်သာသာမျှသာ ရှိပါသည်။
ဆရာတော်သည် ဓုတင်တစ်ဆယ်.သုံးပါးလုံးကို ဆောင်တော်မူရာ ကမ္မဋ္ဌာန်းအလုပ်ခွင်အတွက်တွန်းအားအကောင်ဆုံးဖြစ်သော နေသဇ်ဇိကင်္ဂဓုတင်ကိုမူ အထူးရှေ.တန်းတင်၍ ဆောင်တော်မူသည်။နည်းခံတပည်.များကိုလည်း အထူးတိုက်တွန်း ပြညွှန်တော်မူ လေ.ရှိပါဧ။်။
ထိုဓုတင်အကျင်.မှာ လူသာမန်အမြင်၌် ပြင်းထန်လွန်းသည်၊ကျန်းမာရေးချို.တဲ.လေမည်လားစသည်ဖြင်.ထင်ဖွယ်တွေးဖွယ်ရှိသော်လည်း ဆရာတော်ကမူ အရှင်မဟာကဿပ အရှင်ဗာကုလ စသည်တို့ ကိုထောက်ပြကာ ပို၍ပင် ကျန်းမာသက်ရှည်နိုင်ကြောင်း ရဲရဲကြီးတိုက် တွန်းတော်မူပါသည်။ အာမခံချက်ပေးတော်မူပါသည်။ စံနမူနာလည်းပြတော်မူပါသည်။ “ဘုရားဆုံးမတာက ဆင်းရဲအောင် မဆုံးမဘူး၊ ချမ်းသာအောင်ချည်းပဲ၊ကိုယ်ကသာထင်ချင်သလို ထင်နေတာ။” တစ်ရက် (၂၄-နာရီ) ပြည်.သွားပြီဆိုတော. ကောင်ကောင်းလှလှကြီးသိပါလိမ်.မယ်၊ တချို.အားထုတ်တာ အနှစ်လေးငါးဆယ်ရှိပြီလို.ပြောကြတယ်၊ သေသေချာချာစိစစ်ပြီး ကြည်.ပါ၊ တစ်ရက်ပြည်. ရက်လား။ နေ.တိုင်းအိပ်နေတယ်၊ ဘာဖြစ်လို့ အိပ်ရေးမ၀ကြတာလဲ။ အိပ် ရေးဝအောင် လုပ်တာမှမဟုတ်ပဲ။ အိပ်ချင်ရင် မအိပ်ချင်တဲ.နေရာ ရှိတယ်။ အဲဒီနေရာကို ရောက်အောင်သွား ၊အိပ်ရေးဝသွားလိမ်.မယ်။အဲဒါ” (နေသဇ်ဓုတင်) ရန်သူ(ထိနမိဒွ)ကို နိုင်တဲ. လက်နက်ဗျာ.။ စစ်တိုက်မယ်နဲ. ခေါင်းအုံးကြီးတွေနဲ. ဆိုတော. မနိုင်တာဟာ ဒါကြောင်.ဗျာ။”
ဒုတိယ ကမ္ဘာစစ်ကြီးမဖြစ်မီ နှစ်ပေါင်းအတော်ကြာကပင် တစ်နှစ်ပြီးတစ်နှစ် အံ့သြကြည်.ညိုဖွယ် သတင်းထူများက ဖုံးကွယ်၍ မရအောင် ဖြစ်လာတော၏။ နွားကျောင်းသား ကုလာလူမျိုး “အလီ” ဖောင်ရွာ နွားနို.ရောင်းကုလား “ဒေ၀ဒတ်” ကျောက်ဆည်မြို. မင်းရပ်”ဦးခ” စသောမျက်မြင်ကိုယ်.တွေ. ပုဂ္ဂိုလ်များတနေ.တခြား များပြားလာသည်နှင်.အမျှ နည်းခံပွားများသောယောဂီများပင် တနေ.တခြား တိုးပွားခဲ.ပါသည်။ ကုလားမျာကမူ –
“ဒီတောင်ပေါ်မှာ ဗမာဘုန်းကြီး လူစွမ်းကောင်းရှိတယ်” ဟုတအံ.တသြပြောဆိုကာ ကုလားလူမျိုးများပင် ဗုဒ္ဓဘာသာဝင်အဖြစ် ခံယူလာကြပါသည်။ ဝေဘူလ ဝေဘာရ တောင်စဉ်တစ်ကြောရှိ စေတီငယ်များအား ကောင်းကင်ယံမှ ပျံကြွကာ ဘုရားမီး ပူဇော် သည်ကိုလည်း အကြိမ်ကြိမ်ဖူးတွေ.ရသူများ ယခုတိုင် ရှိကြပေသေးသည်။
ကျောက်ဆည်မြို၏အရှေ့ တောင်အရပ် တောင်စဉ်တောင်ဝှမ်းများတွင် “တောင်ပေါင်းချောင်”ခေါ်သော အရပ်ဌာန တစ်ခုရှိ၏။ လွန်ခဲ.သော နှစ်ပေါင်း ခုနှစ်ဆယ်ခန်.က ထို ၌်သီတင်းသုံးသောတောင်ပေါင်းချောင်ဆရာတော် ခေါ်ရှေ.မြင်နောက်မြင်ဆရာတော် တပါးရှိခဲ.ဖူးရာ ၄င်းဆရာတော်ကြီးကလည်း “ဝေဘူလချောင်နေရာ၌် အာဇာနည် ပုဂ္ဂိုလ်မြတ်တစ်ပါး ထွန်းပေါက်မည်” ကို ကြိုတင်
ပြောထားခဲ.ဖူးကြောင်း ကျောက်ဆည်ပတ်ဝန်းကျင်၌်ရှေ့ မီ နောက်မီ လူကြီးသူမများ ပြောဆိုကြပါသည်။
https://thenobleeightfoldpath.wordpress.com/